JOEL 1:13 - KA BAIBL

¹³ “To panpoh ïa lade da ki jaiñ byrni, bad to ïam sngewsih, phi ki lyngdoh; to lynñiar, phi ki shakri ka duwan; ale, to thiah baroh shi miet ha ka jaiñ byrni, phi ki shakri U Blei jong nga; naba ïa ka jingainguh bam bad ka jingainguh dih la bat noh na ka ïing U Blei jong phi.

Khasi CL Bible (BSI)

¹³ To phong ki jaiñ khain bad to ïam, phi ki lyngdoh kiba shakri ha ka duwan! To leit sha ka Templ bad to ïamkthang baroh shi miet! Ym don kew lane waiñ ban ainguh ha U Blei jong phi.

JOEL 1:13 Mawu Ofanana

2 SAMUEL 12:16

U Dabid, namar kata, u la kyrpad ïa U Blei na ka bynta ita i khynnah; bad u Dabid u la shah jingit, bad u la leit, bad u la thiah ha khyndew baroh shi miet.

1 SYIEM 21:27

Te ynda u Ahab u la ïohsngew ïa kita ki ktien, u la kad ïa la ki jaiñ, bad u la kup jaiñ khain ha ka doh jong u, u la shah jingit ruh, bad u la thiah ha ka jaiñ khain, bad u la ïaid jar jar.

ISAÏAH 22:12

Ha kata ka sngi ruh, U Trai, U Trai ki paid, u la khot ïa ka ban ïam, bad ïa ka ban ïam sngewsih, bad ïa ka ban pynlyndum khlieh, bad ïa ka ban panpoh jaiñ byrni:

ISAÏAH 61:6

Hynrei, yn jer kyrteng ïa phi: “Ki lyngdoh jong U Trai;” ki briew kin khot ïa phi; “Ki shakri U Blei jong ngi;” phin bam ïa ka spah ki jaid bynriew, bad ha ka burom jong ki phin kren ïaroh ïa lade.

JEREMAÏAH 4:8

Namar kane, to panpoh ïa lade da ka jaiñ byrni, to lynñiar bad to kyang: Namar ka jingbitar ba-itieng U Trai kam pat shym phai noh na ngi.”

JEREMAÏAH 9:10

“Na ka bynta ki lum bah ngan pynlong ka jingïam bad ka jinglynñiar, bad ïa ka jingsngewsih na ka bynta ki jaka bam phlang ka ri khlaw, naba la wiang duh ïa ki, katba ym don ba ïaid nangta shuh lymne ki briew kim lah ban ïohsngew shuh ïa ka jingpah ki jingri; u sim bneng bad u mrad ruh ki la ïaphet ïap, ki la leit noh.

ESEKIEL 21:12

To lynñiar bad to kyang, ko khun u briew: naba ka long halor u paidlang jong nga, ka long halor ki rangbah Israel baroh: la aiti ïa ki ha ka waitlam lem bad u paidlang jong nga: namar kata, to thab la ka lbong.

ESEKIEL 27:31

bad kin ïa-pynlyndum la ki khlieh na ka bynta jong pha, bad kin panpoh da ka jaiñ byrni, bad kin ïam jew mynsiem na ka bynta jong pha da ka jingïam kthang.

ESEKIEL 7:18

Kin panpoh ruh ïa lade da ka jaiñ byrni, bad ka jingitriem kan tap ïa ki; bad ka jinglehrain kan tap halor ki khmat baroh, bad ka jinglyndum halor ki khlieh jong ki baroh.

HOSIA 9:5

“Phin leh kumno ha ka sngi ka jingïaseng niam, bad ha ka sngi Ka Jingkhawai jong U Trai?

JOEL 2:12

“La kumta ruh wat mynta hi,” ong U Trai, “to phai ha nga da la ka dohnud baroh, bad da ka jingshah jingit, bad da kaba ïam, bad kaba ïam sngewsih:

JOEL 2:14

Uei ba tip la un phai noh ne em bad kylla-ka-bamut, bad un pynsah ka jingkyrkhu hadien jong u, wat ka jingainguh bam bad ka jingainguh dih ha U Trai U Blei jong phi?

JOEL 2:17

Ai ba ki lyngdoh, ki shakri U Trai, kin ïam hapdeng ka khyrdop bad ka duwan, bad to kin ong, “To isynei ïa la ki briew, A Trai, bad wat buh ïa la ka bynta ban long ka jingrkhiebeiñ, ba ki jaid bynriew kin synshar halor jong ki: balei kin ïa-ong hapdeng ki jaid bynriew, ‘Hangno U Blei jong ki?’ ”

JINGKHEIÑ 28:14

Te ki jingainguh dih jong ki, kin long shiteng hin ka Waiñ ïa uwei uwei u masi lyngraw, bad shi bynta na kaba lai hin ïa uwei uwei u langbrot, bad shi pawa hin ïa uwei uwei u khun langbrot: kane ka long ka jingainguh thang jong uwei uwei u bnai lyngba ïa ki bnai jong ka snem.

JINGKHEIÑ 28:4

Ïa uwei u khun langbrot men ainguh mynstep, bad ïa uta uwei pat u khun langbrot de men ainguh janmiet;

JINGKHEIÑ 28:7

Te ka jingainguh dih jong ka, kan long shi pawa hin, lem bad uwei uwei u khun langbrot: men pyntheh ha ka jaka kyntang ïa ka Waiñ ka babha, ban long ka jingainguh dih ha U Trai.

JINGKHEIÑ 29:6

nalor ka jingainguh thang ka jong u bnai, bad ka jingainguh bam jong ka, bad ka jingainguh thang kaba ha la ka sngi, bad ka jingainguh bam jong ka, bad ki jingainguh dih jong ki de, ha la ki rukom rukom, namar ka jingiw baiwbih, ban long ka jingkñia kaba da ka ding ha U Trai.”

1 KORINTH 4:1

To u briew un ñiew ïa ngi kumta, kum ki shakri U Khrist bad ki sordar ki jingmaïan ki jong U Blei.

1 KORINTH 9:13

Hato phim ju tip ba kita kiba ïatrei ïa kita kiei kiei ba la kyntang, ki ïoh la ka bam na ka jong kata ka ïingmane bakyntang? bad ha kita kiba ïa-ap ïa ka duwan, ki ïaïoh bynta bad kata ka duwan?

2 KORINTH 11:23

Ki long ki shakri U Khrist? (nga kren kum u babieit eh!) nga ruh kham tam; ha ki jingtrei minot kham tam shikatdei, ha ki jingsympat ba kham palat, ha ki ïing byndi kham bunsien, ha ki jingïap bunsien.

2 KORINTH 3:6

uba la pynbit ïa ngi ban long ki nongïalap ka jutang bathymmai, ym ki jong ka dak, hynrei, ki jong U Mynsiem; namar kata ka dak ka pynïap, hynrei, uta U Mynsiem u pynim keiñ.

2 KORINTH 6:4

hynrei, da kaba ngi pyni shynna ïa lade ha kiei kiei baroh kum ki nongïalap ki jong U Blei, ha ka jingïaishah shikatdei, ha ki jingjynjar, ha ki jingkyrduh, ha ki jingshipa,

JINGPYNPAW 11:3

Bad ngan ai bor ha ki ar ngut ki nongïaphla jong nga, te kin ïathuhlypa shi hajar arspah hynriewphew sngi, kiba la kup ki jaiñ khain.”