JOEL 2:10 - KA BAIBL

¹⁰ Ka khyndew ka kyiuh ha khmat jong ki; ki bneng ki ïakhynñiuh: ïa ka sngi bad ïa u bnai la pyndum, bad ki khlur ki khang ïa la ka jingtyngshaiñ:

Khasi CL Bible (BSI)

¹⁰ Ka pyrthei ka khih katba ki nang tur; ka sahit bneng ka khynñiuh. Ka sngi bad u bnai ki kylla dum, bad ki khlur kim shai shuh.

JOEL 2:10 Mawu Ofanana

SALM 114:7

Pha ka khyndew, to khynñiuh ha khmat U Trai, ha khmat U Blei u Jakob;

SALM 18:7

Ynda kumta, ka khyndew ka la khih bad ka la khynñiuh, ki nongrim ki lum ruh ki la win bad la pynkhih ïa ki, namar ba u la bitar.

ISAÏAH 13:10

Namar ki khlur ka bneng bad ki kynhun jong ka kin ym ai ïa la ka jingshai: ïa ka sngi yn pyndum ha ka jingmih jong ka, u bnai ruh un ym pyntyngshaiñ ïa la ka jingshai.

ISAÏAH 34:4

Ïa ki paid bneng baroh ruh yn pynduh noh, bad ïa ki bneng yn kli lang kum ka jingkli: bad u paid jong ki baroh un jlop noh, kum ka sla kaba tlor noh na u dieng Waiñ, bad kum ka sla batlor na u dieng Dumbur.

ISAÏAH 5:30

Kin kyrhuh pyrshah ïa ki ruh ha kata ka sngi, kum ka jingkyrhuh ka duriaw: te lada khmih mano mano sha ka ri, ha khmih ka jingdum bad ka bajynjar, bad ka jingshai ruh ka la kylla dum da ki lyoh jong ka.

JEREMAÏAH 4:23

Nga la ïohi ïa ka khyndew, te ha khmih, ka la kynjah bad ka la suda; bad ïa ki bneng, te kim shym don jingshai.

JOEL 2:2

ka sngi kaba dum bad baïong, ka sngi ki lyoh bad ka jingdum barben, kumba ka step phyrngab ka phriang halor ki lum; u paidbah u bakhraw bad u bakhlaiñ, ym shym don mynno mynno uba kat uta, lymne kan ym long shuh ruh hadien jong u, haduh ki snem pateng la pateng keiñ.

JOEL 2:31

Ïa ka sngi yn pynkylla jingdum, bad ïa u bnai ka snam, ha ban sa wan kata ka sngi ka bakhraw bad ba-itieng jong U Trai.

JOEL 3:4

“Shisha ruh, phi ka Tyros, bad ka Sidon, bad ki phang ka Philistia baroh, phi long aïu ïa nga? phin leh kylliang ïa nga? bad lada phin leh kylliang ïa nga, ngan pynphai kloi bad stet ïa ka jingleh kylliang jong phi halor ka khlieh jong phi hi.

AMOS 5:8

To wad ïa uta uba pynlong ïa ki Pleïades bad u Orion, bad uba pynkylla ïa ka jingdum tliw tliw ban long step, bad ïa ka sngi ban long miet; uba phah khot ïa ki um ka duriaw, bad uba theh noh ïa ki halor ka khmat ka khyndew; “U Trai” long ka kyrteng jong u;

NAHUM 1:5

Ki lum bah ki khynñiuh ha u, bad ki lum rit ki um noh; ïa ka khyndew la pyn-at phyllung ha khmat jong u, ïa ka pyrthei ruh, bad baroh kat kiba shong ha ka.

MATHAÏOS 24:29

“Kumne kumne ruh, hadien ka jynjar kita ki sngi, ïa ka sngi yn pyndum, bad u bnai un ym ai la ka jingshai, bad ki khlur kin hap na bneng, bad yn pynkhynñiuh ïa ki bor ki bneng.

MATHAÏOS 27:51

Ha khmih ruh, ka jingkah ha ka templ ka la kad ar bynta, naduh na jrong haduh ha tbian, bad ka khyndew ka la khynñiuh, bad ki mawsiang ki la pdang,

KI KAM 2:20

ïa ka sngi yn pynkylla dum, bad ïa u bnai yn pynkylla snam, mynshuwa ban wan kata ka sngi ka jong U Trai kaba khraw bad ba-itriem.

JINGPYNPAW 20:11

Bad nga la ïohi ïa ka khet balieh bakhraw, bad ïa uta uba shong halor jong ka, na khmat jong u, ba ka khyndew bad ka bneng ki la ïaphet noh; te ïa ka jaka ym shym la shem shuh ïa ki.

JINGPYNPAW 6:12

Bad nga la ïohi mynba u la plie ïa ka jingpyndait ka bahynriew, bad la long ka jingkhynñiuh jumai bakhraw; bad ka sngi ka la kylla ïong kum ka jaiñ shñiuh bakhain, bad u bnai pyllun u la kylla kum ka snam;

JINGPYNPAW 8:12

Bad u angel u basaw u la pynsawa; te la shoh ïa ka balai ka bynta na ka jong ka sngi, bad ïa ka balai ka bynta na ka jong u bnai, bad ïa ka balai ka bynta na ka jong ki khlur, khnang ban pyndum ïa kata ka balai ka bynta jong ki, bad kata ka sngi kam pynshai ïa kata ka balai ka bynta jong ka, bad ka miet kumjuh.

JINGPYNPAW 9:2

Te u la plie ïa kata ka 'liewlong bakhlem trai; te ka la leit kiew ka tdem na kata ka 'liewlong, kum ka tdem ka lawar ding kaba khraw; te la pyndum ïa ka sngi bad ïa ka suiñbneng da ka tdem jong kata ka 'liewlong.