JEREMAÏAH 4:6 - KA BAIBL

⁶ To sieh ïa ka lama shaphang ka Seïon: phet ïap ban ïohlait, wat sangeh: naba ngan wallam ka jingsniew na shatei, bad ka jingpynjot ka bakhraw.

Khasi CL Bible (BSI)

⁶ To kdew ïa ka lynti sha Seïon! To phet ban lait im! Wat ym pynslem! U Trai u wallam ka jingjot bad ka jingpynjot kaba khraw na shatei.

JEREMAÏAH 4:6 Mawu Ofanana

ISAÏAH 62:10

Leit lyngba, leit lyngba ïa ki khyrdop; to phin pynkhreh ïa ka lynti u paidlang; to pun, pun ïa ka lynti bah; ïalum noh ïa ki maw; to sieh ka lama ïa ki kynja bynriew.

JEREMAÏAH 10:22

Ki jingsawa ka jingbna wer wer, ha khmih ka wan, bad ka jingkhihwin bakhraw na ka ri shatei, ïa ka ban pynlong ka jingkynjah, bad ka jaka shong ki myrsiang, ïa ki nongbah Judah.

JEREMAÏAH 18:11

Namar kata, to khie leit, to kren ïa ki rangbah Judah, bad ïa kiba shong ha Jerusalem, to ong, ‘Kumne u ong U Trai: “Ha khmih, nga khreh ïa ka basniew ïa phi, bad nga thaw ïa ka buit ban ïaleh ïa phi: to phai noh phi mynta uwei uwei baroh na la ka lynti basniew, bad to pynbeit ïa la ki lynti bad ïa la ki jingleh.”

JEREMAÏAH 21:7

Bad hadien kata,” ’ ” ong U Trai, “Ngan ai noh ïa u Sedekaïah u syiem ka Judah, bad ïa ki shakri jong u, bad ïa u paidbah, kat ïa kiba la pynsah ha kane ka shnong na ka jingïapkhlam, na ka waitlam, bad na ka 'nemsniew, ha ka kti u Nebukhadressar u syiem ka Babilon, bad ha ka kti ki nongshun jong ki, bad ha ka kti jong kita kiba wad ïa ka jingim jong ki: bad un pom ïa ki da ka syrti waitlam; un ym map shuh ïa ki, lymne sngewsynei, lymne leh isynei.

JEREMAÏAH 22:7

Bad ngan khreh pyrshah ïa pha ki nongpynjot, uwei uwei baroh bad la ki atiar: bad kin khet noh ïa ki Kedar babha eh jong pha, bad kin bred noh ha ding.

JEREMAÏAH 25:9

ha khmih, ngan phah shim ïa ki kur na shatei baroh,” ong U Trai, “bad ngan phah sha u Nebukhadressar u syiem ka Babilon, u shakri jong nga, bad ngan wallam ïa ki pyrshah ïa kane ka ri, bad pyrshah ïa kiba shong ha ka, bad pyrshah ïa baroh kine ki jaid bynriew kiba baroh sawdong; bad ngan pynjot noh khoit ïa ki, bad ngan pynlong ïa ki ka jinglyngngoh, bad ka jingkynshi, bad ki jingkynjah kiba ha la ka rta.

JEREMAÏAH 4:21

Slem katno ngan ïohi ïa ka lama, bad ngan ïohsngew ïa ka jingsawa ka turoi?

JEREMAÏAH 50:2

“To ïathuh phi hapdeng ki jaid bynriew bad to pynbna, bad to pynïeng ïa ka lama; to pynbna, bad wat buhrieh: to ong, ‘Ïa ka Babilon la jop, ïa u Bel la pynlehrain, u Merodak u la khaw-eit; ïa ki dur jong ka la pynlehrain, ki durblei jong ka ki la khaw-eit.’

JEREMAÏAH 50:22

Ka jingsawa ka thma ka don ha ka ri, bad ka jong ka jingpynjot bakhraw.

JEREMAÏAH 51:12

“ ‘To pynïeng ïa ka lama pyrshah ïa ki kynroh ka Babilon, pynkhlaiñ ïa ka jingap, buh ïa ki nongap, to khreh ïa ki ban ker kdong: naba U Trai u la thmu, u la leh ruh ïa kaba u la kren shaphang kiba shong ha Babilon.’

JEREMAÏAH 51:27

“To pynïeng ïa ka lama ha ka ri, put ïa ka turoi hapdeng ki jaid bynriew, to khreh ïa ki jaid bynriew ban ïaleh ïa ka, khot lang ban ïaleh ïa ka, ïa ki hima Ararat, Minni, bad Ashkenas: to thung u nongïalam ban ïaleh ïa ka: pynmih artet ïa ki kulai kum u 'ñiangdkoh ba don treng.

JEREMAÏAH 51:54

“Ka jingsawa ka jinglynñiar na Babilon, bad ka jong ka jingpynjot bakhraw na ka ri ki Khaldi!

JEREMAÏAH 6:1

To phet ïap ban lait im, phi ki khun Benjamin, napdeng ka Jerusalem, bad to put ka turoi ha Tekoa, bad sieh ka lama ha Beth-hakherem: naba ka basniew ka mihpaw na shatei, bad ka jingpynjot ka bakhraw.

JEREMAÏAH 6:22

Kumne u ong U Trai, “Ha khmih, u paidbah u wan na ka ri kaba shatei; bad yn pynkhih ïa ka jaid bynriew kaba khraw na ki phang ki bakut eh ka khyndew.

ESEKIEL 9:1

Ynda kumta, u la pyrta ha ki shkor jong nga da ka jingsawa bajam, u da ong, “To pynjan ma phi ïa kita kiba don ka hukum halor kata ka nongbah, man la u briew bad la u sum pynjot ha la ka kti.”

ESEKIEL 9:2

Bad ha khmih, hynriew ngut ki rangbah ki la wan na ka lynti ka khyrdop kaba haneng, kaba don shaphang shatei, man la u briew u don la ka atiar pynïap ha la ka kti; bad uwei u briew napdeng jong ki uba la kup da ka jaiñ linen, uba bad u khiew sia u nongthoh ha ka krung jong u. Bad ki la leit hapoh, bad ki la ïaïeng hajan ka duwan rnong.

SEPHANAÏAH 1:10

“Bad ha kata ka sngi,” ong U Trai, “kan long ka jingsawa jingïam na Ka Khyrdop Dohkha, bad ka jinglynñiar kaw na kata kawei, bad ka jingsawa kdum kaba khraw na ki lum.

SEKHARAÏAH 6:6

Kata ka kali ha kaba don ki kulai ïong ka leit mih shaphang ka ri shatei; bad kita ki balieh ki la leit mih hadien jong ki; bad kita ki bathoh bria ki la leit mih shaphang ka ri shathie.”