JEREMAÏAH 42:2 - KA BAIBL

² bad ki la ong ha u Jeremaïah u nongïathuhlypa, “To shah, ngi kyrpad ïa me, ban pdiang sngewbha ha khmat jong me ïa ka jingkyrpad jong ngi, bad to duwai na ka bynta jong ngi ha U Trai U Blei jong me, na ka bynta ine i bynta baroh ba sah keiñ; namar ngi sah sa tang khyndiat na ki babun, kumba ki khmat jong me ki ïohi ïa ngi:

JEREMAÏAH 42:2 Mawu Ofanana

1 SYIEM 13:6

Te u syiem u la ïathuh bad u la ong ha uta u briew U Blei, “To kyrpad mynta ïa ka jingisynei U Trai U Blei jong me, bad to duwai na ka bynta jong nga, ba yn pynbha pat ïa ka kti jong nga.” Te uta u briew U Blei u la kyrpad ïa U Trai, bad ïa ka kti u syiem la pynbha pat, bad ka la long kumba mynshuwa.

SALM 119:170

To ai ba ka jingkyrpad jong nga kan wan ha khmat jong me: to pyllait ïa nga katba kum ka ktien jong me.

EKSODOS 8:28

Bad u Pharaoh u la ong, “Ngan shah ba phin ïaleit, ba phin kñia ha U Trai U Blei jong phi ha kata ka ri khlaw; hynrei, tang ba phin ym leit jngai eh: to duwai na ka bynta jong nga.”

EKSODOS 9:28

To kyrpad ïa U Trai; naba katne ki la biang ki pyrthat U Blei bad u phria; te ngan pyllait noh ïa phi, bad phin ym shong shuh.”

ISAÏAH 1:15

Te haba phi kner la ki kti, ngan buhrieh la ki khmat na phi: shisha keiñ, haba phi pynlong shibun ki jingduwai, ngan ym sngap: ki kti jong phi ki dap da ka snam.

ISAÏAH 1:9

Lada U Trai ki paid um shym la pynsah i jingsah barit, ngin da la long kum ka Sodom, ngin da la syriem ïa ka Gomorra.

ISAÏAH 37:4

Lehse kan long ba U Trai U Blei jong me un ïohsngew ïa ki ktien u Rabshakeh, ïa uba u syiem ka Assyria u kynrad jong u, u la phah ïa ka ban krenbeiñ ïa U Blei ba-im, bad ba un sneng ïa ki ktien kiba U Trai U Blei jong me u la ïohsngew: namar kata te, pynjam la ka jingduwai na ka bynta iba dang sah ba la pynsah.’ ”

ISAÏAH 42:20

Me ïohi bun kiei kiei, hynrei, mem khmih ïit satia; la plie noh ki shkor jong u, hynrei, um ïohsngew.

JEREMAÏAH 15:11

U Trai u la ong, “Da shisha ngan pynkhlaiñ ïa me ïa ka ban bha; da shisha ngan pynlong ba ki nongshun jong me kin kyrpad ïa me ha ka por ka jingsniew bad ha ka por ka jingjynjar.

JEREMAÏAH 2:27

kiba ong ha u dieng, ‘Me long u kpa jong nga;’ bad ha u maw, ‘Me la pynkha ïa nga:’ naba ki la pynphai ïa la ka ingdong sha nga, te ym ïa la ka khmat: hynrei, ha ka por ka jingjynjar jong ki kin ong, ‘To ïeng, bad to pynim ïa ngi.’

JEREMAÏAH 21:2

“Nga kyrpad ïa me, to ïakylli na U Trai na ka bynta jong ngi; naba u Nebukhadressar u syiem ka Babilon u ïaleh thma ïa ngi: lehse U Trai un leh bad ngi katba kum ki kam phylla jong u baroh, ba un leit kiew noh na ngi.”

JEREMAÏAH 36:7

Lehse kin wallam ïa ki jingkyrpad jong ki ha khmat U Trai, bad kin phai noh uwei uwei baroh na ka lynti basniew jong u: namar ka bakhraw ka jingbitar bad ka jingkhih bitar ba U Trai u la kren pyrshah ïa une u paidlang.”

JEREMAÏAH 37:20

To sngew te mynta, nga duwai ïa me, A syiem kynrad jong nga: ai ba ka jingkyrpad jong nga, nga duwai ïa me, kan long ba la pdiang sngewbha ha khmat jong me; ba men ym pynphai pat ïa nga sha ka ïing u Jonathan u nongthoh, ïoh nga ïap hangta.”

JEREMAÏAH 37:3

Te u Sedekaïah syiem u la phah ïa u Jehukal u khun u Shelemaïah, bad ïa u Sephanaïah u khun u Maaseïah u lyngdoh, sha u Jeremaïah u nongïathuhlypa, u da ong, “To duwai ha U Trai U Blei jong ngi na ka bynta jong ngi.”

JEREMAÏAH 38:14

Te u Sedekaïah syiem u la phah khot, bad u la ïalam ïa u Jeremaïah u nongïathuhlypa ha u sha ka khyrdop ka balai kaba don ha ka ïing U Trai: bad u syiem u la ong ha u Jeremaïah, “Ngan kylli ei ei ïa me; wat buhrieh ei ei ruh na nga.”

