JEREMAÏAH 8:1 - KA BAIBL

¹ “Ha kata ka por,” ong U Trai, “kin pynmih noh na ki jingtep jong ki, ïa ki shyieng ki syiem ka Judah, bad ïa ki shyieng jong ki bakhraw batri jong u, bad ïa ki shyieng ki lyngdoh, bad ïa ki shyieng ki nongïathuhlypa, bad ïa ki shyieng ki nong Jerusalem, na ki jingtep jong ki:

Khasi CL Bible (BSI)

¹ “Ha kata ka por ïa ki shyieng jong ki syiem bad jong ki rangbah synshar ka Judah, kumjuh ruh ïa ki shyieng jong ki lyngdoh, jong ki nongïathuhlypa, bad jong kiwei pat ki briew kiba la shong la sah ha Jerusalem, yn khlong noh na ki jingtep jong ki.

JEREMAÏAH 8:1 Mawu Ofanana

1 SYIEM 13:2

Bad u la pyrta ïa kata ka duwan da ka ktien U Trai, bad u la ong, “Ko duwan, duwan, kumne ong U Trai: ‘Ha khmih, yn kha u khun ha ka ïing u Dabid, yn kyrteng u Josaïah ïa u; halor jong pha un kñia ïa ki lyngdoh ki jaka bajrong kiba thang jingiwbih halor jong pha, bad kin thang shyieng briew halor jong pha.’ ”

2 SYIEM 23:16

Te haba u Josaïah u la kyrtiang, u la ïohi ïa ki jingtep kiba la don hangta ha uta u lum; te haba u la phah shim ïa ki shyieng na kita ki jingtep, u la thang ïa ki halor ka duwan, bad u la pynsang ïa ka, katba kum ka ktien U Trai ïa kaba u briew jong U Blei u la pynbna, uba la pynbna ïa kine kiei kiei.

2 SYIEM 23:20

Bad ïa ki lyngdoh baroh jong ki jaka bajrong kiba la don hangta u la pynïap, halor kita ki duwan, bad u la thang ïa ki shyieng briew halor jong ki; bad u la leit phai sha Jerusalem.

2 SYIEM 9:37

bad ka metïap ka Jesebel kan long kum ka kynsha halor ka lyngkha ha ka bynta ka Jesril; kumta kin ym ïa-ong, “Kane ka Jesebel.” ’ ”

SALM 53:5

Hangta ki la sheptieng shikatdei, ha ka bymdon ka jingsheptieng ruh: naba U Blei u la pynsaphred ïa ki shyieng jong uta uba shong dara ïaleh ïa me; me la pynlehrain ïa ki, naba U Blei u la kyntait ïa ki.

JEREMAÏAH 14:16

Bad kita ki briew ha kiba ki ïathuhlypa yn bred noh ïa ki sha ki lynti shnong ka Jerusalem namar ka 'nemsniew bad ka waitlam: te yn ym don ki ban tep ïa ki, ïa ki keiñ, ïa ki tnga jong ki, lymne ïa ki khun shynrang jong ki, lymne ïa ki khun kynthei jong ki de; naba ngan theh ïa ka jingbymman jong ki halor jong ki.”

ESEKIEL 37:1

Ka kti U Trai ka la long ha nga, bad u la rah noh ïa nga ha U Mynsiem U Trai, bad u la pynshong ïa nga hapdeng ka them; te ka la dap da ki shyieng;

ESEKIEL 6:4

Te ki duwan jong phi kin kylla kynjah, bad ïa ki durblei sngi jong phi yn pynpait: bad ngan bred ïa kiba la pynïap jong phi ha khmat ki bleithaw jong phi.

ESEKIEL 6:5

Bad ngan buh ïa ki metïap ki khun Israel ha khmat ki bleithaw jong ki; bad ngan pynphriang ïa ki shyieng jong phi sawdong ki duwan jong phi.

AMOS 2:1

Kumne u ong U Trai: “Namar lai tylli ki jingryngkang u Moab, shisha, namar saw tylli, ngan ym pynphai noh ïa ka jingpynshitom na u; namar u la thang haduh ban da long shun ïa ki shyieng u syiem ka Edom: