JOEL 2:13 - KA BAIBL

¹³ bad to kad ïa la ka dohnud, te ym ïa la ki jaiñkup,” bad to phai sha U Trai U Blei jong phi: naba u long uba aiei bad uba isynei lem, uba suki ban bitar, bad uba kynrei ha ka jingisynei, bad uba kylla-ka-bamut na ka jingpynsniew.

Khasi CL Bible (BSI)

¹³ Ai ba ka dohnud ba la pait jong phi kan pyn-i ïa ka jingsngewsih jong phi; kaba kad ïa ki jaiñphong jong phi kam biang.” To wan phai pat sha U Trai U Blei jong phi. U long uba sbun bad uba dap da ka jingisynei; u long uba ïaishah slem bad uba bat ïa la ka kular; u long borabor uba kloi ban map bad ym ban pynshitom.

JOEL 2:13 Mawu Ofanana

JENESIS 37:29

Te u Reuben u la wan kylla pat sha kata ka thliew um; bad ha khmih, u Joseph um don ha kata ka thliew um; te u la kad ïa la ki jaiñkup.

JENESIS 37:34

Te u Jakob u la kad ïa la ki jaiñkup, bad u la buh da ka jaiñ khain ha la ka syngkai, bad u la ïam leh sngewsih ïa la u khun bun sngi.

2 SAMUEL 1:11

Ynda kumta, u Dabid u la bat ïa la ki jaiñ, bad u la kad ïa ki; bad kumjuh uta paidbah baroh uba bad u.

1 SYIEM 21:27

Te ynda u Ahab u la ïohsngew ïa kita ki ktien, u la kad ïa la ki jaiñ, bad u la kup jaiñ khain ha ka doh jong u, u la shah jingit ruh, bad u la thiah ha ka jaiñ khain, bad u la ïaid jar jar.

2 SYIEM 22:11

Te ynda u syiem u la ïohsngew ïa ki ktien Ka Kitab Ka Hukum, u la kad ïa la ki jaiñ.

2 SYIEM 22:19

namar ba ka dohnud jong me kaba jem, bad me la pynrit ïa lade ha khmat U Trai, ynda me la ïohsngew ïa kaba nga la kren pyrshah ïa kane ka jaka, bad pyrshah ïa ki nongshong jong ka, ba kin sa jia long ka jingkynjah bad ka jingtim, bad me la kad ïa la ki jaiñ, bad me la ïam ha khmat jong nga: nga ruh nga la ïohsngew ïa me,’ ” ong U Trai.

2 SYIEM 5:7

Te haba u syiem ki Israel u la lah pule ïa kata ka shithi, u la kad ïa la ki jaiñ, bad u la ong, “Nga long U Blei mo, u ban pynïap bad u ban pynim, ba une u briew u phah ha nga ban pynkoit ïa u briew na u 'ñiangthohlieh jong u? Hynrei, nga kyrpad ïa phi, to pyrkhat, bad to khmih, kumno u wad daw ban ïakajia bad nga.”

2 SYIEM 6:30

Te ynda u syiem u la ïohsngew ïa ki ktien kata ka kynthei, u la kad ïa la ki jaiñ; (te u la dang ïaid nangta halor ka kynroh;) bad ki briew ki la khmih, te ha khmih, u la don ka jaiñ byrni shapoh ha ka doh jong u.

2 KHRONIKL 6:27

te to sngap ma me na bneng, bad to map ïa ka pop ki shakri jong me, bad ïa ka jong ki briew jong me ki Israel, haba me hikai ïa ki, ïa ka lynti babha ha kaba ki dei ban ïaid; bad to phah ïa u slap ha la ka ri, kaba me la ai ha la ki briew ban long ka ri kynti.

NEHEMAÏAH 9:17

bad ki la kyrngah ban kohnguh, bad kim shym la kynmaw ïa ki jingphylla kiba me la leh hapdeng jong ki; hynrei, ki la pyneh ïa la ka ryndang, bad ha ka jingïaleh pyrshah jong ki, ki la thung nongïalam ban phai pat sha ka jinglongmraw: hynrei, me long U Blei uba kloi ban map, uba aiei bad uba dap ka jingisynei, uba tud ban bitar, uba kynrei ha ka jingisynei, bad mem shym la kyntait noh ïa ki.

Ka Kitab U Job 1:20

Ynda kumta u Job u la ïeng, bad u la kad ïa la ka jaiñkup, bad u la khi ïa la ka khlieh, bad u la hap dem ha ka khyndew, bad u la mane;

SALM 103:8

U Trai u dap ka jingisynei bad uba aiei, uba jynsur ban bitar, bad uba kynrei ka jingisynei.

SALM 106:45

bad u la ju kynmaw, ïa la ka jutang na ka bynta jong ki, bad u la ju kylla-ka-bamut katba kum ka jingkynrei ki jingisynei jong u.

SALM 34:18

U Trai u long hajan kita kiba la pait dohnud, bad u pynim ïa kat kiba sngewsih ka mynsiem.

SALM 51:17

Ki jingkñia ki jong U Blei ki long ka mynsiem kaba lwet: ka dohnud kaba lwet bad basngewsih, A U Blei, men ym ibeiñ.

