JOEL 2:31 - KA BAIBL

³¹ Ïa ka sngi yn pynkylla jingdum, bad ïa u bnai ka snam, ha ban sa wan kata ka sngi ka bakhraw bad ba-itieng jong U Trai.

Khasi CL Bible (BSI)

³¹ Ïa ka sngi yn pyndum, bad u bnai un kylla saw kum ka snam shuwa kata ka sngi bakhraw bad bashyrkhei jong U Trai kan wan.

JOEL 2:31 Mawu Ofanana

JEREMAÏAH 4:28

“Na ka bynta kane, ka khyndew kan ïam, bad ki bneng sha jrong kin ïong noh: namar nga la kren ïa kata, nga la thmu ïa kata, bad ngam shym la kylla-ka-bamut, lymne ngan ym phai noh na kata.”

ESEKIEL 32:7

Te haba ngan sa pynlip noh ïa me, ngan tap ïa ka bneng, bad ngan pyndum ïa ki khlur jong ka de: ngan tap ïa ka sngi da u lyoh, bad u bnai un ym ai la ka jingshai.

JOEL 2:1

“To put ïa ka ronsing ha Seïon, to put ïa ka jingmaham ha u lum bakhuid jong nga; ai kin khynñiuh kiba shong ha ka ri baroh: naba ka sngi U Trai ka wan, naba ka la jan;

JOEL 2:10

Ka khyndew ka kyiuh ha khmat jong ki; ki bneng ki ïakhynñiuh: ïa ka sngi bad ïa u bnai la pyndum, bad ki khlur ki khang ïa la ka jingtyngshaiñ:

JOEL 2:11

te U Trai u pynmih ïa la ka ktien ha khmat la u paidïapom; naba u paid jong u, u khraw eh; naba uba khlaiñ uta uba pyndep ïa ka ktien jong u: naba ka sngi U Trai ka long kaba khraw bad kaba itieng eh; te uei ba lah ban shah ïa ka?

JOEL 2:2

ka sngi kaba dum bad baïong, ka sngi ki lyoh bad ka jingdum barben, kumba ka step phyrngab ka phriang halor ki lum; u paidbah u bakhraw bad u bakhlaiñ, ym shym don mynno mynno uba kat uta, lymne kan ym long shuh ruh hadien jong u, haduh ki snem pateng la pateng keiñ.

JOEL 3:1

“Naba ha khmih, ha kita ki sngi, bad ha kata ka por, haba ngan wallam pat ïa ka jingpynwir ki Judah bad Jerusalem,

JOEL 3:15

Ka sngi bad u bnai ki la dum, bad ki khlur ki khang ïa la ka jingtyngshaiñ.

SEKHARAÏAH 14:6

“Bad kan long ha kata ka sngi, ba ka jingshai kan ym long kaba phyrnai, bad kaba dum:

MALAKHI 4:1

“Naba, ha khmih, kata ka sngi ka wan, ka ing kum ka lawar ding; te kiba sarong baroh, bad baroh kiba leh bymman, kin long u skum: bad kata ka sngi kaba wan kan pyningkhong ïa ki,” ong U Trai ki paid, “kat ban ym pynsah ïa ki lymne u thied lymne ka tnat.

MALAKHI 4:5

“Ha khmih, ngan phah ha phi ïa u Elias u nongïathuhlypa shuwa ban sa poi kata ka sngi ka bakhraw bad kaba itieng U Trai.

MATHAÏOS 24:29

“Kumne kumne ruh, hadien ka jynjar kita ki sngi, ïa ka sngi yn pyndum, bad u bnai un ym ai la ka jingshai, bad ki khlur kin hap na bneng, bad yn pynkhynñiuh ïa ki bor ki bneng.

MATHAÏOS 27:45

Te ka jingdum ka la don ha ka khyndew baroh naduh kaba hynriew baje haduh kaba khyndai baje.

LOUKAS 21:25

“Ki dak ruh kin long ha ka sngi bad ha u bnai bad ha ki khlur, bad ha ka khyndew ka jingjynjar jong ki jaid bynriew, ki da sngewlyngngoh namar ka jingkyrhuh ka duriaw bad ki jingat phyllung,

KI KAM 2:20

ïa ka sngi yn pynkylla dum, bad ïa u bnai yn pynkylla snam, mynshuwa ban wan kata ka sngi ka jong U Trai kaba khraw bad ba-itriem.

JINGPYNPAW 8:12

Bad u angel u basaw u la pynsawa; te la shoh ïa ka balai ka bynta na ka jong ka sngi, bad ïa ka balai ka bynta na ka jong u bnai, bad ïa ka balai ka bynta na ka jong ki khlur, khnang ban pyndum ïa kata ka balai ka bynta jong ki, bad kata ka sngi kam pynshai ïa kata ka balai ka bynta jong ka, bad ka miet kumjuh.