JEREMAÏAH 4:4 - KA BAIBL

⁴ To otsher ïa lade ha U Trai, bad to shim noh ïa ka doh sher ka dohnud jong phi, phi ki briew ka Judah bad kiba shong ha Jerusalem: ba ïoh ka jingbitar shla jong nga kan mih noh kum ka ding, bad kan meh, ba ym don ba lah ban pynlip ïa ka, na ka bynta ka jingsniew ki jingleh jong phi.”

Khasi CL Bible (BSI)

⁴ Sumar ïa ka jutang jong phi bad nga, U Trai jong phi, bad pynkyntang ïa lade ha nga, phi ki briew jong ka Judah bad Jerusalem. Lymda kumta, ka jingbitar jong nga kan ing kum ka ding namar kiei kiei kiba sniew kiba phi la leh. Kan pluh, bad yn ym don mano mano ba pynlip ïa ka.”

JEREMAÏAH 4:4 Mawu Ofanana

2 KHRONIKL 34:25

namar ki la lyndet ïa nga, bad ki la thang ka jingiwbih ha kiwei pat ki blei, ba kin pynkhih bitar ïa nga da ki kam ki kti jong ki baroh; namar kata, ïa ka jingbitar jong nga la theh noh halor kane ka jaka, bad yn ym pynlip ïa ka.’

ISAÏAH 10:17

Bad ka jingshai u Israel kan long ïa ka ding, bad U Bakhuid jong u ïa ka thylliej ding: te kan ing bad bam duh ïa ki dieng shiah bad ïa ki dieng shiah buid jong u ha ka shi sngi.

ISAÏAH 30:33

Namar ïa ka Topheth la khreh la mynbarim; shisha keiñ, la pynkhreh ïa u syiem; u la pynlong ïa ka, kaba jylliew bad bakylluid: ka jingthang jong ka long ka ding bad shibun ka diengïap; ka jingpyrsad mynsiem U Trai, kum ka wah duid u kyndok, ka pynmeh ïa ka.

ISAÏAH 51:17

To khie, to khie, to ïeng joit, ko Jerusalem, kaba la dih na ka kti U Trai ïa ka khuri ka jingkhih bitar jong u; pha la dih ïa ka pliang ka khuri ka jingbuaid, pha la dih lut ïa ka.

JEREMAÏAH 15:14

Bad ngan phah noh ïa ki lem bad ki nongshun jong pha sha ka ri kaba pham tip: naba la tbeh ding ha ka jingbitar jong nga, ka ban meh halor jong pha.”

JEREMAÏAH 21:12

“Ko ka ïing u Dabid, kumne u ong U Trai, “ ‘To leh ïa ka jingbishar ha kaba mynstep, bad to pyllait ïa kiba la lute na ka kti u nongbanbeiñ, ïoh ba ka jingbitar lep jong nga kan mih noh kum ka ding, bad kan meh ba ym don uba lah ban pynlip ïa ka, namar ka jingsniew ki jingleh jong phi.’

JEREMAÏAH 21:5

Bad nga hi ngan ïaleh ïa phi da ka kti ba la kner bad ka ksang'ti bakhlaiñ, ha ka jingbitar keiñ, bad ha kaba otshla, bad ha kaba ing khait.

JEREMAÏAH 23:19

Ha khmih, ka 'erïong U Trai, ka jingbitar lep keiñ, ka la mih noh, shisha, ka lyer langthari: kan paswut halor ka khlieh ki bymman.

JEREMAÏAH 36:7

Lehse kin wallam ïa ki jingkyrpad jong ki ha khmat U Trai, bad kin phai noh uwei uwei baroh na ka lynti basniew jong u: namar ka bakhraw ka jingbitar bad ka jingkhih bitar ba U Trai u la kren pyrshah ïa une u paidlang.”

JEREMAÏAH 44:22

haduh ba U Trai um lah shah shuh, namar ka jingbymman ki jingleh jong phi, bad namar ki jingijli kiba phi la leh; namar kata, ka ri jong phi ka la long jaka kynjah, bad ka jinglyngngoh, bad ka jingtim, ka bymshong briew, kumba ka long ha kane ka sngi.

JEREMAÏAH 9:25

“Ha khmih, ki sngi kin wan,” ong U Trai, “ha kiba ngan pynshitom ïa kita baroh ba la otsher ha la ka jingbym-otsher;

JEREMAÏAH 9:26

ïa ka Ijipt, bad ïa ka Judah, bad ïa ka Edom, bad ïa ki khun u Ammon, bad ïa ka Moab, bad ïa baroh kat kiba khap ïa ki dong u shñiuh jong ki, kiba shong ha ri khlaw: naba ki jaid bynriew baroh ki long kiba khlem otsher, bad ka ïing Israel baroh ki long ki bym shym la otsher la ka dohnud.”

SNGEWSYNEI 4:11

U Trai u la pyndep ïa la ka jingbitar, u la theh noh ïa ka jingbitar lep jong u; bad u la sliew ïa ka ding ha Seïon, kaba la bam duh ïa ki nongrim jong ka.

