JOEL 1:18 - KA BAIBL

¹⁸ Katno ki ïa-ud ki mrad! ki kynhun masi ki ïalyngngoh, namar ba kim don phlang; ïa ki kynhun langbrot ruh la pynjot noh.

Khasi CL Bible (BSI)

¹⁸ Ki masi ki ïa-pah ha ka jinglanot namar ym don jaka phlang na ka bynta jong ki; ki kynhun langbrot ruh ki shah jynjar.

JOEL 1:18 Mawu Ofanana

1 SYIEM 18:5

Bad u Ahab u la ong ïa u Obadaïah, “Khie leit lyngba ka ri, sha ki umpohliew baroh, bad sha ki wah baroh: lehse ngi lah ban shem phlang bad ri im ïa ki kulai bad ki khashor, ba ngin ym duh noh ïa ki mrad baroh.”

1 SYIEM 8:5

Te u syiem Solomon bad baroh u paidlang Israel, uba la ïalum lang ha u, u la don bad u ha khmat kata ka synduk, ki ïakñia ïa ki langbrot bad ki masi ki bym lah ong shuh lymne kheiñ ba bun than eh.

JEREMAÏAH 12:4

Slem katno ka ri kan ïam, bad ki jhur ka ri baroh kin ïapstai? Namar ka jingbymman jong kita kiba shong ha ka, ïa ki mrad baroh bad ki sim, ki la duh noh; namar ki la ong, “Un ym ïohi ïa ka bakut jong ngi.”

HOSIA 4:3

Namar kata, ka ri kan sa ïambriew, bad uba shong ha ka baroh un sdot noh, lem bad ki mrad khlaw bad ki sim bneng; shisha keiñ, ïa ki dohkha ka duriaw ruh yn shim noh.”

JOEL 1:20

Ki mrad ha lum ruh ki ïathynrang ha me: naba ka um ki wah duid ka la rngad, bad ka ding ka la bam duh ïa u phlang ha khlaw.

AMOS 1:2

Bad u la ong, “U Trai un kyrhuh na Seïon, bad un pynmih ïa la ka ktien na Jerusalem; ki jaka pynbam phlang ki nongaplangbrot kin ïapstai, bad ka khlieh u Karmel kan ïap tyrkhong.”

HABAKKUK 3:17

Naba la un ym phuh syntiew u dieng Dumbur, lymne yn ym shem soh ha ki dieng Waiñ; ka jingminot u dieng Olib kan duh, bad ki lyngkha kin ym pynmih jingbam; ïa ki langbrot yn pynduh noh na ki jingker, bad kin ym don masi ha ki sem:

HAGGAI 1:10

Namar kata, la khang ïa ka umjer ka bneng namar jong phi, bad la khang ïa u soh jong ka khyndew.

Ka Shithi U Paul Sha Ki Nong Rom 8:22

Namar ngi tip ba ka jingpynlong baroh kawei ka ïa-ud lang bad ka ïasuh khun lang haduh mynta.