JEREMAÏAH 4:7 - KA BAIBL

⁷ U sing u la wan kiew na la ka 'law bniap, bad u nongpynjot ïa ki jaid bynriew; u don ha lynti, u la leit mih noh na la ka jaka; ban pynlong kynjah ïa ka ri jong me, ba yn pynduh ïa ki shnong jong me khlem shong briew.

Khasi CL Bible (BSI)

⁷ Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

JEREMAÏAH 4:7 Mawu Ofanana

2 SYIEM 24:1

Ha ki sngi jong u, u Nebukhadnessar u syiem ka Babilon u la wan kiew, bad u Jehoïakim u la wan long u shakri ïa u lai snem: hadien kata, u la kylla bad u la ïaleh bad u.

2 SYIEM 25:1

Te ka la jia ha ka snem ka bakhyndai ka jingsynshar jong u, ha u bnai u bashiphew, ha ka sngi ka bashiphew jong uta u bnai, ba u Nebukhadnessar u syiem ka Babilon u la wan poi, ma u bad u paidïapom jong u baroh, ban ïaleh ïa ka Jerusalem, bad u la sher dara pyrshah ïa ka; bad ki la tei ïa ki kut pyrshah ïa ka baroh sawdong.

ISAÏAH 1:7

Ka ri jong phi ka la kynjah; ïa ki shnong jong phi la thang da ka ding; ka khyndew jong phi, ki nongwei ki bam duh ïa ka ha khmat jong phi, bad ka la kynjah, kum ka jingpynjot thiaw da ki nongwei.

ISAÏAH 5:9

Ha ki shkor jong nga u ong U Trai ki paid, “Da shisha bun ki ïing kin long kynjah, wat ki bakhraw bad ki babha, bymshong briew.

ISAÏAH 6:11

Te nga la ong, “Haduh lano, ko Trai?” Bad u la ong, “Tad ynda ki shnong ki la long kynjah khlem nongshong, bad ki ïing khlem shong briew, bad ka ri ka la kynjah noh phar,

JEREMAÏAH 2:15

Ki sing samla ki la kyrhuh ïa u, bad ki la kyang: bad ïa ka ri jong u ki la pynkynjah; ïa ki shnong jong u la thang duh, bymshong briew shuh.

JEREMAÏAH 22:6

Naba kumne u ong U Trai shaphang ka ïing u syiem ka Judah: “Pha long ka Gilead ha nga, bad ka kliar u Lebanon: hynrei, da shisha ngan pynlong khlaw ïa pha, bad ki shnong ki bymshong briew.

JEREMAÏAH 22:7

Bad ngan khreh pyrshah ïa pha ki nongpynjot, uwei uwei baroh bad la ki atiar: bad kin khet noh ïa ki Kedar babha eh jong pha, bad kin bred noh ha ding.

JEREMAÏAH 25:38

U la iehnoh ïa la ka jaka dem, kum u sing: naba ka ri jong ki ka la wan long ka jinglyngngoh namar ka jingdom jong ka waitlam babanbor, bad namar ka jingbitar ba-meh ding jong u.’ ”

JEREMAÏAH 25:9

ha khmih, ngan phah shim ïa ki kur na shatei baroh,” ong U Trai, “bad ngan phah sha u Nebukhadressar u syiem ka Babilon, u shakri jong nga, bad ngan wallam ïa ki pyrshah ïa kane ka ri, bad pyrshah ïa kiba shong ha ka, bad pyrshah ïa baroh kine ki jaid bynriew kiba baroh sawdong; bad ngan pynjot noh khoit ïa ki, bad ngan pynlong ïa ki ka jinglyngngoh, bad ka jingkynshi, bad ki jingkynjah kiba ha la ka rta.

JEREMAÏAH 26:9

Balei ba me la ïathuhlypa ha ka kyrteng U Trai, me da ong, ‘Kane ka ïing kan long kum ka Sheiloh, bad kane ka shnong kan long kaba kynjah, ka bymshong briew’?” Bad u paidbah baroh ki la ïalang ha u Jeremaïah ha ka ïing U Trai.

JEREMAÏAH 27:8

“ ‘ “Te kata ka jaid bynriew bad kata ka hima ki ban ym shakri ïa une u Nebukhadnessar u syiem ka Babilon, bad ki ban ym buh ïa la ka ryndang hapoh ka lyngkor u syiem ka Babilon, ïa kata ka jaid bynriew ngan pynshitom,” ’ ” ong U Trai, “da ka waitlam, bad da ka 'nemsniew, bad da ka jingïapkhlam, tad ynda nga la pynduh ïa ki da ka kti jong u.

JEREMAÏAH 33:10

“Kumne u ong U Trai: ‘Yn sa ïohsngew pat ha kane ka jaka, ïa kaba phi ong, “Ka long kaba kynjah, khlem briew khlem mrad,” wat ha ki nongbah ka Judah, bad ha ki lynti shnong ka Jerusalem, kiba la kynjah, khlem briew khlem nongshong bad khlem mrad,

JEREMAÏAH 34:22

Ha khmih, ngan hukum,” ong U Trai, “bad ngan pynkylla pat ïa ki sha kane ka shnong; bad kin ïaleh ïa ka, bad kin jop ïa ka, bad kin thang ïa ka da ka ding; bad ngan pynlong ïa ki shnong ka Judah ki jaka kynjah, ki bymshong briew.”

