JEREMAÏAH 4:16 - KA BAIBL

¹⁶ to ïathuh ha ki jaid bynriew, “Ha khmih, to pynbna pyrshah ïa ka Jerusalem, ba ki nongap ki wan na ka ri kaba jngai, bad ki pynjam ïa la ka ktien pyrshah ïa ki shnong Judah.

Khasi CL Bible (BSI)

¹⁶ Ki la wan ban maham ïa ki jaitbynriew bad ban ïathuh ïa ka Jerusalem ba ki nongshun ki wan na ka ri kaba jngai bah. Kine ki nongshun kin pyrta pyrshah ïa ki nongbah jong ka Judah

JEREMAÏAH 4:16 Mawu Ofanana

ISAÏAH 34:1

Ale hajan, phi ki jaid bynriew, ban sngap; to sngew ruh, phi ki kynja bynriew: to ka khyndew kan sngap, bad ka jingdap jong ka; ka pyrthei, bad kiei kiei baroh kiba mih na ka.

ISAÏAH 39:3

Te la wan u Isaïah u nongïathuhlypa ha u Syiem Hesekaïah bad u la ong ha u, “Ki la ong aïu kine ki briew? bad nangno ki la wan sha me?” Te u Hesekaïah u la ong, “Ki la wan sha nga na ka ri ba jngai, na Babilon keiñ.”

JEREMAÏAH 1:15

Naba ha khmih, ngan khot ïa ki jaid baroh ki hima kiba na shatei,” ong U Trai; “bad kin ïawan, bad kin ïabuh mar la ka jong ka khet hamar ba rung sha ki khyrdop ka Jerusalem, bad pyrshah ïa ki kynroh jong ka baroh sawdong, bad pyrshah ïa ki shnong ka Judah baroh.

JEREMAÏAH 16:6

Bad ki bakhraw bad ki barit kin ïap ha kane ka ri: yn ym tep ïa ki, lymne ki briew kin ym ïambriew ïa ki, lymne kin ym ot ïa lade, lymne pynlyndum ïa lade namar jong ki:

JEREMAÏAH 2:15

Ki sing samla ki la kyrhuh ïa u, bad ki la kyang: bad ïa ka ri jong u ki la pynkynjah; ïa ki shnong jong u la thang duh, bymshong briew shuh.

JEREMAÏAH 31:10

“To sngew ïa ka ktien U Trai, ko phi ki jaid bynriew, ban pynpaw ïa ka ha ki 'dewlynnong kiba jngai: bad to ong, ‘uta uba la pynsakma ïa u Israel un lum pat ïa u, bad un sumar ïa u, kumba u nongaplangbrot u leh ïa la ka kynhun.’

JEREMAÏAH 39:1

Bad haba la jop noh ïa ka Jerusalem, (ha ka snem ka bakhyndai jong u Sedekaïah u syiem ka Judah, ha u bnai u bashiphew, u Nebukhadressar u syiem ka Babilon u la wan lem bad ki paidïapom jong u baroh ban ïaleh ïa ka Jerusalem, bad u la ker kut ïa ka;

JEREMAÏAH 4:17

Kum ki nongap ïa ka lyngkha ki ïaleh ïa ka baroh sawdong; namar ka la leh kiat pyrshah ïa nga,” ong U Trai.

JEREMAÏAH 5:15

Ha khmih, ngan wallam halor jong phi ïa ka jaid bynriew na sha jngai, A ka ïing Israel,” ong U Trai: “ka long ka jaid bynriew bakhrawbor, ka jaid bynriew ba na mynbarim, ka jaid bynriew kaba mem tip ïa ka ktien jong ka, lymne mem sngewthuh ïa kaba ki ong.

JEREMAÏAH 5:6

Namar kata, u sing na khlaw un pynïap ïa ki, u suri ki por miet un lute ïa ki, u 'labasa un ap ïa ki shnong jong ki, ïa uwei uwei baroh uba leit mih noh nangta yn patar lyngkhot lyngkhai; namar ki ryngkang jong ki, ki la bun, bad ki jingphaidien jong ki, ki la nang roi.

JEREMAÏAH 50:2

“To ïathuh phi hapdeng ki jaid bynriew bad to pynbna, bad to pynïeng ïa ka lama; to pynbna, bad wat buhrieh: to ong, ‘Ïa ka Babilon la jop, ïa u Bel la pynlehrain, u Merodak u la khaw-eit; ïa ki dur jong ka la pynlehrain, ki durblei jong ka ki la khaw-eit.’

JEREMAÏAH 6:18

Namar kata, to sngew phi ki jaid bynriew, bad to tip, A u paidlang, kaei kaba don hapdeng jong ki.

JEREMAÏAH 6:19

To sngew, A ka khyndew: ha khmih, ngan wallam ka basniew halor une u paidbah, u soh ki jingmut jong ki keiñ, namar kim shym la shahshkor ïa ki ktien jong nga; te shaphang ka hukum jong nga, ki la kyntait ïa ka.

JEREMAÏAH 6:22

Kumne u ong U Trai, “Ha khmih, u paidbah u wan na ka ri kaba shatei; bad yn pynkhih ïa ka jaid bynriew kaba khraw na ki phang ki bakut eh ka khyndew.

JEREMAÏAH 6:23

Ki bat ryntieh bad sum; ki long kiba runar, bad ki bym isynei; ka ktien jong ki ka kyrhuh kum ka duriaw, bad ki shong halor ki kulai; uwei uwei baroh ba la buh ryntih, kum u briew uba hiar thma, ban ïaleh ïa pha, A ka khun ka Seïon.”

JEREMAÏAH 8:19

Ha khmih, ka jingsawa ka jingpyrta ka khun ki briew jong nga na ka ri kaba jngai eh: “Hato U Trai um don ha Seïon? U Syiem jong ka um don ha ka? Balei ba ki la pynbitar ïa nga da la ki durblei ba la mutdur, bad da ki jingthala ba khyllah?”

ESEKIEL 21:22

Ha ka kti kamon jong u ka don ka jingkhan ïa ka Jerusalem, ban buh ki atiar dung kynroh, ban ang ka shyntur ha ka jingpynïap, ban pynjam ïa ka ktien da ka jingrisa, ban buh ki atiar dung kynroh pyrshah ïa ki khyrdop, ban kynton ïa ki jingkynton, ban tei ïa ki kut.