JOEL 1:12 - KA BAIBL

¹² U dieng Waiñ u la ïapstai noh, bad u dieng Dumbur u la sdot noh; u dieng soh Pong, u dieng Tlai ruh, bad u dieng Sohphoh, ki dieng jong ka bri baroh ki la ïapstai: naba ka jingkmen ka ïapstai noh na ki khun u bynriew.

Khasi CL Bible (BSI)

¹² Ki dieng sohwaiñ bad ki dieng Dumbur ki la ïapstai; baroh ki diengsoh ki la tyrkhong bad ki la ïap. Ka jingkmen jong ki briew ka la duh noh.

JOEL 1:12 Mawu Ofanana

SALM 4:7

Me la buh kham bun ka jingkmen ha ka dohnud jong nga, ban ïa kaba ki don haba shlei u Kew bad ka Waiñ jong ki.

SALM 92:12

U bahok un roi kum u dieng Tlai: un nang san kum u dieng Kedar ha u Lebanon.

JINGRWAI SOLOMON 2:3

Kum u dieng Sohphoh hapdeng ki dieng khlaw, kumta u ba-ieit jong nga u long hapdeng ki khun shynrang. Nga la shong hapoh ka syrngiew jong u da kaba sngewbha eh, bad u soh jong u, u la thiang ha ka shyntur jong nga.

JINGRWAI SOLOMON 4:13

Ki tnat jong pha ki long ka brisoh Pomgranet, bad ki soh bakordor; ki dieng Hena bad Speiknard,

ISAÏAH 16:10

Bad ïa ka jingsngewbha la knieh noh, ïa ka jingkmen ruh na ka lyngkha basei soh; te ha ki brisoh yn ym don kaba rwai, lymne ka jingsawa ba sngewkmen: uba ïuh un ym ïuh Waiñ ha ki kor tylliat umsoh; nga la pynwai noh ïa ka jingrisa aïom ot.

ISAÏAH 24:11

Don ka jinglynñiar ha ki lynti shnong namar ka Waiñ; ïa ka jingshadkmen baroh la pyndum tliw, ka jingkmen ka ri ka la jah noh.

ISAÏAH 24:7

Ka Waiñ thymmai ka sngewsih, u dieng Waiñ u stai noh, kiba sngewkmen baroh ki ud.

ISAÏAH 9:3

Me la pynbun ïa kata ka jaid bynriew, me la pynroi ïa ka jingkmen jong ki: ki ïakmen ha khmat jong me kat ka jingkmen ha ka aïom ot, kat kiba shadkmen haba ki ïabynta ïa ka jinglute.

JEREMAÏAH 48:3

“Ka jingsawa ka jingpyrta na Horonaim, ‘ka jinglute bad ka jingpynjot bakhraw!’

JEREMAÏAH 48:33

Bad ïa ka jingsngewbha bad ïa ka jingkmen la shim noh, na ki lyngkha basei soh bad na ka ri Moab; bad nga la pynduh noh ïa ka Waiñ na ka kor tylliat soh: ym don shuh u ban ïuh da ka jingrisa; ka jingrisa kan ym long shuh ka jingrisa.

JOEL 1:10

La pynsniew ïa ka lyngkha, ka ri ka ïam sngewsih; naba la pynsniew ïa u Kew, ka Waiñ thymmai ka la rngad noh, ka umphniang ka la sdot noh.

JOEL 1:16

Hato ym shym la pynduh noh ha khmat jong ngi na ka ïing U Blei jong ngi ïa ka jingbam, ïa ka jingkmen, bad ïa ka jinglehkmen?

JONAH 4:7

Hynrei, U Blei u la khreh ïa u khñiang haba la shai phyrngab kum lashai, uta te u la shoh ïa uta u Kikaïon, haduh ba u la ïapstai noh.

HAGGAI 2:19

U symbai u dang don ha ka thiar? u dieng Waiñ ruh, bad u dieng Dumbur, bad u dieng soh Pong, bad u dieng Olib kim shym la sei soh; naduh kane ka sngi ngan kyrkhu ïa phi.”

MALAKHI 3:11

Bad ngan sneng ïa u nongbam duh na ka bynta jong phi, te un ym ïoh pynsniew ïa ki soh ka khyndew jong phi; lymne u dieng Waiñ jong phi ha lyngkha un ym pynhap ïa la u soh ha bym pat biang ka aïom,” ong U Trai ki paid.

JINGKHEIÑ 13:23

Te ki la poi haduh ka them Eshkol, nangta ruh ki la pom noh ïa kawei ka tnat ha kaba don shi rynjup u soh Waiñ, bad ki la ïabah ïa ka halor u dieng hapdeng ar ngut; ki la wallam ruh ïa ki soh Pong, bad ïa ki soh Dumbur de.