JEREMAÏAH 9:1 - KA BAIBL

¹ A ba ka khlieh jong nga kan da la long ki um, bad ki khmat jong nga ka pukri ki ummat, ba ngan da ïoh ïam synñia sngi na ka bynta kiba la shah pynïap jong ka khun ki briew jong nga!

Khasi CL Bible (BSI)

¹ Nga kyrmen ba ka khlieh jong nga ka long ka pukri um, bad ba ki khmat jong nga ka umpohliew ki ummat, khnang ba nga lah ban ïam mynsngi bad mynmiet na ka bynta ki briew jong nga kiba la shah pynïap.

JEREMAÏAH 9:1 Mawu Ofanana

SALM 119:136

Ki wah um ki tuid na ki khmat jong nga, namar ba kim sumar ïa ki aiñ jong me.

SALM 42:3

Ki ummat jong nga ki la long jingbam ïa nga mynsngi bad mynmiet, katba ki ïa-ong ïa nga ha la ka sngi, “Hangno uta U Blei jong me?”

SALM 55:7

Ha khmih, kumta nga la sakma sha jngai, bad nga la shong ha ka ri khlaw.” Selah.

ISAÏAH 16:9

Namar kata, ngan ïam da ka jingïam ka Jaser namar u dieng Waiñ ka Sibmah: ngan ai um ïa pha da la ki ummat, ko Heshbon, bad Elealeh: namar halor ki soh lyiur jong pha bad halor ka jingot jong pha ka jingrisa ka thma ka la hap.

ISAÏAH 22:4

Namar kata, nga la ong, “Wat peit sha nga, ngan ïam kthang eh; wat leh shitom ban pyntngen ïa nga, namar ka jinglute ïa ka khun u paidlang jong nga.”

JEREMAÏAH 13:17

Hynrei, lada phin ym sngap ïa kane, ka mynsiem jong nga kan ïam ha kaba rieh namar ka jingsarong jong phi; bad ki khmat jong nga kin ïam sat, bad kin tuid da ki jingjaw ummat, namar ba la ring mraw ïa ka kynhun U Trai.

JEREMAÏAH 14:17

Bad men ong ïa kane ka ktien ha ki, “Ai ba ki khmat jong nga kin jaw ummat synñia sngi, bad ba kin ym wai noh; namar ïa ka khun sotti ki briew jong nga la pynpra noh da ka jingpra ka bakhraw, da ka jingmong kaba jur eh.

JEREMAÏAH 3:10

La kumta ruh ka para bashetkylla jong ka, ka Judah kam shym la phai ha nga da ka dohnud jong ka baroh, hynrei, da kaba arsap,” ong U Trai.

JEREMAÏAH 4:19

“A ki snier jong nga, ki snier jong nga! nga sngewpang haduh ka dohnud hi; ïa ka dohnud jong nga la pynjynjar hapoh jong nga; ngam lah ban sngap jar; namar pha la ïohsngew, A mynsiem jong nga, ïa ka jingsawa ka turoi, ka jingmaham ka thma.

JEREMAÏAH 5:7

“Kumno ngan map ïa pha? Ki khun jong pha ki la lyndet ïa nga, bad ki la smai da kita ki bymlong ki blei: mynba nga la lah bsa kdang ïa ki, ki la klim, bad ki la ïalang kynhun ha ki ïing ki nuti.

JEREMAÏAH 6:26

“A ka khun u paidbah jong nga, to panpoh ïa lade da ka jaiñ byrni, bad sum ïa lade da ka dpei: pynlong ïa lade ka jingïambriew, kumba na ka bynta u khun marwei, ka jinglynñiar ka bakthang eh; namar u nonglute un lap kyndit ïa ngi.

JEREMAÏAH 8:18

A ba ngan da lah pyntngen ïa lade ïa ka jingsngewsih! Ka dohnud jong nga ka la lwait hapoh jong nga.

JEREMAÏAH 9:18

bad to kin pynkloi noh, bad pynmih noh ka jingïambriew ïa ngi, ba ki khmat jong ngi kin tuid da ki jingjaw ummat, bad ba kin pynmih um buk ki irmat jong ngi.

SNGEWSYNEI 2:11

Ki khmat jong nga ki dum noh namar ki ummat, ki snier jong nga ki khih, ïa u dohnud jong nga la theh noh halor ka khyndew, namar ka jingpynjot ka khun ki briew jong nga; namar ba ki khun rit bad kiba dang buiñ ki ïapler ha ki lynti bah ka shnong.

ESEKIEL 22:12

Ha pha, ki la bam tyngka ban pynmih ïa ka snam; pha la shim ka sut bad ïa kaba tam, bad pha la myntoi da kaba khwan na ki paramarjan jong pha da ka jingbanbor, bad pha la klet ïa nga,’ ” ong U Trai U Blei.

HOSIA 7:4

Ki long baroh ki nongklim; ki long kum ka pajwa ba la pynshit da u nongshet kpu; u wai noh ban tynruh, naduh ba la tylliat ïa u kpu haduh ba ka la sieb.