JEREMAÏAH 7:10 - KA BAIBL

¹⁰ bad phin wan ïeng ha khmat jong nga ha kane ka ïing, ïa kaba la khot da ka kyrteng jong nga, bad phin ong, “La aiti noh ïa ngi:” khnang ba phin ïoh leh ïa kine ki jingijli?

Khasi CL Bible (BSI)

¹⁰ Phi leh ïa kine kiei kiei kiba nga ijli, bad nangta phi wan bad ïeng ha ka jingdon ryngkat jong nga, hapoh ka Templ jong nga, bad ong, ‘Ngim lei lei!’

JEREMAÏAH 7:10 Mawu Ofanana

1 SYIEM 9:3

Te U Trai u la ong ha u, “Nga la shahshkor ïa ka jingduwai jong me bad ïa ka jingkyrpad jong me, ba me la pynlong ha khmat jong nga: nga la pynkyntang ïa kane ka ïing, kaba me la tei, ïa ka ban buh ïa ka kyrteng jong nga hangta ha la ka rta; te ki khmat jong nga bad ka dohnud jong nga kin long hangta borabor.

2 SYIEM 21:4

Bad u la tei ruh ïa ki duwan ha ïing U Trai, shaphang kaba U Trai u la ong, “Ha Jerusalem ngan buh ïa la ka kyrteng.”

2 KHRONIKL 33:4

Bad u la tei ki duwan ha ka ïing U Trai, ïa kaba U Trai u la ong, “Ha Jerusalem ka kyrteng jong nga kan long ha la ka rta.”

2 KHRONIKL 33:7

Bad u la buh ïa ka dur ba la mut jong kata ka bleithaw, ïa kaba u la thaw, ha ka ïing U Blei, ïa kaba U Blei u la ong ha u Dabid bad ha u Solomon u khun jong u, “Ha kane ka ïing, bad ha Jerusalem, ïa kaba nga la jied na ki jaid Israel baroh, ngan buh ïa ka kyrteng jong nga ha la ka rta:

PROBERB 15:8

Ka jingkñia u bymman ka long ka jingijli ha U Trai: hynrei, ka jingduwai jong uba beit ka long ka jingsngewbha jong u.

ISAÏAH 48:2

Naba ki khot ïa lade ki jong ka shnong bakhuid, bad ki shaniah ha U Blei ki Israel; “U Trai ki paid” long ka kyrteng jong u.

JEREMAÏAH 32:34

Hynrei, ki la buh ïa ki jingijli jong ki ha ka ïing ïa kaba la khot da ka kyrteng jong nga, ban pyntngit ïa ka.

JEREMAÏAH 34:15

Bad mynta phi la kylla, bad phi la leh kaba dei ha ki khmat jong nga, ha kaba pynbna ïa ka jingpyllait uwei uwei baroh ïa la u paramarjan; bad phi la thaw ka jutang ha khmat jong nga ha ka ïing kaba la khot da ka kyrteng jong nga:

JEREMAÏAH 44:9

Phi la klet noh mo ïa ka jingleh bymman ki kpa jong phi, bad ïa ka jingleh bymman ki syiem ka Judah, bad ïa ka jingleh bymman ki tnga jong ki, bad ïa ka jingleh bymman jong phi hi, bad ïa ka jingleh bymman ki tnga jong phi ruh, kaba ki la leh ha ka ri Judah, bad ha ki lynti bah ka Jerusalem?

JEREMAÏAH 7:11

Hato kane ka ïing, ïa kaba la khot da ka kyrteng jong nga, ka la kylla long ka krem nongtuh ha ki khmat jong phi? Ha khmih, ma nga, ma nga hi keiñ, nga la ïohi ïa kane,’ ” ong U Trai.

JEREMAÏAH 7:14

namar kata, kumba nga la leh ïa ka Sheiloh, kumta ngan leh ïa kane ka ïing ïa kaba la khot da ka kyrteng jong nga, ha kaba phi shaniah, bad ïa kane ka jaka kaba nga la ai ha phi bad ha ki kpa jong phi.

JEREMAÏAH 7:30

“Naba ki khun Judah ki la leh ïa kata ka basniew ha khmat jong nga,” ong U Trai: “ki la buh ïa ki jingijli jong ki ha ka ïing ïa kaba la khot da ka kyrteng jong nga, ban pyntngit sang ïa ka.

ESEKIEL 20:39

Hynrei, ïa phi, ko ka ïing Israel, kumne u ong U Trai U Blei: “To khie, uwei uwei baroh shakri ïa la ki bleithaw, bad lashai lashisngi ruh, lada phim shahshkor ïa nga: hynrei, ïa ka kyrteng jong nga phin ym lehbeiñ sang shuh da ki jingai sngewbha jong phi, bad da ki bleithaw jong phi.