SALM 86:15

Hynrei, me, A Trai, me long U Blei uba dap ka jingisynei bad ka jingaiei, uba jynsur ïa ka jingbitar, bad uba kynrei ka jingisynei bad ka jingshisha.

SALM 86:5

Naba me, A Trai, me long u babha, bad uba kloi ban map, bad uba kyrhai ka jingisynei ïa kita baroh kiba khot kyrpad ïa me.

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

ISAÏAH 58:5

Hato kaba kum kata ka jingshah jingit kaba nga la jied? Ka sngi ïa u briew ban pynshitom ïa la ka mynsiem? Ka long ban shu dem ïa la ka khlieh kum u thungshut, bad ban siang jaiñ byrni bad dpei hapoh jong u? Men khot ïa kane ‘kaba shah jingit,’ bad ‘ka sngi badiang hun ha U Trai?’

ISAÏAH 66:2

Naba ïa kine kiei kiei baroh ka kti jong nga ka la thaw, te kumta kine kiei kiei baroh ki la wan long,” ong U Trai: “hynrei, ha une u briew ngan khmih, wat ha uta uba sngewduk bad uba sngewsih ka mynsiem, bad uba khynñiuh ha ka ktien jong nga.

JEREMAÏAH 36:7

Lehse kin wallam ïa ki jingkyrpad jong ki ha khmat U Trai, bad kin phai noh uwei uwei baroh na ka lynti basniew jong u: namar ka bakhraw ka jingbitar bad ka jingkhih bitar ba U Trai u la kren pyrshah ïa une u paidlang.”

JEREMAÏAH 41:5

don kiba la wan na Shekhem, na Sheiloh, bad na Samaria, phraphew ngut ki briew keiñ, kiba la khi ïa la ki 'ñiuh tmoh bad kiba la kad la ki jaiñ, bad kiba la tar ïa lade, bad ki jingainguh bam bad ka jingiwbih ha ki kti jong ki, ban wallam ïa ki sha ka ïing U Trai.

JEREMAÏAH 42:10

‘Lada phin dang shong ha kane ka ri, te ngan tei ïa phi, bad ngan ym pynkyllon ïa phi, bad ngan thung ïa phi, te yn ym rat noh: namar nga kylla-ka-bamut na ka jingsniew kaba nga la leh ha phi.

ESEKIEL 9:4

Bad U Trai u la ong ha u, “To ïaid lyngba kata ka nongbah, lyngba ka Jerusalem, bad to buh ka dak halor ki shyllangmat jong kita ki briew kiba ud bad kiba lynñiar namar ki jingijli baroh kiba la leh hapdeng jong ka.”

HOSIA 14:1

A ko Israel, to phai sha U Trai U Blei jong me; namar me la kyllon da la ka jingbymhok.

JONAH 3:9

Uei ba tip la U Blei un kylla ne em bad kylla-ka-bamut, bad phai noh na kata ka jingbitar lep jong u, ba ngin ym ïap noh?”

JONAH 4:2

Bad u la duwai ha U Trai, bad u la ong, “Nga kyrpad ïa me, A Trai, kane kam shym long ka ktien jong nga, mynba nga dang don ha la ka ri? Namar kata, nga la pynkloi ban phet noh sha Tarshish: naba nga la tip keiñ ba me long U Blei uba aiei, bad uba dap ka jingisynei lem, uba tud ïa ka ban bitar, bad uba kynrei ha ka jingisynei, bad me kylla-ka-bamut namar ka jingsniew.

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

NAHUM 1:3

U Trai u long uba tud ban bitar, bad uba khraw ka bor, bad un ym pynksan ïa u bymman da lei lei: U Trai u don la ka lynti ha ka lyer langthari bad ha ka 'erïong, bad ki lyoh ki long ka 'dewmet ki sla'jat jong u.

JINGKHEIÑ 14:18

‘U Trai u long uba shah slem, bad uba khraw ka jingisynei, uba map noh ïa ka pop, bad ïa ka jingpalat, khlem da pynksan da lei lei ruh ïa uba rem; uba pynwan hap ïa ka pop jong ki kpa halor ki khun ki ksiew, haduh ka balai, bad ka basaw pateng bynriew.’

Ka Shithi U Paul Sha Ki Nong Rom 2:4

Ne me ñiewbeiñ ïa ka jingkynrei ka jingsbun, bad ka jingïaishah, bad ka jingshahslem ruh ka jong u, khlem da pyrkhat satia ba kata ka jingsbun ka jong U Blei ka thew ïalam ïa me sha ka jingkylla-ka-bamut?

EPHESOS 2:4

hynrei, U Blei, ba u long uba kynrei ka jingisynei, namar ka jingieit kaba khraw jong u da kaba u la ieit ïa ngi,

1 TIMOTHI 4:8

Namar ka jingpynmlien ïa ka met, ka myntoi tang khyndiat; hynrei, kata ka jingriewblei, ka pynmyntoi sha kiei kiei baroh; naba ka don ka jingkular ïa ka jingim kaba mynta, bad ïa kata ka ban sa wan.