JINGPYNPAW 1:1 - KA BAIBL

¹ Ka jingpynpaw U Jisu Khrist, ïa kaba U Blei u la ai ha u, ban pyni ha ki shakri jong u ïa kiei kiei ruh kiba dei ban jia long shen; bad haba u la phah da u angel jong u, u la pyntip ïa ka ha u Ïoannis u shakri jong u,

Khasi CL Bible (BSI)

¹ Kane ka kitab ka long ka jingbuh jingthoh ïa ki jingjia kiba U Jisu Khrist u la pynpaw. U Blei u la ai ha u ïa kane ka jingpynpaw khnang ban pyn-i ha ki shakri jong u ïa kaei kaba dei ban jia shen. U Khrist u la pynlong ïa kine kiei kiei ban tip da u shakri jong u, u Ïoannis da kaba phah ïa la u angel sha u,

JINGPYNPAW 1:1 Mawu Ofanana

SALM 25:14

Ka jingmut barieh jong U Trai ka don bad kita kiba sheptieng ïa u; bad un pynbna ha ki, ïa la ka jutang.

DANIEL 8:16

Bad nga la ïohsngew ïa ka ktien briew hapdeng ka wah Ulai, kaba pyrta, bad ka ong, “Ko Gabriel, to pynsngewthuh ïa une u briew shaphang kata ka jingithuhpaw.”

DANIEL 9:21

shisha keiñ, katba nga la dang kren ha ka jingduwai, uta u rangbah u Gabriel, ïa uba nga la ïohi ha kata ka jingithuhpaw ha kaba nyngkong, ïa uba la pynher stet, u la ktah ïa nga hamar ka por kata ka jingainguh janmiet.

DANIEL 9:23

Ha kaba sdang ki jingkyrpad jong me, ka hukum ka la leit mih noh, bad nga la wan ban ïathuh ha me; namar me long ïa uba la ieit eh: namar kata, to pyrkhat ïa kata ka ktien, bad to sngewthuh ïa kata ka jingithuhpaw.

AMOS 3:7

“Shisha U Trai U Blei un ym leh ei ei, khlem da pynpaw ïa la ka jingthmu ha la ki shakri ki nongïathuhlypa.

ÏOANNIS 12:49

Naba nga ngam shym la kren na lade; hynrei, uta U Kpa uba la phah ïa nga, uta u la ai ka hukum ha nga, kaei ba ngan ong, bad kaei ba ngan kren.

ÏOANNIS 15:15

Ngam khot shuh ki shakri ïa phi, naba u shakri um tip ïa kaei ba u leh u kynrad jong u: hynrei, nga la khot ‘ki lok’ ïa phi, namar ïa kiei kiei baroh kiba nga la ïohsngew na U Kpa jong nga, nga la pyntip ha phi.

ÏOANNIS 17:8

namar kita ki ktien kiba me la ai ha nga, nga la aiti ha ki, ki te ki la pdiang; bad ki tip shisha ba nga la mih noh na me, bad ki la ïangeit ba la phah ma me ïa nga.

ÏOANNIS 3:32

te ïa kaba u la ïohi bad ba u la ïohsngew, ïa kata u phla: hynrei, ym don ba pdiang ïa ka jingphla jong u.

ÏOANNIS 8:26

nga don shibun kiei kiei ruh ban ïathuh, bad ban bishar shaphang jong phi; hynrei, uta uba la phah ïa nga, u long uba shisha, bad kiei kiei ruh kiba nga, nga la ïohsngew na u, ïa kita keiñ nga ong ha ka pyrthei.”

Ka Shithi U Paul Sha Ki Nong Rom 16:25

Te mynta, ha uta uba lah ban pynneh skhem ïa phi katba kum kata ka gospel jong nga, bad kata ka jingïalap ïa U Jisu Khrist, katba kum ka jingpynpaw ïa ka jingmaïan ba la ri jar jar na ki rta ba mynhyndai kulong,

GALATIA 1:12

Namar ngam shym la pdiang ïa ka na u briew, lymne ym shym la hikai ïa nga ha ka, hynrei, ka la wan ha nga da ka jingpynpaw U Jisu Khrist.

