JOEL 1:10 - KA BAIBL

¹⁰ La pynsniew ïa ka lyngkha, ka ri ka ïam sngewsih; naba la pynsniew ïa u Kew, ka Waiñ thymmai ka la rngad noh, ka umphniang ka la sdot noh.

Khasi CL Bible (BSI)

¹⁰ Ki lyngkha kim don ei ei shuh; ka khyndew ka ïamkthang namar ïa u kew la pynjot, ki sohwaiñ ki la tyrkhong, bad ki dieng Olib ki la ïapstai.

JOEL 1:10 Mawu Ofanana

JENESIS 4:12

Haba me rep ïa ka khyndew, kan ym sei ïa la ka bor shuh ïa me; me hi ruh men long u nongïaidwir bad u nongphet ïap ha ka pyrthei.”

ISAÏAH 15:6

Namar ki um ka Nimrim kin kynjah: namar u phlang u la ïapstai, u 'lang lung ruh u la tlor noh, ym don kaei kaei ka bajyrngam.

ISAÏAH 24:11

Don ka jinglynñiar ha ki lynti shnong namar ka Waiñ; ïa ka jingshadkmen baroh la pyndum tliw, ka jingkmen ka ri ka la jah noh.

ISAÏAH 24:7

Ka Waiñ thymmai ka sngewsih, u dieng Waiñ u stai noh, kiba sngewkmen baroh ki ud.

JEREMAÏAH 12:11

Ki la pynlong ka jingkynjah ïa ka; ka ïam ha nga, ba ka long kynjah: la pynlong kynjah ïa ka ri baroh, namar ym don ba kit khia na ka bynta jong ka.

JEREMAÏAH 12:4

Slem katno ka ri kan ïam, bad ki jhur ka ri baroh kin ïapstai? Namar ka jingbymman jong kita kiba shong ha ka, ïa ki mrad baroh bad ki sim, ki la duh noh; namar ki la ong, “Un ym ïohi ïa ka bakut jong ngi.”

JEREMAÏAH 48:33

Bad ïa ka jingsngewbha bad ïa ka jingkmen la shim noh, na ki lyngkha basei soh bad na ka ri Moab; bad nga la pynduh noh ïa ka Waiñ na ka kor tylliat soh: ym don shuh u ban ïuh da ka jingrisa; ka jingrisa kan ym long shuh ka jingrisa.

HOSIA 4:3

Namar kata, ka ri kan sa ïambriew, bad uba shong ha ka baroh un sdot noh, lem bad ki mrad khlaw bad ki sim bneng; shisha keiñ, ïa ki dohkha ka duriaw ruh yn shim noh.”

HOSIA 9:2

Ka kyntem kba bad ka jingkhñiot umsoh Waiñ kin ym bsa ïa ki, bad ka 'iad rot kan duh ha ka.

JOEL 1:12

U dieng Waiñ u la ïapstai noh, bad u dieng Dumbur u la sdot noh; u dieng soh Pong, u dieng Tlai ruh, bad u dieng Sohphoh, ki dieng jong ka bri baroh ki la ïapstai: naba ka jingkmen ka ïapstai noh na ki khun u bynriew.

JOEL 1:5

“To khie thiah, phi kiba buaid, bad to ïam; to lynñiar, phi ki nongdih Waiñ, namar ka Waiñ thiang; naba la pynduh noh ïa ka na ka shyntur jong phi.

JOEL 2:19

Te U Trai u la ïathuh bad u la ong ha la ki briew, “Ha khmih, ngan phah Kew ha phi, bad ka Waiñ, bad ka umphniang, bad yn pynkdang ïa phi da kine: bad ngan ym pynlong ka jingrkhiebeiñ shuh ïa phi hapdeng ki jaid bynriew.

LEBITIKOS 26:20

bad ka bor jong phi kan duh lehnohei: naba ka khyndew jong phi kan ym sei shuh ïa la ka jingmih jong ka, bad ki dieng ka lyngkha kin ym sei ïa u soh jong ki.

HABAKKUK 3:17

Naba la un ym phuh syntiew u dieng Dumbur, lymne yn ym shem soh ha ki dieng Waiñ; ka jingminot u dieng Olib kan duh, bad ki lyngkha kin ym pynmih jingbam; ïa ki langbrot yn pynduh noh na ki jingker, bad kin ym don masi ha ki sem:

HAGGAI 1:11

Bad nga la phah khot ïa kaba rang ryngkhiang halor ka khyndew, bad halor ki lum, bad halor u Kew, bad halor ka Waiñ, bad halor ka umphniang, bad halor kata kaba ka khyndew ka pynmih, bad halor u briew, bad halor ki jingri, bad halor ka jingtrei ki kti baroh.”

MALAKHI 2:3

Ha khmih, ngan pynshitom ïa ki symbai jong phi namar jong phi, bad ngan tah da ka kynsha halor ki khmat jong phi, da ka kynsha ki jingkñia jong phi keiñ; bad yn shim noh ïa phi lem bad ka.