JEREMAÏAH 4:29

Ka shnong baroh kawei kan phet ïap na ka bynta ka jingsawa ki nongshong kulai bad ki nongrah ryntieh; ki leit sha ki 'law bniap, bad ki kiew shalor ki mawsiang: man ka shnong la iehnoh, bad ym don briew ba shong ha ki.

JEREMAÏAH 44:2

“Kumne u ong U Trai ki paid, U Blei ki Israel: ‘Phi la ïohi ïa ki jingsniew baroh kiba nga la wallam halor ka Jerusalem, bad halor ki shnong Judah baroh; bad ha khmih, ha kane ka sngi ki long ka jaka kynjah, bad ym don briew ba shong ha ki;

JEREMAÏAH 46:18

“ ‘Katba nga im,’ ong U Syiem uba ka kyrteng jong u long ‘U Trai ki paid’, ‘kumba u Tabor hapdeng ki lum bah, bad kumba u Karmel harud ka duriaw, kumta shisha un wan.

JEREMAÏAH 49:19

Ha khmih, un wan kiew kum u sing na ka jingsarong ka Jordan ban ïaleh ïa ka jaka shong ka bakhlaiñ: hynrei, ngan pynphet kyndit ïa u na ka; bad jar uba la jied, ïa uta ngan thung halor jong ka: naba uei uba kum nga? bad uei u ban buh por ïa nga? bad uei uta u nongaplangbrot u ban ïeng ha khmat jong nga?

JEREMAÏAH 5:6

Namar kata, u sing na khlaw un pynïap ïa ki, u suri ki por miet un lute ïa ki, u 'labasa un ap ïa ki shnong jong ki, ïa uwei uwei baroh uba leit mih noh nangta yn patar lyngkhot lyngkhai; namar ki ryngkang jong ki, ki la bun, bad ki jingphaidien jong ki, ki la nang roi.

JEREMAÏAH 50:17

“U Israel u long ka langbrot ba la sakma; ki sing ki la beh noh ïa u: nyngkong u syiem ka Assyria u la bam ïa u: bad ka bakhatduh une u Nebukhadressar u syiem ka Babilon u la pynkheiñ ïa ki shyieng jong u.

JEREMAÏAH 50:44

“Ha khmih, un sa kiew kum u sing na ka jingsarong ka Jordan ban ïaleh ïa kata ka jaka shong kaba skhem: hynrei, ngan pynphet krad ïa ki shisyndon na ka; bad jar uba la jied, ïa uta ngan thung halor jong ka: naba uei uba kat nga? bad uei u ban buh por ïa nga? bad uei uta u nongaplangbrot u ban ïeng ha khmat jong nga?”

JEREMAÏAH 8:16

“Ïa ka jingkynsnok ki kulai jong u la sngew naduh Dan: ha ka jingsawa ka jingpah kiba khlaiñ jong u ka ri baroh ka khih khynñiuh; naba ki la wan, bad ki la bam duh ïa ka ri bad ïa baroh kaba don ha ka; ïa ka shnong bad kita kiba shong ha ka.

JEREMAÏAH 9:11

Bad ngan pynlong lymbher tait ïa ka Jerusalem, ka jaka shong ki myrsiang; bad ngan pynlong ka jingkynjah ïa ki shnong ka Judah, bymshong briew shuh.”

ESEKIEL 12:20

Bad ïa kita ki shnong kiba ju shong briew yn pynsah khlaw, bad ka ri kan long ka jingkynjah; te phin sa tip ba nga long U Trai.” ’ ”

ESEKIEL 21:31

Ngan theh noh ruh ïa la ka jingsngewshla halor jong pha; ngan pyrsad halor jong pha da ka ding ka jingbitar jong nga: bad ngan aiti ïa pha ha ka kti ki briew ki barunar, kiba nang ban pynjot.

ESEKIEL 32:2

“Ko khun u briew, to ïambriew na ka bynta u Pharaoh u syiem ka Ijipt, bad to ong ha u: “Me la long syriem ïa u sing samla na ki jaid bynriew: pynban, me long kum u ïakjakor ha ki duriaw; te me mih kynsan bad la ki wah, bad me pynkhih ïa ki um da ki kjat jong me, bad me pynjngut ïa ki wah jong ki.”

DANIEL 5:19

bad na ka bynta kata ka jingkhraw ba u la ai ha u, baroh ki briew, ki jaid bynriew, bad ki ktien ki la khynñiuh bad ki la sheptieng ha khmat jong u: ïa uba u mon u pynïap, bad ïa uba u mon u pynim; bad ïa uba u mon u kyntiew, bad ïa uba u mon u pynpoh.

DANIEL 7:4

U banyngkong u la long kum u sing, bad u la don ki thapniang pukni: nga la khmih haduh ba la phut noh ïa ki thapniang jong u, bad la khyllie ïa u na ka khyndew, bad la pynïeng ïa u ha ki kjat ar tylli kum u briew, bad la ai ïa ka dohnud briew ha u.

LEBITIKOS 26:31

Ngan pynkylla khlaw ïa ki shnong jong phi, bad ngan pynjot noh ïa ki jaka kyntang jong phi, bad ngan ym iw shuh ïa ki jingiw baiwbih jong phi.

LEBITIKOS 26:33

Ngan pynsaphred ïa phi hapdeng ki riewkyndong, bad ngan pynlong ba kin sei noh ka waitlam hadien jong phi: bad ka ri jong phi kan long kynjah, bad ki shnong jong phi kin long khlaw.