JOEL 2:15 - KA BAIBL

¹⁵ To put ïa ka ronsing ha Seïon, to pynkyntang ïa ka jingshah jingit, to khot lang ïa ka jingïaseng bakyrpang:

Khasi CL Bible (BSI)

¹⁵ To put ïa ka turoi halor u lum Seïon; to ai ki hukum na ka bynta ka jingshah jingit bad khot ïa ka jingïaseng bah!

JOEL 2:15 Mawu Ofanana

1 SYIEM 21:12

Ki la pynbna ka jingshah jingit, bad ki la buh ïa u Naboth ha kaba kham jrong hapdeng u paidbah.

1 SYIEM 21:9

Bad ka la thoh ha kita ki shithi, ka da ong, “Pynbna ïa ka jingshah jingit, bad to buh ïa u Naboth ha kaba kham jrong hapdeng u paidbah:

2 SYIEM 10:20

Bad u Jehu u la ong, “To pynkyntang ïa ka jingïaseng bakhuid ïa u Baal.” Bad ki la pynbna ïa ka.

ISAÏAH 1:13

Wat wallam shuh ki jingai bathala; ka jingiwbih thang ka long kaba ijli ha nga; u 'nai thymmai bad ka Sabbaton, kaba khot jingïaseng, ngam lah shah ka jingbymhok bad ka jingïaseng bakyntang.

JEREMAÏAH 36:9

Te ha ka snem ka basan jong u Jehoïakim u khun u Josaïah, u syiem ka Judah, ha u bnai u bakhyndai, ki briew baroh ha Jerusalem, bad ki briew baroh kiba la wan na ki shnong Judah sha Jerusalem, ki la pynbna ka jingshah jingit ha khmat U Trai.

JOEL 1:14

“To pynkyntang ïa ka jingshah jingit, to lum ïa ka jingïaseng bakyrpang, to lum ïa ki tymmen bad baroh kiba shong ha ka ri sha ka ïing U Trai uba U Blei jong phi, bad to ïam ha U Trai.”

JOEL 2:1

“To put ïa ka ronsing ha Seïon, to put ïa ka jingmaham ha u lum bakhuid jong nga; ai kin khynñiuh kiba shong ha ka ri baroh: naba ka sngi U Trai ka wan, naba ka la jan;

JINGKHEIÑ 10:3

Te haba ki ïa-put ïa ki, uta u paidlang baroh un wan ïalang ha me ha ka jingkhang Ka Tabernakl ka jingïaseng.