JOEL 2:11 - KA BAIBL

¹¹ te U Trai u pynmih ïa la ka ktien ha khmat la u paidïapom; naba u paid jong u, u khraw eh; naba uba khlaiñ uta uba pyndep ïa ka ktien jong u: naba ka sngi U Trai ka long kaba khraw bad kaba itieng eh; te uei ba lah ban shah ïa ka?

Khasi CL Bible (BSI)

¹¹ U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?

JOEL 2:11 Mawu Ofanana

SALM 18:14

Bad u la pynmih noh ïa la ki khnam, bad u la pynsaphred ïa ki; ïa ki leilieh shibun ruh, bad u la pynphet krad ïa ki.

SALM 46:6

Ki jaid bynriew ki la khih bitar, ki hima ki la khihwin: u la pynmih ïa la ka ktien, ka khyndew ka la um noh.

SALM 68:18

Me la kiew sha jrong, me la ïalam mraw ïa ka jinglongmraw, me la pdiang ïa ki jingai hapdeng ki briew, wat hapdeng kiba kiat ruh, ba U Trai U Blei un ïoh shong bad ki.

ISAÏAH 13:4

Ka jingsawa u paidbah ha ki lum, kumjuh kum u paidlang babun! ka jingsawa ka jingkhynwin ki hima ki jaid bynriew kiba la ïalum lang! U Trai ki paid, u lum paid ban ïaleh thma.

ISAÏAH 42:13

U Trai un mih noh kum u radbah; un pynkhih jingbitar kum u riewïapom: un pyrta, shisha keiñ, un kynhui; un leh borbah ïa la ki nongshun.

ISAÏAH 7:18

Te kan long ha kata ka sngi, ba U Trai un siaw ïa u skain uba ha ka bakut eh ki wah ka ri Ijipt, bad ïa u ngap uba ha ka ri Assyria.

JEREMAÏAH 25:30

“Namar kata, to ïathuhlypa pyrshah ïa ki, ïa kine ki ktien baroh, bad to ong ha ki, “ ‘U Trai un kyrhuh na jrong, bad un pynmih ïa la ka ktien na la ka jaka shong ka bakhuid; un kyrhuh jam pyrshah ïa la ka jingker; un pyrta, kum kita kiba ïuh ïa ki soh Waiñ, pyrshah ïa kiba shong ha ka khyndew baroh.

JEREMAÏAH 30:7

Dur lanot! namar kata ka sngi ka long ka bakhraw, kumta ba ym don kano kano kaba kum ma ka: ka long ka por jynjar u Jakob; hynrei, un ïohlait im noh na ka.

JEREMAÏAH 50:34

U Nongpynim jong ki u long u bakhlaiñ; ‘U Trai ki paid’ long ka kyrteng jong u: un ïasaid lut ïa ka kam jong ki, ba un pynjahthait ïa ka khyndew, bad ba un pynkhih ïa kiba shong ha Babilon.

ESEKIEL 22:14

Hato ka dohnud jong pha ka lah ban shah, lane ki kti jong pha ki lah ban long khlaiñ ha ki sngi ba ngan leh ïa pha? Nga U Trai nga la kren ïa ka, bad ngan leh ïa ka.

JOEL 1:15

Dur ka sngi! naba ka sngi U Trai ka la jan, bad kum ka jingpynjot na U Balah Baroh kan wan.

JOEL 1:6

Naba ka jaid bynriew ka la wan kiew halor ka ri jong nga, kaba khlaiñ, bad ka bym lah ñiew shuh; ki bniat jong u ki long ki bniat sing, bad u don ki 'niat tyngam u sing bah.

JOEL 2:1

“To put ïa ka ronsing ha Seïon, to put ïa ka jingmaham ha u lum bakhuid jong nga; ai kin khynñiuh kiba shong ha ka ri baroh: naba ka sngi U Trai ka wan, naba ka la jan;

JOEL 2:2

ka sngi kaba dum bad baïong, ka sngi ki lyoh bad ka jingdum barben, kumba ka step phyrngab ka phriang halor ki lum; u paidbah u bakhraw bad u bakhlaiñ, ym shym don mynno mynno uba kat uta, lymne kan ym long shuh ruh hadien jong u, haduh ki snem pateng la pateng keiñ.

JOEL 2:25

Bad ngan pynai pat ha phi kita ki snem kiba ki la bam u puit kluiñ, u 'ñiangdkoh, bad u puit bamphlang bad u puit khlam, u paidïapom bakhraw jong nga uba nga la phah hapdeng jong phi.

JOEL 2:31

Ïa ka sngi yn pynkylla jingdum, bad ïa u bnai ka snam, ha ban sa wan kata ka sngi ka bakhraw bad ba-itieng jong U Trai.

JOEL 3:14

Ki paidbah, ki paidbah ha ka them ka jingpynkut! naba ka sngi U Trai ka jan ha ka them ka jingpynkut.

JOEL 3:16

Bad U Trai un kyrhuh na Seïon, bad un pynmih ïa la ka ktien na Jerusalem; bad ki bneng bad ka khyndew kin khih: hynrei, U Trai un long jaka rieh ïa la ki briew, bad ka kut baskhem ïa ki khun Israel.

AMOS 1:2

Bad u la ong, “U Trai un kyrhuh na Seïon, bad un pynmih ïa la ka ktien na Jerusalem; ki jaka pynbam phlang ki nongaplangbrot kin ïapstai, bad ka khlieh u Karmel kan ïap tyrkhong.”

AMOS 5:18

Kordit ïa phi kiba kwah ïa ka sngi U Trai! namar balei phi kwah ïa ka sngi U Trai? ka long ka jingdum, te ym ka jingshai.

AMOS 5:20

Hato kata ka sngi U Trai kan ym long ka jingdum, te ym ka jingshai? ka ba-dum tliw keiñ, bymdon jingtyngshaiñ satia ha ka?

OBADAÏAH 1:15

“Naba ka sngi U Trai ka la jan ha ki jaid bynriew baroh: kumba me la leh, ïa kata yn leh ïa me; ka bainong jong me kan phai pat halor ka khlieh jong me hi.

NAHUM 1:6

Uei uba lah ban ïeng ha khmat ka jingotshla jong u? Bad uei uba lah ban shah ïa ka jingmeh ka jingbitar jong u? Ïa ka jingotshla jong u la theh noh kum ka ding, bad ïa ki mawsiang la pynpait ar liang da u.

MALAKHI 3:2

“Hynrei, uei uba lah ban shah ïa ka sngi ka jingwan jong u? bad uei u ban ïeng haba u mihpaw? Naba u long kum ka ding u nongpynphrang, bad kum ka sabon ki nongsait jaiñ:

JINGKHEIÑ 24:23

Bad u la shim ïa la ka pharshi, bad u la ong, “Waw uei u ban im haba U Blei u leh ïa kane?

1 THESSALONI 4:16

Naba U Trai hi un wan hiar na bneng bad ka jingrisa, da ka ktien sawa u angel rangbah, bad da ka turoi U Blei: bad kita kiba ïap ha U Khrist kin ïamihpat shuwa.

JINGPYNPAW 18:8

Namar kane, kita ki jingïapthem jong ka kin ïawan ha kawei ka sngi, ka jingïap, bad ka jingsngewsih, bad ka 'nemsniew: bad yn thang duh ïa ka da ka ding; naba u bakhrawbor long U Trai uba U Blei uba bishar ïa ka.”

JINGPYNPAW 6:17

naba kata ka sngi kaba khraw ka jingbitar jong u ka la wan keiñ; te uei uba lah ban ïeng?”