JINGPYNPAW 7:9 - KA BAIBL

⁹ Hadien kine kiei kiei ruh, nga la khmih, bad ha khmih, u paidbah byllien, ïa uba uno uno um lah ban ñiew, na ki kynja bynriew bad na ki jaid bad na ki paidlang bad na ki thylliej baroh, ba ki da ïeng ha khmat kata ka khet bad ha khmat uta U Khun langbrot, kiba la kup ki jaiñkup balieh, bad ki dieng Tlai ha ki kti jong ki;

Khasi CL Bible (BSI)

⁹ Hadien kane nga la khmih, bad la don u paidbah byllien — ym don mano mano ba lah ban ñiew ïa kita ki briew baroh! Ki la long na man ki kynja bynriew, ki jaitbynriew, ki hima, bad ki jait ktien, bad ki la ïeng ha khmat ka khet bad ha khmat uta U Khunlangbrot, kiba la riam ha ki jaiñ balieh bad ki bat ïa ki tnat dieng Tlai ha la ki kti.

JINGPYNPAW 7:9 Mawu Ofanana

JENESIS 13:16

Ngan pynlong ruh ïa u symbai jong me kum ka 'dewmet ka khyndew: kumta keiñ, ba lada u briew u lah ban ñiew ïa ka 'dewmet ka khyndew, kumta te ïa u symbai jong me ruh yn lah ban ñiew.

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

SALM 2:8

To pan na nga, te ngan ai ïa ki jaid bynriew ban long ka bynta jong me, bad ïa ki bakut ka pyrthei ban long ka jingïoh jong me.

SALM 22:27

Baroh ki bakut ka pyrthei kin kynmaw bad kin phai sha U Trai: bad ki kynja ki jaid bynriew baroh kin mane dem ha khmat jong me.

SALM 76:4

Me long uba donburom bad uba khraw, na ki lum ka jinglute.

SALM 77:2

Ha ka sngi ka jingjynjar jong nga, nga la wad ïa U Trai: ka kti jong nga ka kner mynmiet, bad kam shym wai noh; ka mynsiem jong nga kam treh ba yn pyntngen ïa ka.

SALM 98:3

U la kynmaw ïa la ka jingisynei bad ïa la ka jingshisha sha ka ïing Israel: bad ki bakut ka khyndew baroh ki la ïohi ïa ka jingpynim U Blei jong ngi.

JEREMAÏAH 16:19

A Trai, ka bor jong nga, bad ka kut baskhem jong nga, bad ka jaka rieh jong nga ha ka sngi ka jingjynjar, sha me ki jaid bynriew kin wan na ki bakut ka khyndew, bad kin ong, “Ki kpa jong ngi kim shym ïoh ei ei, hynrei, tang ki jinglamler, ïa ka jingthala keiñ, bad kiei kiei ki bym pynmyntoi.

JEREMAÏAH 3:17

Ha kata ka por, kin khot ïa ka Jerusalem ‘ka khet jong U Trai’; bad yn ïalum lang ïa ki jaid bynriew baroh ha ka, sha ka kyrteng U Trai, ha Jerusalem keiñ; lymne kin ym ïaid shuh kat kum ka jingmutlop ka dohnud basniew jong ki.

ESEKIEL 47:5

Hadien kata, u la thew sa shi hajar; te ka la long ka wah ba ngam lah ban ïaid lyngba namar ki um ki la kiew, ki um ban jngi keiñ, ka wah bym lah ban ïaid lyngba.

DANIEL 4:1

U Nebukhadnessar syiem, sha ki kynja bynriew baroh, ki jaid bynriew, bad ki ktien, kiba shong ha ka pyrthei baroh: “To ka jingsuk kan nang roi ha phi.

DANIEL 6:25

Ynda kumta, u Daraïos syiem u la thoh sha kita ki briew, ki jaid bynriew, bad ki ktien baroh, kiba shong ha ka khyndew baroh; “To ka jingsuk kan nang roi ha phi.

HOSIA 1:10

Pynban, ka jingkheiñ ki khun Israel kan long kum u shyiap ka duriaw, u bym lah ban thew lymne ñiew; kan long ruh, ba ha ka jaka ha kaba la ong ha ki, “Phi phim long u paidlang jong nga”, yn ong ha ki, “Phi long ki khun shynrang U Blei u ba-im”.

LEBITIKOS 23:40

Te ha ka sngi banyngkong phin shim na u soh jong u dieng ba-itynnad, ïa ki tnat ka dieng Tlai, bad ïa ki tnat ki dieng bakhah, bad ïa ki Latohtih shynrang; bad to ïakmen ha khmat U Trai U Blei jong phi hynñiew sngi.

SEKHARAÏAH 10:8

“Ngan siaw ha ki, bad ngan lum ïa ki; namar nga la siewspah ïa ki: te kin nang roi kumba ki la ju roi.

