JEREMAÏAH 4:1 - KA BAIBL

¹ “Lada men wan phai, A Israel,” ong U Trai, “sha nga keiñ men wan phai: bad lada men bred noh ïa ki jingijli jong me na khmat jong nga, te yn ym pynkynriah noh ïa me;

Khasi CL Bible (BSI)

¹ U Trai u ong, “Ko paid Israel, lada phi kwah ban wan phai, to wan phai noh sha nga. Lada phi shaniah ha nga bad weng noh ïa ki bleithaw kiba nga ijli,

JEREMAÏAH 4:1 Mawu Ofanana

JENESIS 35:2

Ynda kumta, u Jakob u la ong ha la ka ïing, bad ha kita baroh kat kiba don bad u, “To buh noh ïa kita ki blei bakhyllah kiba don hapdeng jong phi bad to pynkhuid ïa lade, bad to pli ïa la ki jaiñ;

2 SYIEM 23:13

Bad ïa ki jaka bajrong kiba ha khmat ka Jerusalem, kiba sha kamon u lum ka jingtngit, kiba u Solomon u syiem ki Israel u la lah tei ïa ka Ashtoreth ka jingijli ki nong Sidon, bad ïa u Khemosh ka jingijli ki Moab, bad ïa u Milkom ka jingijli ki khun u Ammon, ïa kita u syiem u la pynsang.

2 SYIEM 23:24

Ïa kita ruh kiba shong ksuid, bad ïa kiba kren byrtong, bad ïa ki teraph, bad ïa ki dur bleithaw, bad ïa ki jingijli baroh katba la shem ha ka ri Judah bad ha Jerusalem, u Josaïah u la pynduh noh, ba un ïoh pynskhem ïa ki ktien jong kata ka hukum kiba la thoh ha kata Ka Kitab ba u Hilkiah lyngdoh u la shem ha ka ïing U Trai.

2 KHRONIKL 15:8

Te haba u Asa u la ïohsngew ïa kine ki ktien, bad ïa ka jingïathuhlypa u Oded u nongïathuhlypa, u la sngewshlur, bad u la pynduh noh ïa kita ki jingijli na ka ri Judah bad Benjamin baroh, bad na ki shnong kiba u la knieh na ka ri lum Ephraim; bad u la pynthymmai ïa ka duwan U Trai, kaba don ha khmat ka batsha U Trai.

2 KHRONIKL 33:8

lymne ngan ym pynkynriah shuh ïa ka kjat u Israel na ka ri kaba nga la buh ïa ki kpa jong phi; lada tang ba kin sumar ban leh baroh ïa kaba nga la hukum ha ki, ïa ka hukum bad ki aiñ bad ïa ki rukom baroh keiñ da ka kti u Moses.”

2 KHRONIKL 34:33

Bad u Josaïah u la pynduh noh ïa ki jingijli baroh na ki ri baroh kiba la dei ha ki khun Israel, bad u la pynleh ïa kita baroh kiba la shem ha Israel ban shakri, ban shakri ïa U Trai U Blei jong ki keiñ. Baroh ki sngi jong u kim shym la kynriah na kaba bud ïa U Trai U Blei ki kpa jong ki.

ISAÏAH 31:6

To phai phi sha uta ïa uba phi la ïaleh pyrshah jur, ko ki khun Israel.

JEREMAÏAH 15:19

Namar kata, kumne u ong U Trai, “Lada men phai pat, te ngan wallam ïa me pat, ba men ïoh ïeng ha khmat jong nga; bad lada men shim ïa kaba kordor na kaba poh, te men long kum ka shyntur jong nga: ki kin phai pat sha me, hynrei, me men ym phai pat sha ki.

JEREMAÏAH 15:4

Bad ngan pynpashat ïa ki shane shatai hapdeng ki hima baroh jong ka khyndew, namar u Manasseh u khun u Hesekaïah u syiem ka Judah, namar kaba u la leh ha Jerusalem.

