JEREMAÏAH 8:3 - KA BAIBL

³ Yn kham jied ïa ka jingïap ban ïa ka jingim da kiba dang sah baroh kiba sah tam na kane ka jaid bymman, kiba dang sah ha ki jaka baroh sha kiba nga la beh ïa ki,” ong U Trai ki paid.

Khasi CL Bible (BSI)

³ Bad ki briew jong kane ka jaitbynriew basniew kiba dang im, kiba shong ha ki jaka kiba nga la pynsakma ïa ki, kin jied ban ïap ban ïa kaba ki ïai im. Ma nga, U Trai, nga la kren.”

JEREMAÏAH 8:3 Mawu Ofanana

1 SYIEM 19:4

Hynrei, u hi u la leit shi sngi lynti sha ka ri khlaw, te haba u la poi u la shong hapoh u dieng Ratam: bad u la duwai na ka bynta ïa lade ba un ïap noh; u la ong ruh, “Ka la biang katta; mynta A Trai, to shim noh ïa ka jingim jong nga; naba ngam long kham bha ban ïa ki kpa jong nga.”

JEREMAÏAH 23:3

“Bad ngan lum ïa kiba sah na ka kynhun jong nga na ki ri baroh sha kiba nga la beh noh ïa ki, bad ngan wallam pat ïa ki sha ki jingker jong ki: te kin sei soh bad kin nang bun.

JEREMAÏAH 23:8

hynrei, ‘Katba im U Trai, uba la wallam noh bad uba la ïalam ïa u symbai ka ïing Israel na ka ri shatei, bad na ki ri baroh sha kiba nga la beh noh ïa ki;’ bad kin ïoh shong ha la ka jong ka ri.”

JEREMAÏAH 29:14

Bad phin ïoh shem ïa nga,” ong U Trai, “bad ngan phai noh, bad ngan pynphai noh pat ïa ka jinglongmraw jong phi, bad ngan lum ïa phi na ki jaid bynriew baroh, bad na ki jaka baroh sha kiba nga la beh noh ïa phi,” ong U Trai; “bad ngan wallam ïa phi pat sha ka jaka na kaba nga la pynring mraw ïa phi.”

JEREMAÏAH 29:28

namar ba u la phah sha ngi ha Babilon, u da ong, “Ka jingshong mraw ka long kaba slem: to tei phi ïa ki ïing, bad to shong ha ki; bad to thung ki kper, bad to bam ïa u soh jong ki?” ’ ”

JEREMAÏAH 40:12

ynda kumta, ki Jiw baroh ki la ïawan phai na ki jaka baroh sha kiba la beh noh ïa ki, bad ki la ïawan sha ka ri Judah, sha u Gedalaïah, ha Mispah, bad ki la ïalum Waiñ bad ki soh lyiur shibun eh.

JEREMAÏAH 44:2

“Kumne u ong U Trai ki paid, U Blei ki Israel: ‘Phi la ïohi ïa ki jingsniew baroh kiba nga la wallam halor ka Jerusalem, bad halor ki shnong Judah baroh; bad ha khmih, ha kane ka sngi ki long ka jaka kynjah, bad ym don briew ba shong ha ki;

JEREMAÏAH 44:6

Namar kata, ïa ka jingkhih bitar jong nga bad ïa ka jingbitar jong nga la theh noh, bad la pynmeh ha ki shnong ka Judah bad ha ki lynti shnong ka Jerusalem; bad ki la jot bad ki la kynjah, kumba ka long ha kane ka sngi keiñ.’ ”

JEREMAÏAH 6:9

Kumne u ong U Trai ki paid, “Kin kheit lut ïa kaba sah na ki Israel kum ïa u dieng Waiñ: to suh pat ïa la ka kti kum u nongkhar soh Waiñ sha ki shang.”

DANIEL 9:7

A Trai, ka hok ka long ka jong me, hynrei, ïa ngi ka jinglehrain ka khmat, kumba ha kane ka sngi; ïa ki briew jong u Judah, bad ïa kiba shong ha Jerusalem, bad ïa ki Israel baroh, kiba jan bad kiba jngai, ha ki ri baroh sha kiba me la beh noh ïa ki, namar ka jingpalat jong ki kaba ki la palat ïa me.

LEBITIKOS 26:33

Ngan pynsaphred ïa phi hapdeng ki riewkyndong, bad ngan pynlong ba kin sei noh ka waitlam hadien jong phi: bad ka ri jong phi kan long kynjah, bad ki shnong jong phi kin long khlaw.

AMOS 3:1

To sngew ïa kane ka ktien ba U Trai u la kren pyrshah ïa phi, A ki khun Israel, pyrshah ïa kata ka ïing baroh kaba nga la wallam noh na ka ri Ijipt, u da ong,

JONAH 4:3

Namar kata te, A Trai, nga kyrpad ïa me, to shim noh na nga ïa ka jingim jong nga; naba ka kham bha ïa nga ban ïap ban ïa ka ban im.”

MIKAH 2:3

Namar kata, U Trai u ong kumne: “Ha khmih, nga thaw ïa ka jingsniew pyrshah ïa kane ka ïing, na kaba phin ym ïoh pynkynriah ïa la ki ryndang, lymne phin ym ïaid sarong; naba ka long ka por ka basniew.

DEUTERONOMI 30:1

“Te kan jia, ynda kine kiei kiei baroh ki la wan ha me, kata ka jingkyrkhu bad kata ka jingtim, ïa kiba nga la buh ha khmat jong me, bad men kynmaw ïa ki hapdeng kita ki jaid bynriew baroh, sha kiba U Trai uba U Blei jong me u la beh ïa me,

DEUTERONOMI 30:4

Lada la beh noh ïano ïano ruh na me haduh ka bakut ka bneng, nangta, U Trai uba U Blei jong me un ïalum ïa me, bad nangta ruh, un wallam ïa me:

JINGPYNPAW 6:16

bad ki ïa-ong ha kita ki lum bah bad ha kita ki mawsiang, “To hap ha ngi, bad to buhrieh noh ïa ngi na ka khmat uta u bashong halor kata ka khet, bad na ka jingbitar jong uta U Khun langbrot;

JINGPYNPAW 9:6

Te ha kita ki sngi, ki briew kin wad noh ïa ka jingïap, bad kin ym shem ïa ka satia; bad kin kwah eh ban ïap noh, te kata ka jingïap kan phet noh na ki.