SEKHARAÏAH 2:11

Bad bun ki jaid bynriew kin pynïasoh ïa lade ha U Trai ha kata ka sngi, bad kin long ki briew jong nga: bad ngan shong hapdeng jong pha, bad phan ïoh tip ba U Trai ki paid u la phah ïa nga ha pha.

LOUKAS 12:1

Mynkata haba la ïalum lang bun hajar u paidbah, kat ban ïaïuh paralok hi, U la sdang ban ong ha ki synran jong U nyngkong eh, “To kiar noh phi na u thiat ki Pharisi, uba long ka jingarsap.

LOUKAS 21:36

Namar kata, to sharai phi ha la ka sngi da kaba duwai, ba yn ïoh ñiew ïa phi kaba bit ban lait noh na kine kiei kiei baroh ki ban sa jia, bad ban ïeng ha khmat U Khun u briew.”

ÏOANNIS 12:13

ki la ïashim ïa ki tnat jong ki dieng Tlai, bad ki la ïamih noh ïa ka ban tan ïa u, bad ki la ïapyrta, “Hosanna! Long ba la kyrkhu ïa U Syiem ki Israel, uba wan ha ka kyrteng U Trai!”

Ka Shithi U Paul Sha Ki Nong Rom 11:25

Namar ngam mon ïa phi ban ym tip, ko parabangeit, shaphang kane ka jingmaïan, ïoh phi long kiba tharai stad ïa lade, ba ka jingeh ka la jia long ïa shiteng shiliang na ki Israel, tad ynda ba kata ka jingdap jong ki Jentil kan da ïoh wan hapoh.

EPHESOS 6:13

Naba kumta, to phin shim ha lade ïa kata ka jingkieng atiar U Blei baroh, ba phi lah ban ïeng ïaleh ha kata ka sngi ka basniew, bad haba la dep ïa kiei kiei baroh ban ïeng skhem.

HEBRU 11:12

Naba kumta ruh, na uwei, bad uta ruh uba la kylla sdot noh, la mih u paid kat ki khlur bneng ha ka jingbun, bad kum u shyiap uba harud duriaw, bym lah ñiew shuh.

HEBRU 12:22

hynrei, phi la wan ha u lum Seïon, bad ha ka nongbah U Blei ba-im, ha ka Jerusalem bakynja bneng, bad ha ki bun paidbah ki angel ki bym lah ñiew shuh,

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

JINGPYNPAW 22:3

Te ka jingtim baroh kan ym long shuh: bad kata ka khet jong U Blei bad jong uta U Khun langbrot kan long ha ka: bad ki shakri jong u kin ïashakri ïa u;

JINGPYNPAW 3:18

Nga pyni buit ha pha ba phan thied na nga ïa ka ksiar ba la phrang ha ka ding, ba phan da ïoh man spah; bad ïa ki jaiñkup balieh, ba phan ïoh kup ïa lade, bad ba kan ym paw kata ka jinglehrain ka jinglyngkhuit jong pha; bad ïa ka jingsleh khmat ban kyllan ïa ki khmat jong pha, ba phan ïohi.

JINGPYNPAW 4:4

Bad baroh sawdong kata ka khet ki la don arphew saw tylli ki khet; bad halor ki khet nga la ïohi arphew saw ngut ki tymmen basan kiba shong, kiba la kup ha ki jaiñkup balieh; bad halor ki khlieh jong ki, ki pansngiat ksiar.

JINGPYNPAW 5:11

Te nga la ïohi, bad nga la ïohsngew ïa ka ktien sawa shibun ki angel baroh sawdong kata ka khet bad kita ki jingthaw ba-im bad kita ki tymmen basan ruh; bad ka jingkheiñ ïa ki, ka la long ki shiphew hajar sien ki shiphew hajar, bad ki hajar sien ki hajar,

JINGPYNPAW 5:9

Bad ki ïarwai ïa ka jingrwai bathymmai, ki da ong, “Me long uba dei ban shim ïa kata ka kitab, bad ban plie ïa kita ki jingpyndait jong ka; naba la pynïap keiñ ïa me, bad me la siewspah ha U Blei da ka snam jong me ïa kiba na ka jaid, bad na ka thylliej, bad na u paidlang, bad na ka kynja bynriew baroh;

JINGPYNPAW 6:11

Bad la ai ha uwei pa uwei baroh ïa ka jaiñkup balieh; bad la ong ha ki, ba kin da ïashong thait shuh sa shibit ar bit, tad ynda yn pyndep noh ïa kita ki para shakri jong ki ruh bad kita ki parabangeit jong ki, ïa ki ban sa pynïap noh kumba ïa ki ruh.

JINGPYNPAW 7:8

Na ka jaid Sabulon khat-ar hajar; Na ka jaid Joseph khat-ar hajar; Na ka jaid Benjamin la shon khat-ar hajar.