JEREMAÏAH 18:11

Namar kata, to khie leit, to kren ïa ki rangbah Judah, bad ïa kiba shong ha Jerusalem, to ong, ‘Kumne u ong U Trai: “Ha khmih, nga khreh ïa ka basniew ïa phi, bad nga thaw ïa ka buit ban ïaleh ïa phi: to phai noh phi mynta uwei uwei baroh na la ka lynti basniew, bad to pynbeit ïa la ki lynti bad ïa la ki jingleh.”

JEREMAÏAH 24:9

Ngan ai noh keiñ ïa ka ban pynpashat ïa ki shane shatai hapdeng ki hima baroh jong ka khyndew ïa ka ban sniew; ban long ka jingrkhiebeiñ bad ka proberb, ka jingkynshi bad ka jingtim, ha ki jaka baroh sha kiba ngan beh ïa ki.

JEREMAÏAH 25:5

ki ïa-ong, ‘To phai phi uwei uwei baroh na la ka lynti sniew jong u, bad na ka jingsniew ki jingleh jong u, bad to shong ha ka ri kaba U Trai u la ai ha phi bad ha ki kpa jong phi, naduh mynbarim bad haduh bymjukut:

JEREMAÏAH 3:1

Ki ong, “Lada u briew un pyllait noh ïa la ka tnga, bad ba kan leit noh na u, bad kan long ka jong uwei pat u briew, te un leit phai pat sha ka? yn ym pyntngit shikatdei eh ïa kata ka ri? Hynrei, pha la leh nuti bad shibun ki nongieit; pynban, to wan phai pat sha nga,” ong U Trai.

JEREMAÏAH 3:12

To khie leit pynbna ïa kine ki ktien shaphang shatei, bad to ong, “ ‘To phai pat, pha ka Israel baphai dien,’ ong U Trai; ‘ngan ym khmih ha pha ha ka jingbitar: naba nga uba isynei,’ ong U Trai, ‘ngan ym bat ïa ka jingbitar junom.

JEREMAÏAH 3:14

‘To phai, ko ki khun baphai dien,’ ong U Trai; ‘naba nga long u tnga ïa phi: bad ngan shim ïa phi uwei na kawei ka shnong, bad ar ngut na kawei ka ïing, bad ngan leit lam ïa phi sha Seïon:

JEREMAÏAH 3:22

“To wan phai, phi ki khun baphai dien, te ngan pynkhiah ïa ki jingphaidien jong phi.” “Ha khmih, ngi la wan sha me; naba me long U Trai U Blei jong ngi.

JEREMAÏAH 35:15

Nga la phah ruh ïa ki shakri jong nga ki nongïathuhlypa baroh ha phi, nga da khie dang step bad nga phah ïa ki, da kaba ong, ‘To phai phi mynta uwei pa uwei na la ka lynti basniew, bad pynbeit ïa ki jingleh jong phi, bad wat leit bud ïa kiwei pat ki blei ban shakri ïa ki, bad phi ïoh shong ha ka ri kaba nga la ai ha phi bad ha ki kpa jong phi: hynrei, phim shym la shahshkor, lymne sngap ïa nga.’

JEREMAÏAH 36:3

Lehse ka ïing Judah kan shahshkor ïa kata ka jingsniew baroh ïa kaba nga la thmu ban leh ha ki; ba kin phai noh uwei uwei na ka lynti basniew jong u; ba ngan ïohmap ïa ki jingleh bymhok bad ki pop jong ki.”

JEREMAÏAH 4:4

To otsher ïa lade ha U Trai, bad to shim noh ïa ka doh sher ka dohnud jong phi, phi ki briew ka Judah bad kiba shong ha Jerusalem: ba ïoh ka jingbitar shla jong nga kan mih noh kum ka ding, bad kan meh, ba ym don ba lah ban pynlip ïa ka, na ka bynta ka jingsniew ki jingleh jong phi.”

JEREMAÏAH 7:3

Kumne u ong U Trai ki paid, U Blei ki Israel, Pynbha ïa ki lynti jong phi bad ïa ki jingleh jong phi, te ngan pynsah ïa phi ha kane ka jaka.

