JOEL 1:14 - KA BAIBL

¹⁴ “To pynkyntang ïa ka jingshah jingit, to lum ïa ka jingïaseng bakyrpang, to lum ïa ki tymmen bad baroh kiba shong ha ka ri sha ka ïing U Trai uba U Blei jong phi, bad to ïam ha U Trai.”

Khasi CL Bible (BSI)

¹⁴ To ai hukum na ka bynta ka jingshah jingit; to khot na ka bynta ka jingïaseng bah! To ïalumlang ïa ki nongïalam bad ki paid Judah baroh ha ka Templ jong U Trai U Blei jong phi bad to khot kyrpad ïa U.

JOEL 1:14 Mawu Ofanana

2 SYIEM 10:20

Bad u Jehu u la ong, “To pynkyntang ïa ka jingïaseng bakhuid ïa u Baal.” Bad ki la pynbna ïa ka.

2 KHRONIKL 20:13

Bad ki Judah baroh ki la ïeng ha khmat U Trai, lem bad ki khun barit jong ki, ki tnga jong ki, bad ki khun jong ki de.

NEHEMAÏAH 8:18

Man la ka sngi ruh, naduh ka sngi nyngkong haduh ka sngi khatduh, u la pule ha Ka Kitab Ka Hukum U Blei. Bad ki la rakhe ïa Ka Jingkhawai, hynñiew sngi; bad ha ka baphra sngi, ka la long ka jingïaseng bakhuid, katba kum ka rukom.

ESTHER 4:16

“Khie leit, ïalum lang ïa ki Jiw baroh kiba don ha Shushan, bad to ïashah jingit na ka bynta jong nga, bad wat bam lymne dih, lai sngi, mynmiet lane mynsngi: nga ruh bad ki 'thei samla jong nga ngin ïashah jingit kumjuh; bad kumta, ngan leit shapoh sha u syiem, ka bymlong katba kum ka aiñ: bad lada ngan ïap, ai ngan ïap.”

JEREMAÏAH 14:2

“Ka Judah ka ïam, bad ki khyrdop jong ki, ki thap bieit, ki shong kup jaiñïong halor ka khyndew; bad ka jinglynñiar ka Jerusalem ka la leit kiew.

JEREMAÏAH 36:9

Te ha ka snem ka basan jong u Jehoïakim u khun u Josaïah, u syiem ka Judah, ha u bnai u bakhyndai, ki briew baroh ha Jerusalem, bad ki briew baroh kiba la wan na ki shnong Judah sha Jerusalem, ki la pynbna ka jingshah jingit ha khmat U Trai.

JOEL 1:2

“To sngap ïa kane, phi ki tymmen, bad to shahshkor, phi kiba shong ha ka ri. Kum kane ka la jia ha ki sngi jong phi, lane ha ki sngi ki kpa jong phi?

LEBITIKOS 23:36

Hynñiew sngi phin kñia ïa ka jingkñia da ka ding ïa U Trai: ha ka baphra sngi yn long ka jingïaseng bakhuid ïa phi; bad phin kñia ïa ka jingkñia da ka ding ïa U Trai: ka long ka sngi bakyntang: phin ym leh ïa kano kano ka kam.’ ”

JONAH 3:5

Te ki nong Ninebeh ki la ngeit ïa U Blei; bad ki la pynbna ïa ka jingshah jingit, bad ki la phong da ki jaiñ byrni, naduh uba khraw tam jong ki haduh uba rit tam jong ki.

JONAH 3:8

hynrei, ai ban tap ïa ki da ki jaiñ byrni, bad briew bad mrad, bad ai ba kin pyrta kyang ha U Blei: shisha, ai ba kin phai noh uwei uwei baroh na la ka lynti basniew, bad na kata ka jingleh-jubor kaba ha ka kti jong ki.

SEPHANAÏAH 2:1

To ïalum lang, bad to ïawan lang keiñ, ko phi ka jaid bynriew kaba khlem rain;