JEREMAÏAH 3:8 - KA BAIBL

⁸ Te nga la ïohi, haba na ka bynta kane ka daw ba ka Israel baphai dien ka la lah klim, nga la pyllait noh ïa ka bad nga la ai ïa ka, ka kot iehnoh, pynban, ka Judah bashetkylla, ka para jong ka, kam shym sheptieng; hynrei, ka ruh ka la leit bad la leh nuti de.

Khasi CL Bible (BSI)

⁸ Ka Judah ka la ïohi ba nga la pyllait tnga ïa ka Israel bad phah noh ïa ka namar ba ka la phai noh na nga bad ka la kylla long ka nuti. Hynrei ka Judah, ka para bymïaineh jong ka Israel, kam shym sheptieng. Ma ka ruh ka la kylla long ka nuti

JEREMAÏAH 3:8 Mawu Ofanana

2 KHRONIKL 21:11

Nalor kata, u la thaw ki jaka bajrong ha ki lum Judah, bad u la pynleh ïa kiba shong ha Jerusalem ban klim noh, bad u la ïalam bakla ïa ki Judah.

ISAÏAH 50:1

Kumne u ong U Trai, “Hangno ka kot iehnoh ka kmie jong phi, da kaba nga la pyllait noh ïa ka? Lane uno u nongai ram jong nga uba nga la die ïa phi ha u? Ha khmih, namar ki pop jong phi la die noh ïa phi, bad namar ki ryngkang jong phi la pyllait noh ïa ka kmie jong phi.

JEREMAÏAH 2:19

Ka jingbymman jong me hi kan pynbeit ïa me, bad ki jingphaidien jong me kin sneng ïa me: to tip namar kata bad to khmih ba ka long ka kam ka basniew bad ka bakthang, ba me la lyndet ïa U Trai U Blei jong me, bad ba ka jingsheptieng jong nga kam don ha me,” ong U Trai, U Trai ki paid.

JEREMAÏAH 3:1

Ki ong, “Lada u briew un pyllait noh ïa la ka tnga, bad ba kan leit noh na u, bad kan long ka jong uwei pat u briew, te un leit phai pat sha ka? yn ym pyntngit shikatdei eh ïa kata ka ri? Hynrei, pha la leh nuti bad shibun ki nongieit; pynban, to wan phai pat sha nga,” ong U Trai.

JEREMAÏAH 33:24

“Mem pyrkhat satia aïu une u paidbah u la kren, u da ong, ‘Ki ar jaid ba U Trai u la jied, u la bred noh ïa ki’? Kumne ki ñiewbeiñ ïa u paidlang jong nga, bad kin ym long shuh ka jaid bynriew ha khmat jong ki.

JEREMAÏAH 5:7

“Kumno ngan map ïa pha? Ki khun jong pha ki la lyndet ïa nga, bad ki la smai da kita ki bymlong ki blei: mynba nga la lah bsa kdang ïa ki, ki la klim, bad ki la ïalang kynhun ha ki ïing ki nuti.

ESEKIEL 16:46

Bad ka hynmen jong pha ka long ka Samaria, kaba shong sha kadiang jong pha, ma ka bad la ki khun kynthei: bad ka para jong pha, kaba shong sha kamon jong pha, ka long ka Sodom bad la ki khun kynthei.

ESEKIEL 16:47

Hynrei, pham shym la ïaid ha ki lynti jong ki, lymne leh kat kum ki jingijli jong ki; hynrei, kumba kata ka dang long tang kaba rit eh, pha la long kham sniew shibun ban ïa ki ha ki lynti jong pha baroh.

ESEKIEL 16:51

Lymne ka Samaria kam shym la leh wat tang shiteng na ki pop jong pha; hynrei, pha la nang kham pynbun ïa la ki jingijli ban ïa ki, bad pha la pynksan ïa la ki hynmen hynbew da ki jingijli jong pha baroh kiba pha la leh.

ESEKIEL 23:44

Bad ki la leit bsut sha ka, kumba ki leit bsut sha ka nuti; kumta, ki la leit bsut sha ka Oholah bad sha ka Oholibah, ki 'thei awria.

ESEKIEL 23:9

Namar kata, nga la ai noh ïa ka ha ka kti jong ki nongieit jong ka, ha ka kti ki nong Assyria, ïa kiba ka la ieit.

HOSIA 3:4

Namar ki khun Israel kin ïaisah bun sngi khlem syiem, bad khlem rangbah, bad khlem jingkñia, bad khlem mawblei, bad khlem ephod lane teraphim:

DEUTERONOMI 24:1

“Haba u briew u la shim ïa ka tnga, bad u la shongkurim ïa ka, te lada kam shem ka jingsngewbha ha khmat jong u, namar ba u la shem ïa kaei kaei ruh kaba tngit ha ka, to ai te ba un thoh ha ka, ïa ka kot iehnoh, bad ban ai ha ka kti jong ka, bad un pyllait noh ïa ka na ka ïing jong u.

DEUTERONOMI 24:3

Te lada uta u tnga u bakhatduh un isih ïa ka, bad un thoh ha ka, ïa ka kot iehnoh, bad u ai ha ka kti jong ka, bad u phah noh ïa ka na ka ïing jong u; lane lada ïap uta u tnga u bakhatduh, uba la shim ïa ka ban long ka tnga jong u;