JOEL 1:7 - KA BAIBL

⁷ U la pynsniew ïa u dieng Waiñ jong nga, bad u la khoh ïa u dieng Dumbur jong nga: u la pynlyngkhuit plain ïa u, bad u la bred noh ïa u; ki tnat jong u ki la lieh.

Khasi CL Bible (BSI)

⁷ Ki la pynjot ïa ki brisoh jong ngi bad ki la ktha lut ïa ki dieng Dumbur jong ngi. Ki la bam lut ïa ki snep dieng, haduh bad ki tnat ki la kylla lieh.

JOEL 1:7 Mawu Ofanana

SALM 105:33

U la shoh ïa ki dieng soh Waiñ jong ki ruh bad ïa ki dieng Dumbur jong ki; bad u la pynkheiñ ïa ki dieng ka ri jong ki.

EKSODOS 10:14

Kita ki puit te ki la ïakiew halor ka ri Ijipt baroh kawei, bad ki la ïashong ruh ha ki phang baroh jong ka ri Ijipt: kiba jynjar eh; mynshuwa kita, ym pat ju don ki puit kat kita, lymne hadien jong ki yn ym long shuh kat kita.

EKSODOS 10:15

Naba ki la ïatyllup noh lin ïa ka khyndew baroh, katba la pyndum ïa kata ka ri ruh; bad ki la ïabam lut ïa u jhur ka khyndew baroh, bad ïa ki soh na ki dieng baroh kiba la sah na kata kaba shoh phria: te ym shym la sah shuh ei ei ruh ka bajyrngam, ha ki dieng lane ha ki jhur ha ka lyngkha, ha ka ri Ijipt baroh kawei.

ISAÏAH 24:7

Ka Waiñ thymmai ka sngewsih, u dieng Waiñ u stai noh, kiba sngewkmen baroh ki ud.

ISAÏAH 32:12

Kin thab ïa la ki shadem namar ki lyngkha ba pynsngewbha, namar u dieng Waiñ basei soh.

ISAÏAH 5:6

bad ngan iehnoh khlaw ïa ka; yn ym khyllad ïa ka bad yn ym kara ïa ka; te kin mih ki dieng shiah bad ki shiah buid: ngan hukum ruh ïa ki lyoh ban ym pynhap slap halor jong ka.

JEREMAÏAH 8:13

“Ngan pynduh khoit ïa ki,” ong U Trai: “kan ym don soh Waiñ halor u dieng Waiñ, lymne soh Dumbur halor u dieng Dumbur, bad u sla un jlop; bad ïa kita kiba nga la ai ha ki kin phet noh na ki.”

HOSIA 2:12

Bad ngan pynlong khlaw ïa ki dieng Waiñ jong ka bad ïa ki dieng Dumbur jong ka, ïa kiba ka la ong, ‘Kine ki long ki bainong jong nga ba ki ba-ieit jong nga ki la ai ïa nga:’ te ngan pynlong khlaw ïa ki bad ki mrad khlaw kin bam ïa ki.

JOEL 1:12

U dieng Waiñ u la ïapstai noh, bad u dieng Dumbur u la sdot noh; u dieng soh Pong, u dieng Tlai ruh, bad u dieng Sohphoh, ki dieng jong ka bri baroh ki la ïapstai: naba ka jingkmen ka ïapstai noh na ki khun u bynriew.

AMOS 4:9

“Nga la shoh ïa phi da ka jingïap tram bad kaba bam khñiang: ïa ka jingkynrei ki kper jong phi bad ki brisoh Waiñ jong phi bad ki dieng Dumbur jong phi bad ki dieng Olib jong phi u puit u la bam duh: pynban, phim shym phai sha nga,” ong U Trai.

HABAKKUK 3:17

Naba la un ym phuh syntiew u dieng Dumbur, lymne yn ym shem soh ha ki dieng Waiñ; ka jingminot u dieng Olib kan duh, bad ki lyngkha kin ym pynmih jingbam; ïa ki langbrot yn pynduh noh na ki jingker, bad kin ym don masi ha ki sem:

MALAKHI 3:11

Bad ngan sneng ïa u nongbam duh na ka bynta jong phi, te un ym ïoh pynsniew ïa ki soh ka khyndew jong phi; lymne u dieng Waiñ jong phi ha lyngkha un ym pynhap ïa la u soh ha bym pat biang ka aïom,” ong U Trai ki paid.