JOEL 2:19 - KA BAIBL

¹⁹ Te U Trai u la ïathuh bad u la ong ha la ki briew, “Ha khmih, ngan phah Kew ha phi, bad ka Waiñ, bad ka umphniang, bad yn pynkdang ïa phi da kine: bad ngan ym pynlong ka jingrkhiebeiñ shuh ïa phi hapdeng ki jaid bynriew.

Khasi CL Bible (BSI)

¹⁹ U la jubab ïa ki: “Mynta ngan ai ïa phi u kew bad ka waiñ bad ka umphniang Olib, bad phin long kiba la sngewhun. Kiwei ki jaitbynriew kin ym ñiewbeiñ shuh ïa phi.

JOEL 2:19 Mawu Ofanana

JEREMAÏAH 31:12

Bad kin sa ïawan rwai ha u lum Seïon, bad kin sa ïatuid lang sha ka jingbha jong U Trai, sha u Kew, bad sha ka Waiñ, bad sha ka umphniang, bad sha ki khun blang bad ki khun masi: bad ka mynsiem jong ki kan long kum ka kper ba la ai um, bad kin ym ïasngewsih shuh lano lano ruh.

ESEKIEL 34:29

Bad ngan pynmih ha ki ïa ka kper ba-donnam, te yn ym rong noh ïa ki shuh da ka 'nemsniew ha ka ri, lymne kin ym kit shuh ïa ka jinglehrain jong ki Jentil.

ESEKIEL 36:15

“lymne ngan ym pynsngew shuh ïa pha ïa ka jinglehrain ki Jentil, lymne phan ym shah krenbeiñ shuh na ki kynja bynriew, lymne phan ym pynjynthut shuh ïa ka jaid bynriew jong pha,” ong U Trai U Blei.

ESEKIEL 36:29

Bad ngan pynim ïa phi na ki jingbymkhuid jong phi baroh: bad ngan pynphah ïa u Kew, bad ngan pynroi ruh ïa u, bad ngan ym buh 'nemsniew halor jong phi.

ESEKIEL 36:30

Te ngan pynroi ïa u soh u dieng, bad ïa ka jingmih ka lyngkha, khnang ba phin ym ïoh jingkrenbeiñ shuh namar ka 'nemsniew hapdeng ki jaid bynriew.

ESEKIEL 39:29

lymne ngan ym buhrieh shuh ïa la ka khmat na ki: namar nga la theh noh ïa U Mynsiem jong nga halor ka ïing Israel,” ong U Trai U Blei.

HOSIA 2:15

Te ngan ai ha ka, ïa ki brisoh Waiñ jong ka nangta, bad ïa Ka Them Akhor ban long ka khyrdop ka jingkyrmen: kan phai ktien hangta ruh, kumba ha ki sngi ka jinglong samla jong ka, bad kumba ha ka sngi ba ka la wan kiew na ka ri Ijipt.

HOSIA 2:21

“Te kan long ha kata ka sngi, ngan phai ktien,” ong U Trai, “ngan phai ktien ïa ki bneng, ki ruh kin phai ktien ïa ka khyndew;

HOSIA 2:22

bad ka khyndew kan phai ktien ïa u Kew, bad ïa ka Waiñ, bad ïa ka umphniang; ki ruh kin phai ktien ïa ka Jesril.

JOEL 1:10

La pynsniew ïa ka lyngkha, ka ri ka ïam sngewsih; naba la pynsniew ïa u Kew, ka Waiñ thymmai ka la rngad noh, ka umphniang ka la sdot noh.

JOEL 2:24

“Te yn pyndap ïa ki thiar da u Kew, bad ki jingdiang soh kin shlei da ka Waiñ bad ka umphniang.

LEBITIKOS 26:5

Bad ka thiar jong phi kan kot haduh ka aïom kheit soh Waiñ, bad kaba kheit soh Waiñ kan kot haduh ka aïom bet symbai: bad phin ïoh bam ïa la u kpu haduh ban da kdang, bad shongsuk ha ka ri jong phi.

SEKHARAÏAH 8:12

“Naba kan don u symbai ka jingsuk; bad u dieng Waiñ un ai la u soh, bad ka khyndew kan ai la ka jingmih; bad ki bneng kin ai la ka umjer; bad ngan pynïoh kynti ha kiba sah jong une u paidbah ïa kine kiei kiei baroh.

MATHAÏOS 6:33

Hynrei, phin ïawad shuwa ïa ka hima U Blei, bad ïa ka hok jong u: te ïa kine kiei kiei baroh, yn sa ai lang tam ha phi.

DEUTERONOMI 11:14

ba ngan ai ïa u slap ha ka ri jong phi ha la ka aïom ba bit, ïa u slap u banyngkong, bad u bakhatduh, khnang ba men ïoh ïalum ïa la u Kew, bad ïa la ka Waiñ, bad ïa la ka umphniang.

RUTH 1:6

Ynda kumta, ka la ïeng lem bad kita ki pyrsa kurim jong ka, ïa ka ban leit phai noh pat na kata ka ri Moab: naba ka la ïohsngew ha ri Moab ba U Trai u la wan-i ïa la ki briew da kaba u la ai kpu ïa ki.