JEREMAÏAH 40:15

Te u Johanan u khun u Kariah u la kren jar jar ha u Gedalaïah ha Mispah, u da ong, “Shah ba ngan leit, nga kyrpad ïa me, bad ngan pynïap ïa u Ishmael u khun u Nethaniah, bad yn ym don ba tip ïa kata: balei un shim ïa ka jingim jong me, khnang ba ki Jiw baroh kiba la ïalang ha me kin saphred, bad kiba sah na Judah kin ïap?”

JEREMAÏAH 42:20

Namar phi la leh shukor ïa la ki mynsiem hi; namar phi la phah ïa nga ha U Trai U Blei jong phi, phi da ong, “To duwai na ka bynta jong ngi ha U Trai U Blei jong ngi; bad ïa baroh katba U Trai U Blei jong ngi un ong, kumta to pynpaw ha ngi, bad ngin leh ïa kata:”

SNGEWSYNEI 1:1

Kumno ba ka shong weibriew, ka shnong kaba la ju dap da ki briew! Kumno ka la kylla long kum ka riewkynthei! Kata kaba ju long ka bakhraw hapdeng ki jaid bynriew, bad ka bakhraw batri hapdeng ki ilaka, kumno ba ka la long kaba siew khajna!

ESEKIEL 12:16

Hynrei, ngan pynsah khyndiat ki briew na ki na ka waitlam, na ka 'nemsniew, bad na ka khlam; ba kin ïoh ïathuh ïa la ki jingijli baroh hapdeng kita ki jaid bynriew sha kiba kin poi; te kin sa tip ba nga long U Trai.”

HOSIA 8:10

Shisha keiñ, la ki wer hapdeng ki jaid bynriew, mynta, ngan ïalum lang ïa ki; ki ruh ki sdang ban nangrit na ka bynta ka jingkit u syiem ki rangbah.

LEBITIKOS 26:22

Ngan phah pyrshah ïa phi ruh da ki mrad khlaw, ki ban rong noh ïa ki khun jong phi, bad ki ban pynjot ïa ki jingri jong phi, bad ki ban pynduna ïa phi, ki lynti bah jong phi ruh kin long khlaw.

AMOS 7:2

Te haba ki la lah bam ïa u phlang jong ka khyndew, ynda kumta, nga la ong, “A Trai U Blei, to map, nga kyrpad ïa me: kumno u Jakob un ïeng? naba u long u barit.”

MATHAÏOS 24:22

Te lymda pyndkut noh ïa kita ki sngi, kan ym lait im kawei ka doh: hynrei, na ka bynta kiba la jied, yn pyndkut noh ïa kita ki sngi.

KI KAM 8:24

U Simon te u la ïathuh bad u la ong, “To duwai ma phi na ka bynta jong nga ha U Trai, ba kawei ruh na kita ïa kiba phi la kren, kan ym jia ha nga!”

DEUTERONOMI 28:62

Te yn iehnoh ïa phi tang khyndiat ha ka jingkheiñ, haba phi ju long paidbah kat ki khlur ka bneng; naba mem mon ban kohnguh ïa ka ktien U Trai uba U Blei jong me.

DEUTERONOMI 28:63

Te kan jia, ba kumba U Trai u la ju kmen halor jong phi ban leh bha ïa phi, bad ban pynroi ïa phi; kumta, U Trai un kmen halor jong phi ïa ka ban pynjot noh thiaw ïa phi, bad ban pynduh noh ïa phi; kumta, yn rat noh ïa phi na kata ka ri sha kaba me leit ban ïoh ïa ka.

DEUTERONOMI 4:27

Bad U Trai un pynsakma ïa phi hapdeng ki jaid bynriew, bad yn iehnoh ïa phi tang khyndiat briew hapdeng kita ki kynja bynriew, sha kiba U Trai un ïalam noh ïa phi.

JAKOB 5:16

To ïaphla noh paralok hi ïa la ki jingpalat, bad to ïaduwai na ka bynta paralok hi, ba yn dup pynkhiah ïa phi; ka jingkyrpad minot u bahok ka lah shibun.

1 SAMUEL 12:19

Te u paidbah baroh u la ong ha u Samuel, “To duwai na ka bynta ki shakri jong me ha U Trai uba U Blei jong me, ba ngin ym ïap: namar ngi la pynlang ha ki pop jong ngi baroh sa kane ka jingbymman, ha kaba pan syiem.”

1 SAMUEL 12:23

Ma nga ruh, ngan nai ba ngan leh pop pyrshah ïa U Trai da kaba wai noh ban duwai na ka bynta jong phi: hynrei, ngan hikai ha phi ïa kata ka lynti ka babha bad kaba dei.

1 SAMUEL 7:8

Bad ki khun Israel ki la ïa-ong ha u Samuel, “Ma me to wat shongthait ïa ka ban lynñiar kyrpad na ka bynta jong ngi ha U Trai U Blei jong ngi, ba un pyllait ïa ngi na ka kti kine ki Philistia.”