JINGPYNPAW 5:1 - KA BAIBL

¹ Bad nga la ïohi ha ka kti kamon jong uta uba shong halor kata ka khet ïa ka kitab, ïa kaba la thoh shapoh bad shalor, ïa kaba la pyndait laha da ki hynñiew ki jingpyndait.

Khasi CL Bible (BSI)

¹ Nga la ïohi ïa ka kot kli ha ka kti kamon jong uta uba shong halor ka khet; kaba la dap da ka jingthoh ha baroh arliang bad kaba la pyndait da ki hynñiew tylli ki jingpyndait.

JINGPYNPAW 5:1 Mawu Ofanana

ISAÏAH 29:11

Te ka jingithuhpaw baroh ka la jia long ha phi kum ki ktien ka kitab ba la pyndait laha, kaba ki briew ki aiti ha uwei uba nang, da kaba ong, “To pule ïa kane, nga kyrpad ïa me:” u ruh u ong, “Ngam lah, namar la pyndait laha ïa ka.”

ISAÏAH 34:16

To wad phi na ka kitab U Trai, to pule ruh: kawei na kine kan ym jah, kawei kan ym duh la u lok: namar ka shyntur jong nga ka la hukum, bad U Mynsiem jong U, U la ïalum ïa ki.

ISAÏAH 8:16

To teh ïa ka jingphla, to pyndait laha ïa ka hukum hapdeng ki synran jong nga.

DANIEL 8:26

Bad kata ka jingithuhpaw jong kita ki janmiet bad ki step ïa kaba la ïathuh ka long kaba shisha: hynrei, to pyndait noh ïa kata ka jingithuhpaw; namar ka dei ïa kaba lawei lathai.”

SEKHARAÏAH 5:1

Ynda kumta pat, nga la khmied ïa la ki khmat, bad nga la ïohi, te ha khmih, ka kot bakli kaba her.

JINGPYNPAW 10:2

bad u don ha ka kti jong u ka kitab rit ba la plie. Bad u la buh ïa ka kjat kamon jong u halor ka duriaw, bad ïa kadiang halor ka khyndew;

JINGPYNPAW 4:3

Te uta uba shong u la long haba khmih kum u maw Jasper bad u Sardios: bad la don u simpyllieng baroh sawdong kata ka khet, uba kum u maw Emerald haba peit ïa u.

JINGPYNPAW 4:9

Bad haba kita ki jingthaw ba-im ki ïa-ai ka burom bad ka jingpyndonburom bad ka jingnguh ha uta uba shong halor kata ka khet, ha uta u ba-im sha ki bymjukut ki bymjukut,

JINGPYNPAW 5:13

Bad ïa ka jingthaw baroh kaba don ha bneng, bad halor ka khyndew, bad shapoh ka khyndew, bad ha ka duriaw, bad kiei kiei baroh kiba ha kita, nga la ïohsngew haba ki ong, “Ha uta uba shong halor kata ka khet, bad ha uta U Khun langbrot, to long ka jingkyrkhu, bad ka jingpyndonburom, bad ka burom, bad ka bor, sha ki bymjukut ki bymjukut!”

JINGPYNPAW 5:7

Bad u la leit, bad u la shim ïa kata ka kitab na ka kti kamon jong uta uba shong halor kata ka khet.

JINGPYNPAW 6:1

Bad nga la khmih mynba uta U Khun langbrot u la plie ïa kawei na kita ki hynñiew ki jingpyndait, bad nga la ïohsngew ïa uwei na kita ki saw tylli ki jingthaw ba-im ba u da kren kum ka jingriew u pyrthat, “To ale, bad to khmih.”

JINGPYNPAW 6:16

bad ki ïa-ong ha kita ki lum bah bad ha kita ki mawsiang, “To hap ha ngi, bad to buhrieh noh ïa ngi na ka khmat uta u bashong halor kata ka khet, bad na ka jingbitar jong uta U Khun langbrot;

JINGPYNPAW 8:1

Bad mynba u la plie ïa ka jingpyndait ka bahynñiew, ka la long ka jingsngap jar ha bneng kumba shiteng kynta.