JEREMAÏAH 5:1 - KA BAIBL

¹ To phet kylleng ïa ki lynti shnong ka Jerusalem, bad to khmih mynta, bad to tip, to wad ruh ha ki jaka bakylluid jong ka, lada phi lah ban shem ïa u briew, lada don uno uno uba leh hok, uba wad ïa ka jingshisha; te ngan map ïa ka.

Khasi CL Bible (BSI)

¹ Ko ki briew ka Jerusalem, to phet lyngba ki surok bah jong phi! To khmih sawdong! Peit hi da lade! To wad ïa ki jaka ïew! Hato phi lah ban shem uwei u briew uba leh ïa kaba dei bad uba pyrshang ban ïaineh ha U Blei? Lada phi lah, U Trai un map ïa ka Jerusalem.

JEREMAÏAH 5:1 Mawu Ofanana

1 SYIEM 19:10

U te u la ong, “Nga la sngewskuiñ shikatdei na ka bynta U Trai, U Blei ki paid; naba ki khun Israel ki la lyndet ïa ka jutang jong me, ki la pynkyllon ïa ki duwan jong me, bad ki la pynïap ïa ki nongïathuhlypa jong me da ka waitlam: bad sa tang ma nga hi nga dang sah; bad ki wad ruh ïa ka jingim jong nga, ban shim noh ïa ka.”

2 KHRONIKL 16:9

Namar ki khmat jong U Trai ki shad kylleng ha ka pyrthei baroh, ban pynkhlaiñ ïa lade bad kita kiba ka dohnud jong ki ka janai ha u. Ha kane, me la leh bieit; namar naduh mynta men sa ïoh ki thma.”

SALM 12:1

To ïarap, A Trai; naba ki bariewblei ki duh noh; naba ki jah noh kiba ngeit napdeng ki khun bynriew.

SALM 14:2

U Trai u la jngoh arsut na bneng ïa ki khun bynriew, ban khmih la don ne em mano mano ruh ba la shemphang, ba la wad ïa U Blei.

SALM 14:3

Baroh ki la ïasakma noh; ki la kylla jakhlia lang noh; ym don shuh uba leh babha, em, ym don uwei ruh.

SALM 94:16

Uei u ban mih na ka bynta jong nga pyrshah ïa ki nongleh sniew? Uei u ban ïeng na ka bynta jong nga pyrshah ïa ki nongleh bymman?

PROBERB 20:6

Bun ki briew ki ban pynbna ïa la ka jong ka jong ka jinglehsbun: hynrei, uei u ban shem ïa uba lah ban shaniah?

PROBERB 23:23

To thied ïa ka jingshisha, bad wat die ïa ka; ïa ka jingstad ruh, bad ïa ka jinghikai, bad ïa ka jingshemphang.

PROBERB 8:3

hajan ki khyrdop, ha kaba rung sha shnong, ha kaba leit bsut na ki jingkhang, ka pyrta jam:

JINGRWAI SOLOMON 3:2

Nga la ong, “Ngan ïeng joit mynta, bad ngan leit kylleng sawdong ka nongbah, ha ki lynti shnong bad ha ki lynti bah, ngan wad ïa uta uba ka mynsiem jong nga ka ieit: nga la wad ïa u, hynrei, ngam shem.”

ISAÏAH 59:4

Ym don uba mudui ha ka hok, lymne uba ïasaid ha ka jingshisha: ki shaniah ha kaba thala, bad ki kren lamler, ki pun ïa ka jingpynsniew, bad ki kha ïa ka jingleh bymhok.

JEREMAÏAH 2:29

“Balei te phin dang ïasaid bad nga? Phi baroh phi la leh palat ïa nga,” ong U Trai.

JEREMAÏAH 44:15

Ynda kumta, ki briew baroh kiba la tip ba ki tnga jong ki, ki la thang jingiwbih ha kiwei pat ki blei, bad baroh ki kynthei kiba la ïeng hajan, u paidbah byllien, kita ki briew baroh kiba la shong ha ka ri Ijipt, ha Pathros keiñ, ki la ïathuh ha u Jeremaïah, ki ïa-ong,

JEREMAÏAH 8:6

Nga la sngap bad nga la ïohsngew, hynrei, kim shym la kren kaba dei: ym don uba kylla na ka jingbymman jong u, da kaba ong, ‘Nga la leh aïu?’ Uwei uwei baroh u phai sha la ka lynti, kum u kulai uba tur ruma ha ka thma.

JEREMAÏAH 9:2

A ba ngan da la don ha ri khlaw ka jaka shong basa jong ki nongleit jingleit; ba ngan da ïoh iehnoh ïa ki briew jong nga, bad ban leit noh na ki! Naba ki baroh ki long kiba klim, ka jingïalang ki briew kiba shetkylla.

JEREMAÏAH 9:7

Namar kata, kumne u ong U Trai ki paid, “Ha khmih, ngan saiñ ïa ki, bad phrang ïa ki; namar sa kumno pat ngan leh, na ka bynta ka khun ki briew jong nga?

ESEKIEL 22:30

Bad nga la wad ïa u briew napdeng jong ki, u ban pynïeng ka jingker, bad u ban ïeng ha ka jingpra ha khmat jong nga na ka bynta ka ri, ba ngan ym pynjot ïa ka: hynrei, ngam shem satia.

ESEKIEL 9:9

Te u la ong ha nga, “Ka jingbymhok ka ïing Israel bad ka ïing Judah ka la khraw eh, bad ka ri ka la dap da ka snam, bad ka shnong ka la dap da ka jingpynbakla ïa ka bishar; namar ki ong, ‘U Trai u la iehnoh noh ïa ka ri bad U Trai um ïohi.’

DANIEL 12:4

Hynrei me, ko Daniel, to tap ïa ki ktien, bad to pyndait laha ïa ka kitab, haduh ka por jong ka bakut keiñ: bun kin long ki ban phet shane shatai, bad ka jingtip kan roi.”

JOEL 2:9

Ki ïarynsied halor ka nongbah; ki ïamareh halor ka kynroh; ki kiew shapoh ki ïing; ki ïarung na ki jingkhang ïit kum u nongtuh.

AMOS 8:12

Bad kin ïa-ïaid shen shen na ka duriaw sha ka duriaw, bad na shatei haduh mihngi; kin ïaphet shane bad shawei ban wad ïa ka ktien U Trai, te kin ym shem ïa ka.

SEKHARAÏAH 2:4

bad u la ong ha u, “To mareh, to kren ha une u samla, da kaba ong, ‘Yn pynshong briew ha Jerusalem kum ha ki shnong ki bym ker kynroh, namar ka jingbun ki briew bad ki jingri ha ka.’ ”

LOUKAS 14:21

Te uta u shakri u la wan bad u la ïathuh ha u kynrad jong u ïa kine kiei kiei ruh. Ynda kumta, uta u trai ïing ba u da sngewbitar, u la ong ha la u shakri, ‘Khie leit kumne kumne ruh sha ki lynti bah bad ki lynti rit ka shnong, bad wallam shapoh shane ïa ki baduk, ki bakynriang, ki bamatlah, bad ïa ki ba-dkoh.’

2 THESSALONI 2:10

bad da ka jingshukor ka jingbymhok baroh na ka bynta kita kiba jot; naba kim shym la pdiang ïa ka jingieit ïa ka jingshisha, ba yn pynim ïa ki.