JEREMAÏAH 8:9 - KA BAIBL

⁹ Ki briew ki bastad ki la lehrain, la pynkhaw-eit bad la kem ïa ki: ha khmih, ki la kyntait ïa ka ktien U Trai; te ka jingstad kaba kumno ka don ha ki?

Khasi CL Bible (BSI)

⁹ Ïa ki rangbah bastad jong phi la buh ha ka jinglehrain; ki la shaïong bad shah riam. Ki la kyntait ïa ki ktien jong nga; ka jingstad kaba kumno ki la ïoh mynta?

JEREMAÏAH 8:9 Mawu Ofanana

2 SYIEM 17:15

Bad ki la kyntait ïa ki aiñ jong u bad ïa ka jutang jong u, kiba u la pynlong bad ki kpa jong ki, bad ïa ki jingphla jong u, kiba u la phla ha ki; bad ki la bud ïa ka jingthala, bad ki la kylla long thala, bad ki la leit bud ïa kita ki kynja bynriew kiba la don baroh sawdong jong ki, shaphang kiba U Trai u la lah adong ïa ki ba kin ym leh kum kita.

Ka Kitab U Job 5:12

U pynduh ïa ki buit jong kiba sianti, ba kumta ki kti jong ki kim lah pyndep ïa la ka jingthmu.

Ka Kitab U Job 5:13

U pynngat ïa ki bastad ha la ka jong ka buit sian: bad ïa ka buit jong u bamutlop la pynkyrkieh noh.

SALM 19:7

Ka aiñ U Trai ka long kaba janai, kaba pynbha pat ïa ka mynsiem: ka jingphla U Trai ka long kaba skhem, kaba pynstad ïa uba shida.

ISAÏAH 19:11

Ki rangbah ka Soan ki la bieit ly-ngang; ka jingïasylla ki nongsylla bastad tam u Pharaoh ka la man buit mrad: kumno phi ong ha u Pharaoh, “Nga long u khun ki bastad, u khun ki syiem barim”?

ISAÏAH 29:14

namar kata, ha khmih, ngan leh pat ïa ka kam phylla hapdeng une u paidlang, ka kam phylla keiñ bad ka dak khyllah: te ka jingstad jong ki bastad jong ki kan duh noh, ïa ka jingshemphang jong ki basian jong ki ruh yn buhrieh noh.”

ISAÏAH 43:27

U kpa banyngkong jong me u la leh pop, bad kiba hikai ïa me ki la leh palat ïa nga.

ISAÏAH 8:20

Ïa, sha ka hukum bad sha ka jingphla! Lada kim kren kat kane ka ktien, shisha ka jingmih ka sngi kan ym don ïa ki.

JEREMAÏAH 15:6

Pha la kyntait ïa nga,” ong U Trai, “pha la phai dien: namar kata, nga la rah ïa la ka kti ban ïaleh ïa pha, nga la pynjot ïa pha; nga la thait ban kylla-ka-bamut.

JEREMAÏAH 19:7

Bad ngan pynlong kaba sep ei ïa ka jingpyrkhat ka Judah bad Jerusalem ha kane ka jaka; bad ngan pynkyllon ïa ki da ka waitlam ha khmat ki nongshun jong ki, bad da ka kti kita kiba wad ïa ka jingim jong ki: bad ïa ki metïap jong ki ngan ai ban long jingbam ïa ki sim bneng, bad ïa ki mrad khlaw ka khyndew.

JEREMAÏAH 2:8

Ki lyngdoh kim shym ong, ‘Hangno U Trai?’ Bad kita kiba bat ïa ka hukum kim shym ithuh ïa nga: ki nongsynshar ruh ki la leh palat ïa nga, bad ki nongïathuhlypa ki la ïathuhlypa da u Baal, bad ki la ïabeh ïa kita kiei kiei ki bymmyntoi.

JEREMAÏAH 49:7

Shaphang u Edom. Kumne u ong U Trai ki paid: “Ka jingstad kam don shuh ha Teman? ka jingpyrkhat ka la duh noh na ki basian? ka jingstad jong ki ka la dam noh?

JEREMAÏAH 6:15

Ki la lehrain ne em ynda ki la lah leh ïa ka jingijli? Em, kim shym la lehrain satia, lymne kim lah ruh ban saw kyr-ang: namar kata, kin kyllon hapdeng kita kiba kyllon: ha kata ka por ba ngan wan-i ïa ki yn pynkyllon ïa ki,” ong U Trai.

JEREMAÏAH 6:19

To sngew, A ka khyndew: ha khmih, ngan wallam ka basniew halor une u paidbah, u soh ki jingmut jong ki keiñ, namar kim shym la shahshkor ïa ki ktien jong nga; te shaphang ka hukum jong nga, ki la kyntait ïa ka.

ESEKIEL 7:26

Ka jingpynsniew kan wan halor ka jingpynsniew, bad ka jingbna halor ka jingbna; bad kin ïawad ïa ka jingithuhpaw u nongïathuhlypa; hynrei, ka hukum kan duh noh na u lyngdoh, bad ka buit na ki tymmen.

AMOS 2:4

Kumne u ong U Trai: “Namar lai tylli ki jingryngkang ki Judah, shisha, namar saw tylli, ngan ym pynphai noh ïa ka jingpynshitom na ki; namar ki la kyntait noh ïa ka hukum U Trai, bad kim shym sumar ïa ki aiñ jong u, bad ki jinglamler jong ki, ki la pynsakma ïa ki, ha kiba ki kpa jong ki, ki la ju ïaid:

SEKHARAÏAH 13:4

“Te kan jia ha kata ka sngi, ba ki nongïathuhlypa kin lehrain uwei uwei baroh ïa la ka jingithuhpaw, haba u ïathuhlypa; lymne kin ym phong ïa ka jaiñkup shñiuh ban shukor;

DEUTERONOMI 4:6

To sumar, namar kata, bad to leh ruh ïa ki; naba kane ka long ka jingstad, bad ka jingshemphang jong phi ha khmat kita ki jaid bynriew, ki ban ïohsngew ïa kine ki hukum baroh, bad kin ïa-ong, ‘Shisha kane ka jaid bynriew kaba khraw ka long u paidlang u bastad, bad u bashemphang.’

2 TIMOTHI 3:15

bad ba na myndang khunlung me la tip ïa kita Ki Jingthoh Bakhuid, kiba lah ban pynstad ïa me sha ka jingpynim da ka jingngeit kaba ha U Khrist Jisu.