JEREMAÏAH 9:4 - KA BAIBL

⁴ “To uwei uwei baroh un sumar na la u paramarjan, bad to wat shaniah ha uno uno u para: namar man u para un ïashukor naduh haduh, bad man u paramarjan un ïaid kylleng da ki jingkren siar.

Khasi CL Bible (BSI)

⁴ Uwei uwei baroh u dei ban da sumar bha pyrshah ïa u paralok jong u, bad ym don uno uno uba lah ban shaniah ïa u hynmen u para shynrang jong u; namar uwei pa uwei uba shi para u long uba dap da ka jingshukor kum u Jakob, bad uwei uwei u krenbeiñ ïa ki paralok jong u.

JEREMAÏAH 9:4 Mawu Ofanana

JENESIS 32:28

U Angel pat u la ong, “Yn ym khot shuh ïa ka kyrteng jong me, ‘u Jakob’, hynrei ‘u Israel’: naba kum u syiem me la ïoh bor bad U Blei bad ki briew, te me la jop ruh.”

SALM 101:5

Jar uba kren siar ïa la u paramarjan harieh harieh, ïa uta ngan pynduh noh: uta uba imeng bad uba sarong la ka dohnud, ngan ym shah.

SALM 15:3

U bym kren siar da la u thylliej, lymne um leh sniew ïa la u lok, lymne um pdiang ïa ka jingkynnohbeiñ ïa la u paramarjan.

PROBERB 10:18

Uta uba buhrieh ïa ka jingshun u don ki rmiang shyntur kiba lamler; bad uta uba kren siar u long u babieit.

PROBERB 25:18

U briew uba sakhi lamler pyrshah ïa la u paramarjan u long u tyrnem, bad ka waitlam, bad u khnam banep.

PROBERB 4:16

Naba kin ym thiah noh, lymda ki la leh sniew; bad ka jingïohthiah jong ki ka la duh noh, tad ynda ki la pynkyllon ïano ïano.

PROBERB 4:17

Namar ki bam ïa u kpu ka jingbymman, bad ki dih ïa ka Waiñ ka jingleh-jubor.

PROBERB 6:16

Don hynriew tylli kiei kiei kiba U Trai u isih; shisha, hynñiew kiba long ka jingijli ïa u:

PROBERB 6:19

u sakhi uba lamler uba pyrsad ïa ki lamler, bad uta uba bet ïa ka jingïakajia hapdeng ki para.

ISAÏAH 59:13

kaba ryngkang bad kaba len ïa U Trai, bad kaba kynriah noh na kaba bud ïa U Blei jong ngi, kaba kren banbeiñ bad kaba ïaleh pyrshah, kaba pun bad kaba kren na ka dohnud ki ktien lamler.

ISAÏAH 9:16

Naba kita kiba ju ïalam ïa une u paidlang ki pynïaid sakma ïa ki; bad ïa kiba la shah ïalam da ki la pynjot noh.

JEREMAÏAH 12:6

Naba wat ki para jong me, bad ka ïing u kpa jong me, kita hi keiñ ki la ïashetkylla ïa me; kita hi ruh ki la pyrta jam nadien jong me: wat ngeit ïa ki, la ki kren da ki ktien ki babha ïa me.”

JEREMAÏAH 6:28

Ki long baroh ki nongïaleh kiba pynshitom, kiba da ïaid kylleng da kaba kren siar; ki long ka rnong bad u nar; ki baroh ki leh bymman.

JEREMAÏAH 9:8

U thylliej jong ki u long u khnam bapynïap; u kren ïa ka jingshukor: da la u thylliej uwei u kren suk ïa la u paramarjan, hynrei, ha la ka dohnud u ap thap ïa u.

ESEKIEL 22:9

Ki nongkrensiar ki la don ha pha ban pynmih ïa ka snam: bad ha pha ki la ïabam halor ki lum: hapdeng jong pha ki la leh ïa ka jingawria.

LEBITIKOS 19:16

Wat ïaid me kum u nongkrensiar hapdeng u paidbah jong me: lymne ïeng pyrshah ïa ka snam jong u paramarjan jong me: Nga long U Trai keiñ.

MALAKHI 2:10

Hato ngi baroh ngim don uwei u kpa? uwei U Blei um shym la thaw ïa ngi? balei ngi ïashet kylla uwei uwei ïa la u para, ngi da pynsang ïa ka jutang jong ki kpa jong ngi?

MATHAÏOS 10:17

Hynrei, to ïasumar na ki briew, naba kin ïa-ai noh ïa phi ha ki jingbishar, bad kin ïasympat ïa phi ha ki synagog jong ki;

MATHAÏOS 10:21

U para te un ai noh ïa la u para ïa ka ban ïap, u kpa ruh ïa la ki khun: ki khun ruh kin ïeng ïaleh ïa ki kmie ki kpa, bad kin ïa-pynïap ruh ïa ki.

LOUKAS 21:16

Yn ai noh ruh ïa phi wat da ki kmie ki kpa, bad da ki para, bad da ki kur, bad da ki lok; bad ïa kiba na phi kin pynïap.

1 THESSALONI 4:6

ba uno uno ruh un ym leh palat bad leh bymman ïa u parabangeit jong u ha kane ka kam: naba U Trai u long u nongpynhiar kput ha kine kiei kiei baroh, kumba ngi la maham lypa ïa phi bad ngi la phla ruh.