JEREMAÏAH 9:2 - KA BAIBL

² A ba ngan da la don ha ri khlaw ka jaka shong basa jong ki nongleit jingleit; ba ngan da ïoh iehnoh ïa ki briew jong nga, bad ban leit noh na ki! Naba ki baroh ki long kiba klim, ka jingïalang ki briew kiba shetkylla.

Khasi CL Bible (BSI)

² Nga thrang ban don ka jaka ban sah ha ka ri shyiap ha kaba nga lah ban lait na ki briew jong nga. Ma ki baroh ki long ki bymïaineh, ki paidbhur ki nongshetkylla.

JEREMAÏAH 9:2 Mawu Ofanana

ISAÏAH 59:3

Namar ïa ki kti jong phi la pynsang da ka snam, bad ïa ki shynriah'ti jong phi da ka bymhok; ki rmiang shyntur jong phi ki la kren lamler, u thylliej jong phi u la kren blom blom ïa ka jingbymman.

JEREMAÏAH 12:1

Me long u bahok, A Trai, haba nga ïasaid bad me: la kumta ruh nga kwah ban ïasaid ïa kane ka kam ha me: namar balei ba ka lynti ki bymman ka man bha? Namar balei ba kita kiba ïashetkylla eh ki ïalong baroh kiba shongsuk?

JEREMAÏAH 12:6

Naba wat ki para jong me, bad ka ïing u kpa jong me, kita hi keiñ ki la ïashetkylla ïa me; kita hi ruh ki la pyrta jam nadien jong me: wat ngeit ïa ki, la ki kren da ki ktien ki babha ïa me.”

JEREMAÏAH 13:22

Bad lada phan ong ha la ka dohnud, ‘Namar balei ba kine kiei kiei ki la jia ïa nga?’ Namar ka jingkhraw ka jingleh bymhok jong pha keiñ la pynpaw ïa ka jaiñsem jong pha, bad ki khongdong'jat jong pha kin shah leh jubor.

JEREMAÏAH 23:10

Naba ka ri ka dap da ki nongklim; naba namar ka jingsmai ka ri ka sngewsih; ki jaka phlang ka ri khlaw ki la tyrkhong noh; bad ka lynti jong ki ka bymman, bad ka bor jong ki ka bymdei.

JEREMAÏAH 4:22

“Naba ki briew jong nga ki la bieit, kim ithuh ïa nga; ki long ki khynnah ki babieit, kim don jingsngewthuh ei ei: ki long ki basian ïa ka ban leh sniew, hynrei, ïa ka ban leh bha kim tip ei ei.”

JEREMAÏAH 5:1

To phet kylleng ïa ki lynti shnong ka Jerusalem, bad to khmih mynta, bad to tip, to wad ruh ha ki jaka bakylluid jong ka, lada phi lah ban shem ïa u briew, lada don uno uno uba leh hok, uba wad ïa ka jingshisha; te ngan map ïa ka.

JEREMAÏAH 5:11

Naba ka ïing Israel bad ka ïing Judah ki la shetkylla eh ïa nga,” ong U Trai.

JEREMAÏAH 5:2

Bad la ki ong, “Katba im U Trai;” shisha keiñ ki smai lamler.

HOSIA 4:2

Don tang kaba smai bad kaba shukor, bad kaba pynïap, bad kaba tuh, bad kaba klim; ki mih, bad ka snam ka kynroi ïa ka snam.

HOSIA 5:7

Ki la leh shukor ïa U Trai; namar ki la pynkha ïa ki khun nongwei: mynta u 'nai thymmai un sa bam duh ïa ki lem bad la ki lyngkha.

HOSIA 6:7

“Hynrei, ma ki, kum u Adam ki la ryngkang ïa ka jutang: hangta ki la shukor ïa nga.

HOSIA 7:4

Ki long baroh ki nongklim; ki long kum ka pajwa ba la pynshit da u nongshet kpu; u wai noh ban tynruh, naduh ba la tylliat ïa u kpu haduh ba ka la sieb.

MIKAH 6:12

Naba kita ki bariewspah jong ka ki dap da ka jingleh-jubor, bad kita kiba shong ha ka ki la kren ïa ka lamler, bad u thylliej jong ki u long uba shukor ha ka shyntur jong ki.

SEPHANAÏAH 3:4

Ki nongïathuhlypa jong ka ki long ki briew kiba sting bad kiba shetkylla; ki lyngdoh jong ka ki la leh sang ïa ka jaka kyntang, ki la leh jubor ïa ka hukum.

MALAKHI 2:11

U Judah u la shetkylla, bad la leh ïa ka jingijli ha Israel bad ha Jerusalem; naba u Judah u la pynsang ïa ka jingkhuid jong U Trai ïa uba u ieit, bad u la shongkurim ïa ka khun jong u blei nongwei.

MALAKHI 2:14

Pynban, phi ong, “Namar balei?” Namar ba U Trai u la long u sakhi hapdeng jong me bad ka tnga samla jong me, ïa kaba me la shetkylla, la ka long ka lok jong me, bad ka tnga ka jutang jong me.

JAKOB 4:4

Phi kiba klim, hato phim tip ba kata ka jingïalok bad ka pyrthei ka long ka jingshun ïa U Blei? namar kata, uno uno ruh uba mon ban long u lok ka pyrthei, u pynlong ïa lade uba shun ïa U Blei keiñ.

NONGBISHAR 2:10

Bad ïa kata ka pateng bynriew ruh baroh la ïalum lang ha ki kpa jong ki: te la mih kawei pat ka pateng bynriew hadien jong ki, ka bym shym la ithuh ïa U Trai, lymne ïa ka kam ruh kaba u la leh na ka bynta ki Israel.