ESEKIEL 16:38

Bad ngan bishar ïa pha, kumba bishar ïa ki kynthei ki baklim bad kiba pynmih ïa ka snam; bad ngan wallam halor jong pha ïa ka snam ka jingotshla bad jong ka jingatnud.

ESEKIEL 18:31

To bred noh na phi ïa ki jingpalat jong phi baroh, ha kiba phi la leh palat; to pynlong ïa lade ka dohnud bathymmai bad ka mynsiem bathymmai: namar phin ïap lei, ko ka ïing Israel?

ESEKIEL 20:33

“Katba nga im,” u ong U Trai U Blei, “da shisha da ka kti badonbor, bad da ka ksang'ti ba la sei, bad da ka jingotshla ba la theh noh, ngan long u syiem halor jong phi:

ESEKIEL 21:17

Ngan thab ruh ïa la ki kti, bad ngan pynhun ïa la ka jingbitar shla: nga U Trai nga la kren ïa ka.”

ESEKIEL 24:13

Ha ka jingtngit jong pha ka don ka jingleh awria: namar nga la pynkhuid ïa pha bad pham khuid satia, phan ym khuid shuh na ka jingtngit jong pha, haduh ba ngan da pynhun ïa la ka jingbitar shla halor jong pha.

ESEKIEL 24:8

khnang ba kan pynmih ïa ka jingbitar shla ban pynhiar kput, nga la buh ïa ka snam jong ka halor u mawsiang uba plen plen, ba yn ym tap noh ïa ka.”

ESEKIEL 44:7

ha kaba phi la wallam ïa ki sohshnong, ïa kiba khlem otsher ha ka dohnud, bad kiba khlem otsher ha ka doh, ïa ka ban shong ha ka jaka kyntang jong nga, ban pyntngit sang ïa ka, ïa ka ïing jong nga keiñ, haba phi ainguh ïa u kpu jong nga, ïa ka khleiñ bad ïa ka snam keiñ, bad ki la pynkheiñ ïa ka jutang jong nga, ïa ka ban pynlang ha ki jingijli jong phi baroh.

ESEKIEL 6:12

Uta uba sha jngai un ïap da ka khlam; bad uta uba hajan un kyllon da ka waitlam; bad uta uba sah bad ïa uba la ker kut un ïap da ka 'nemsniew: kumne ngan pyndep ïa ka jingshla jong nga halor jong ki.

ESEKIEL 8:18

Namar kata, nga ruh ngan leh ha ka jingbitar shla; ka khmat jong nga kan ym riej, lymne ngan ym isynei: bad la ki lynñiar ha ki shkor jong nga da ka sur kaba jam, pynban, ngan ym sngap ïa ki.”

LEBITIKOS 26:28

nga ruh ngan ïaid pyrshah ïa phi da ka jingbitar; bad nga hi ngan pynshitom ïa phi hynñiew shah kham jur pat namar ki pop jong phi.

LEBITIKOS 26:41

nga ruh nga la ïaid pyrshah ïa ki, bad nga la ïalam ïa ki sha ka ri ki nongshun jong ki: ynda kumta, lada kita ki dohnud bym shym la otsher jong ki kin dem, bad kumta ba ki kohnguh ïa ka jingsaja ka jingleh bymman jong ki;

AMOS 5:6

To wad ïa U Trai, te phin im; ïoh ba un mih noh kum ka ding ha ka ïing u Joseph, bad ba kan bam duh noh bad ba yn ym don ban pynlip ïa ka ha Bethel:

SEPHANAÏAH 2:2

katba ka hukum kam pat kha, katba kam pat leit noh ka sngi kum u stait, katba ym pat ngat ha phi ka jingbitar U Trai, katba ka sngi ka jingbitar U Trai kam pat jia halor jong phi.

Ka Shithi U Paul Sha Ki Nong Rom 2:25

Namar ka jingotsher ka pynmyntoi shisha, lada me sumar biang ïa ka hukum; hynrei, lada me long u nongryngkang ïa ka hukum, kata ka jingotsher jong me, ka la kylla long keiñ, ka jingbym-otsher.

DEUTERONOMI 10:16

To phin otsher, namar kata, ïa ka jingbym-otsher ka dohnud jong phi, bad wat long shuh kiba eh ryndang.

DEUTERONOMI 30:6

Bad U Trai uba U Blei jong me un otsher ïa ka dohnud jong me, bad ïa ka dohnud u symbai jong me, ïa ka ban ieit ïa U Trai uba U Blei jong me da la ka dohnud baroh, bad da la ka mynsiem baroh, khnang ba men ïoh im.

DEUTERONOMI 32:22

Namar la pynmeh ïa ka ding ha ka jingbitar jong nga, bad kan pyningkhong haduh ka trai dujok, bad kan bam duh ïa ka khyndew lem bad ka jingmih jong ka, bad kan thang ruh ïa ki nongrim ki lum bah.

KOLOSSAI 2:11

ha uba la otsher ïa phi ruh da ka jingotsher bym shym la thaw da ki kti, da kaba loit noh ïa ka met ka doh, ha ka jingotsher U Khrist;