JEREMAÏAH 7:5

“ ‘Naba lada phin pynbha shisha ïa ki lynti jong phi bad ïa ki jingleh jong phi; lada phi leh hok shisha hapdeng u briew bad u paramarjan jong u;

JEREMAÏAH 7:7

kumta te ngan pynsah ïa phi ha kane ka jaka, ha ka ri kaba nga la ai ha ki kpa jong phi, naduh mynbarim haduh ha la ka rta keiñ.

ESEKIEL 11:18

Bad kin ïawan shata, bad kin ïaweng noh ïa kiei kiei kiba isaitmet jong ka bad ïa ki jingijli jong ka baroh nangta.

ESEKIEL 18:13

u la ai sut, u la shim ïa kaba tam ruh: hato uta un im? Un ym im keiñ: u la leh ïa kine ki jingijli baroh: un ïap da shisha; ka snam jong u kan long halor jong u hi.

ESEKIEL 43:9

Te mynta, to kin bred noh jngai na nga ïa ka jingklim jong ki, bad ïa ki metïap ki syiem jong ki, te ngan shong hapdeng jong ki junom.”

HOSIA 14:1

A ko Israel, to phai sha U Trai U Blei jong me; namar me la kyllon da la ka jingbymhok.

HOSIA 2:2

“Kyrpad ïa la ka kmie, to kyrpad; namar kam long ka tnga jong nga, lymne ngam long u tnga jong ka: bad to kan bred noh ïa la ki jingklim na khmat jong ka, bad ïa ki jingleh nuti jong ka napdeng ki jymbuiñ jong ka;

HOSIA 7:16

Ki wan phai, hynrei, ym ha uta uba long hajrong; ki long kum ka ryntieh bashukor: ki rangbah jong ki kin kyllon da ka waitlam namar ka jingbitar u thylliej jong ki: kane kan long ka jingrkhiebeiñ ïa ki ha ka ri Ijipt.”

JOEL 2:12

“La kumta ruh wat mynta hi,” ong U Trai, “to phai ha nga da la ka dohnud baroh, bad da ka jingshah jingit, bad da kaba ïam, bad kaba ïam sngewsih:

SEKHARAÏAH 1:4

“Wat long kum ki kpa jong phi, ha kiba ki nongïathuhlypa kiba mynshuwa ki la pyrta, ki ïa-ong, ‘Kumne u ong U Trai ki paid, “Mynta to phai noh phi na ki lynti basniew jong phi, bad na ki jingleh basniew jong phi:” pynban, kim shym la sngap, lymne shahshkor ïa nga,’ ” ong U Trai.

DEUTERONOMI 27:15

“ ‘Ka jingtim ïa uta u briew uba thaw ïa ka durblei ba la mut lane ba la saiñ, ka jingijli keiñ ha U Trai, ka kam jong ki kti u nongthaw stad, bad uba buh ïa ka ha kaba rieh.’ Bad uta u paidlang baroh kin ïathuh kin ïa-ong ruh, ‘Amen.’

DEUTERONOMI 4:30

Haba me long ha ka jingjynjar, bad haba kine kiei kiei baroh ki la jia ha me, ha kita ki sngi ki bakhatduh men phai khmat sha U Trai uba U Blei jong me, bad men kohnguh ruh ïa ka ktien jong u;

JOSHUA 24:14

“Mynta namar kata, to sheptieng ïa U Trai, bad to shakri ïa u ha ka jingjanai bad ha ka jingshisha: bad to iehnoh ïa kita ki blei kiba ki kpa jong phi ki la ïashakri sha shiliang kata ka Wah, bad ha Ijipt; bad to shakri phi ïa U Trai.

NONGBISHAR 10:16

Bad ki la bred noh ïa ki blei khyllah napdeng jong ki, bad ki la shakri ïa U Trai: te ka mynsiem jong u ka la sngewsih na ka bynta ka jingjynjar ki Israel.

1 SAMUEL 7:3

Te u Samuel u la kren ha ka ïing Israel baroh, u da ong, “Lada phin phai noh sha U Trai da ka dohnud jong phi baroh, to bred noh ïa kita ki blei khyllah bad ïa ki Ashtaroth napdeng jong phi, bad to khreh ïa la ki dohnud sha U Trai, to shakri ruh tang ïa u hi: u te un pyllait noh ïa phi na ka kti ki Philistia.”