JOEL 3:12 - KA BAIBL

¹² “Ai ki jaid bynriew kin pynkhih ïa lade, bad kin wan kiew sha Ka Them u Jehoshaphat: naba hangta ngan shong ïa ka ban bishar baroh ïa ki jaid bynriew kylleng sawdong.

Khasi CL Bible (BSI)

¹² “Ki jaitbynriew ki dei ban long kiba la kloi bad wan sha ka Them jong ka Jingbishar. Hangta ma nga, U Trai, ngan shong ban bishar ïa baroh ki jaitbynriew ba don sawdong.

JOEL 3:12 Mawu Ofanana

2 KHRONIKL 20:26

Bad ha ka sngi ka basaw ki la ïalum lang ha ka them Berakah; namar hangta ki la kyrkhu ïa U Trai; namar kata, ïa ka kyrteng kata ka jaka la khot “Ka Them Berakah”, haduh kane ka sngi.

SALM 7:6

To ïeng, A Trai, ha ka jingbitar jong me, to pynïeng ïa lade pyrshah ïa ka jingbitar ba-meh ding ki nongïaleh ïa nga: bad to peit na ka bynta jong nga; me la hukum ïa ka jingbishar.

SALM 96:13

ha khmat U Trai, naba u wan; namar u wan ban bishar ïa ka khyndew; un bishar ïa ka pyrthei da ka hok, bad ïa ki kynja bynriew da ka jingshisha jong u.

SALM 98:9

ha khmat U Trai, naba u wan ïa ka ban bishar ïa ka khyndew: un bishar ïa ka pyrthei da ka hok, bad ïa ki kynja bynriew da ka jingbeit.

ISAÏAH 2:4

Bad un bishar hapdeng ki jaid bynriew, bad un sneng shibun ki kynja bynriew: te kin shoh phar-lyngkor ïa la ki waitlam, bad ki wait tari ïa la ki sum: ka jaid bynriew kan ym rah ka waitlam ban ïaleh ïa ka jaid bynriew, lymne, kin ym hikai ïaleh thma shuh.

ISAÏAH 22:1

Ka jingkit ka them jong ka jingithuhpaw. Kaei kaba pynshitom ïa pha mynta, ba pha la kiew lut shalor ïing?

ISAÏAH 3:13

U Trai u ïeng ban ïasaid, bad u ïeng ban bishar ïa u paidlang.

ESEKIEL 30:3

Naba ka sngi ka la jan, kata ka sngi U Trai keiñ ka la jan, ka sngi ba-dum lyoh; kan long ka por jong ki nongmane bleithaw.

ESEKIEL 39:11

“Bad ha kata ka sngi, ngan ai ka jaka tep ïa u Gog ha Israel, ka them jong kita kiba leit jingleit sha mihngi na ka duriaw: bad kan khang ïa kita kiba leit jingleit: te hangta kin ïatep ïa u Gog bad ïa ki paidbah jong u baroh: bad kin ïakhot ïa kata ‘ka Them Hamon-gog.’

JOEL 3:14

Ki paidbah, ki paidbah ha ka them ka jingpynkut! naba ka sngi U Trai ka jan ha ka them ka jingpynkut.

JOEL 3:2

ngan lum ïa ki jaid bynriew baroh, bad ngan wallam ïa ki ha Ka Them u Jehoshaphat; te ngan ïasaid bad ki hangta na ka bynta la ki briew bad na ka bynta ki Israel kaba ka bynta jong nga, ïa kiba ki la pynsaphred hapdeng ki jaid bynriew, bad ki la ïasam ïa ka ri jong nga.

MIKAH 4:3

Bad un bishar hapdeng bun ki kynja bynriew, bad un sneng ïa ki jaid bynriew kiba khlaiñ kiba ha jngai; te kin shoh ïa ki waitlam jong ki ban long kti-phar, bad ïa ki sum jong ki ban long ki wait khmut: ka jaid bynriew kan ym rah ïa ka waitlam pyrshah ïa ka jaid bynriew, lymne kin ym hikai ïaleh thma shuh.

SEKHARAÏAH 14:4

Te ha kata ka sngi ki kjat jong u kin ïeng halor u lum Olib, uba ha pyrshah ka Jerusalem shaphang mihngi, bad u lum Olib un kad napdeng jong u shaphang mihngi bad shaphang sepngi, te kan don ka them kaba khraw; te shiliang u lum kan kynriah shaphang shatei, bad shiliang shaphang shathie.

JINGPYNPAW 19:11

Bad nga la ïohi ïa ka bneng ba la plie, bad ha khmih ka kulai balieh; bad ïa uta uba shong halor jong ka la khot U Baïaineh bad U Bashisha; bad ha ka hok, u bishar bad u ïaleh thma.