JEREMAÏAH 9:9 - KA BAIBL

⁹ Hato ngan ym wan-i ïa ki na ka bynta kine kiei kiei?” ong U Trai: “ka mynsiem jong nga kan ym pynhiar kput ïa ka jaid bynriew kum kane?”

Khasi CL Bible (BSI)

⁹ Hato ngan ym pynshitom ïa ki na ka bynta kine kiei kiei? Hato ngan ym pynhiarkput halor ka jaitbynriew kaba kum kane? Ma nga, U Trai, nga la kren.”

JEREMAÏAH 9:9 Mawu Ofanana

ISAÏAH 1:24

Namar kata, ong U Trai, U Trai ki paid, U Bakhrawbor jong ki Israel, “A, ngan pyntngen ïa lade halor ki nongïaleh pyrshah jong nga, bad ngan pynhiar kput halor ki nongshun jong nga:

ISAÏAH 10:3

Te phin leh aïu ha ka sngi ka jingwan-i, bad ha ka jingpynjot noh ka ban wan na sha jngai? Hano phin phet ban ïoh jingïarap? Shano ruh phin iehnoh ïa ka burom jong phi?

ISAÏAH 57:6

Hapdeng ki maw jlih jong ka them ka long ka bynta jong me; kita keiñ ki long ka bynta ba hap jong me; ha kita ruh me la theh noh ka jingainguh dih, me la ainguh ïa ka jingainguh. Hato yn pynsngewhun ïa nga ha kine kiei kiei?

JEREMAÏAH 12:11

Ki la pynlong ka jingkynjah ïa ka; ka ïam ha nga, ba ka long kynjah: la pynlong kynjah ïa ka ri baroh, namar ym don ba kit khia na ka bynta jong ka.

JEREMAÏAH 12:4

Slem katno ka ri kan ïam, bad ki jhur ka ri baroh kin ïapstai? Namar ka jingbymman jong kita kiba shong ha ka, ïa ki mrad baroh bad ki sim, ki la duh noh; namar ki la ong, “Un ym ïohi ïa ka bakut jong ngi.”

JEREMAÏAH 4:25

Nga la ïohi, te ha khmih, ym shym don briew, bad ki sim bneng baroh ki la her ïap.

JEREMAÏAH 5:29

Ngan ym wan-i na ka bynta kine kiei kiei?” ong U Trai: “ka mynsiem jong nga kan ym pynhiar kput ïa ka jaid bynriew kaba kum kane?”

JEREMAÏAH 5:9

Ngan ym wan jngoh na ka bynta kine kiei kiei?” ong U Trai: “ka mynsiem jong nga kan ym pynhiar kput ïa ka jaid bynriew kaba kum kane?

HOSIA 4:3

Namar kata, ka ri kan sa ïambriew, bad uba shong ha ka baroh un sdot noh, lem bad ki mrad khlaw bad ki sim bneng; shisha keiñ, ïa ki dohkha ka duriaw ruh yn shim noh.”

JOEL 1:19

A Trai, ha me nga ïam: naba ka ding ka la bam duh ïa u phlang ha khlaw, bad ka thylliej ding ka la jliah ïa ki dieng baroh ha lum.

AMOS 5:1

To sngew ïa kane ka ktien kaba nga shim ban long ka jingïambriew pyrshah ïa phi, A ka ïing Israel.

AMOS 5:2

“Ka theisotti Israel ka la kyllon; kan ym khie shuh: la bred ei ïa ka ha la ka khyndew; ym don shuh u ban pynïeng ïa ka.”