EPHESOS 3:3

ba da ka jingpynpaw u la pyntip ha nga ïa kata ka jingmaïan (kat kumba nga la thoh mynshuwa ha khyndiat ktien;

TITOS 1:1

U Paul, u shakri U Blei, bad u apostol U Jisu Khrist, katba kum ka jingngeit kiba la jied jong U Blei, bad ka jingtip ïa ka jingshisha kaba katba kum ka jingriewblei;

JINGPYNPAW 1:19

Namar kata, to thoh ïa kiei kiei ruh ïa kiba me la ïohi, bad ïa kiei kiei ruh kiba long, bad ïa kiei kiei ruh ki ban sa long hadien kine;

JINGPYNPAW 1:9

Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist.

JINGPYNPAW 17:1

Te la wan uwei na kita ki hynñiew angel kiba la don kita ki hynñiew pliang, bad u la kren bad nga, u da ong, “To ale shane, ngan pyni ha me ïa ka jingpynrem ïa kata ka nuti kaba khraw kaba shong halor shibun ki um;

JINGPYNPAW 19:10

Te nga la hap dem ha khmat ki kjat jong u ban mane dem ha u. Te u ong ha nga, “To sumar me, wat leh ïa kata! nga long u para shakri jong me bad jong kita ki parabangeit jong me kiba bat ïa ka jingphla U Jisu. To mane dem ïa U Blei” (namar kata ka jingphla U Jisu ka long ka mynsiem ka jingïathuhlypa).

JINGPYNPAW 19:9

Bad u ong ha nga, “To thoh: Suk kita ïa kiba la khot sha kata ka jingïakhawai miet ka jingshongkurim uta U Khun langbrot.” U ong ruh ha nga, “Kine ki long ki ktien bashisha ki jong U Blei.”

JINGPYNPAW 21:2

Bad nga la ïohi ïa ka nongbah ka bakhuid, ka Jerusalem bathymmai, ba ka da wan hiar na U Blei na bneng, ïa kaba la khreh kum ka nongleit-kurim ïa kaba la pynibha khnang ïa u tnga jong ka.

JINGPYNPAW 21:9

Te la wan ha nga uwei na kita ki hynñiew angel kiba don kita ki hynñiew pliang, kiba dap da kita ki hynñiew ki jingïapthem ki bakhatduh; bad u la kren bad nga, u da ong, “To ale shane, ngan pyni ha me ïa kata ka nongleit-kurim, kaba ka tnga uta U Khun langbrot.”

JINGPYNPAW 22:1

Bad u la pyni ha nga ïa ka wah basngur ka um ka jingim, kaba phyrnai kum u mawleiñ, kaba mih noh na ka khet U Blei bad ka jong uta U Khun langbrot, hapdeng kata ka lynti bah jong ka.

JINGPYNPAW 22:16

“Ma nga, U Jisu, nga la phah ïa u angel jong nga ban phla ha phi ïa kine kiei kiei ruh na ka bynta kita ki balang: Nga long ma nga U Thied bad U Khun u ksiew u Dabid, bad uta U Khlur-step batyngshaiñ.”

JINGPYNPAW 22:6

Te u la ong ha nga, “Kine ki ktien ki long kiba ïaineh bad bashisha: bad uta U Trai uba U Blei jong kita ki mynsiem ki nongïathuhlypa, u la phah ïa u angel jong u ban pyni ha ki shakri jong u ïa kiei kiei ruh kiba dei ban jia long shen.”

JINGPYNPAW 22:8

Bad ma nga u Ïoannis nga long uta uba la ïohsngew bad uba la ïohi ïa kine kiei kiei ruh. Te mynba nga la ïohsngew bad nga la ïohi, nga la hap dem ban mane ha khmat ki kjat uta u angel uba la pyni ha nga ïa kine kiei kiei ruh.

JINGPYNPAW 22:9

Te u ong ha nga, “To sumar me, wat leh ïa kata! namar nga long u para shakri jong me bad jong kita ki parabangeit jong me ki nongïathuhlypa, bad jong kita kiba ïasumar ïa ki ktien jong kane ka kitab: to mane dem ïa U Blei.”

JINGPYNPAW 4:1

Hadien kine kiei kiei ruh, nga la khmih, te ha khmih, ka jingkhang ïa kaba la plie ha bneng; bad kata ka ktien sawa ka banyngkong ïa kaba nga la ïohsngew kum ka turoi ka da kren bad nga, ka da ong, “To ale kiew shane, bad ngan pyni ha me ïa kiei kiei ruh kiba dei ban jia long hadien kane.”

JINGPYNPAW 5:7

Bad u la leit, bad u la shim ïa kata ka kitab na ka kti kamon jong uta uba shong halor kata ka khet.