ESEKIEL 23:29

bad kin leh ïa pha ha ka jingisih, bad kin shim noh ïa ka jingtrei minot jong pha, bad kin ieh lyngkhuit bad lyngbiang ïa pha: bad yn pynpaw ïa ka jinglyngkhuit jong ki jingleh nuti jong pha, kumjuh ïa ka jingawria bad ïa ki jingleh nuti jong pha.

ESEKIEL 23:37

Naba ki la klim, bad ka snam ka don ha ki kti jong ki, te bad la ki bleithaw ki la klim; bad ïa la ki khun shynrang ruh, ïa kiba ki la kha ha nga, ki la pynïaid lyngba ka ding ha kita ïa ka ban pynduh khoit ïa ki.

ESEKIEL 23:39

Naba haba ki la pynïap ïa la ki khun sha ki bleithaw jong ki, ki la wan ruh ha kajuh hi ka sngi sha ka jaka kyntang jong nga ban lehbeiñ sang ïa ka; te ha khmih, kumta ki la leh hapdeng ka ïing jong nga.

ESEKIEL 33:25

Namar kata, to ong ha ki, ‘Kumne u ong U Trai U Blei: Phi bam lem bad ka snam, bad phi khmied la ki khmat ha ki bleithaw jong phi, bad phi pynmih snam: te da ma phi phin ïoh ïa ka ri?

ESEKIEL 33:31

Te ki ïawan ha me kumba wan ki paidbah, bad ki ïashong ha khmat jong me kumba shong ki paidbah jong nga, bad ki shahshkor ruh ïa ki ktien jong me, hynrei, kim leh satia ïa ki: namar da ki shyntur jong ki, ki pyni shibun ka jingieit, hynrei, ka dohnud jong ki ka ïabeh ïa ka jingmyntoi jong ki.

ESEKIEL 5:11

Naba kumta, katba nga im,” ong U Trai U Blei, “shisha, namar ba pha la pyntngit ïa ka jaka kyntang jong nga da kiei kiei kiba isih ki jong pha, bad da ki jingijli jong pha baroh, namar kata, nga ruh ngan pynrit ïa pha; bad ka khmat jong nga kan ym riej, nga ruh ngan ym isynei.

DANIEL 9:18

A U Blei jong nga, to pyndem la ka shkor, bad to sngew; to peit la ki khmat, bad to khmih ïa ka jinglong jot jong ngi, bad ïa kata ka nongbah ïa kaba la khot da ka kyrteng jong me: namar ym na ka bynta ki hok jong ngi, ba ngi pynmih ïa la ki jingkyrpad ha khmat jong me, hynrei, na ka bynta ki jingisynei kiba khraw jong me.

HOSIA 6:9

Bad kumba ki paid nongtuh ki ap thap ïa u briew, kumta ruh ka kynhun ki lyngdoh ka shoh noh ha lynti sha Shekhem: shisha keiñ, ki la leh awria.

AMOS 4:5

bad to kñia ïa ka jingkñia ainguh na kata kaba la khleh thiat, bad to pyrta ïa ki jingainguh sngewbha bad to pynbna ïa ki: naba ïa kane phi sngewbha, A phi ki khun Israel,” ong U Trai U Blei.

SEPHANAÏAH 1:5

bad ïa kita kiba mane halor ki neng ïing ïa u paidbah ka bneng; bad ïa kita kiba mane, kiba smai ha U Trai bad kiba smai da u Malkam;

MALAKHI 3:15

Mynta te, ngi khot suk ïa kiba sarong; bad ki nongleh bymman ïa kita keiñ la tei; shisha, ki pynshoi ïa U Blei, te la pynim ïa ki.’ ”

MATHAÏOS 23:13

“Hynrei, kordit ïa phi, ki nongthoh bad ki Pharisi, kiba arsap! naba phi bam duh ïa ki ïing ki riewkynthei, te phi duwai jlan khnang ban tyllep: namar kata, phin ïoh diang ka jingshitom kaba kham khraw.

ÏOANNIS 13:18

Ngam kren shaphang jong phi baroh: nga, nga ithuh ïa kiba nga la jied, ba yn ïoh pyndep ïa kata Ka Jingthoh, ‘Uta uba bam jingbam lem bad nga u la rah ïa la ka khongdong'jat ban ïaleh ïa nga.’

ÏOANNIS 18:28

Ynda kumta, ki la ïalam noh ïa U Jisu na u Kaïaphas sha ka ïingbah u lyngskor: te ka la long mynstep eh; hynrei, ki hi kim shym la leit rung shapoh kata ka ïingbah u lyngskor, ba ïoh kin pynsang ïa lade; hynrei, ba kin ïoh bam ïa Ka Jinglait.