JEREMAÏAH 3:7 - KA BAIBL

⁷ Te nga la ong hadien ba ka la lah leh ïa kine kiei kiei baroh, ‘Kan wan phai pat sha nga;’ hynrei, kam shym la wan phai: bad ka para bashetkylla jong ka, ka Judah ka la ïohi ïa kata.

Khasi CL Bible (BSI)

⁷ Nga la pyrkhat ba hadien ba ka la leh ïa kane baroh, da kaba thikna kan sa wan phai pat sha nga. Hynrei kam shym wan phai, bad ka Judah ka para bymïaineh jong ka, ka la ïohi ïa kata baroh.

JEREMAÏAH 3:7 Mawu Ofanana

2 KHRONIKL 17:4

hynrei, u la wad sha U Blei u kpa jong u, bad u la ïaid ha ki hukum jong U, te ym ha ki jingleh ki Israel.

JEREMAÏAH 12:1

Me long u bahok, A Trai, haba nga ïasaid bad me: la kumta ruh nga kwah ban ïasaid ïa kane ka kam ha me: namar balei ba ka lynti ki bymman ka man bha? Namar balei ba kita kiba ïashetkylla eh ki ïalong baroh kiba shongsuk?

JEREMAÏAH 33:24

“Mem pyrkhat satia aïu une u paidbah u la kren, u da ong, ‘Ki ar jaid ba U Trai u la jied, u la bred noh ïa ki’? Kumne ki ñiewbeiñ ïa u paidlang jong nga, bad kin ym long shuh ka jaid bynriew ha khmat jong ki.

JEREMAÏAH 5:11

Naba ka ïing Israel bad ka ïing Judah ki la shetkylla eh ïa nga,” ong U Trai.

ESEKIEL 16:46

Bad ka hynmen jong pha ka long ka Samaria, kaba shong sha kadiang jong pha, ma ka bad la ki khun kynthei: bad ka para jong pha, kaba shong sha kamon jong pha, ka long ka Sodom bad la ki khun kynthei.

ESEKIEL 16:47

Hynrei, pham shym la ïaid ha ki lynti jong ki, lymne leh kat kum ki jingijli jong ki; hynrei, kumba kata ka dang long tang kaba rit eh, pha la long kham sniew shibun ban ïa ki ha ki lynti jong pha baroh.

HOSIA 11:7

U paidlang jong nga ruh u thew khnang ban phai dien na nga: la ki khot ïa ki sha uta uba hajrong, ym don satia uba kyntiew ïa u.

HOSIA 14:1

A ko Israel, to phai sha U Trai U Blei jong me; namar me la kyllon da la ka jingbymhok.

AMOS 4:8

Kumta, ar ne lai tylli ki nongbah ki la ïaid ïor ïor sha kawei ka nongbah ban dih um, te kim jah sliang: pynban, phim shym phai sha nga,” ong U Trai.

MALAKHI 2:11

U Judah u la shetkylla, bad la leh ïa ka jingijli ha Israel bad ha Jerusalem; naba u Judah u la pynsang ïa ka jingkhuid jong U Trai ïa uba u ieit, bad u la shongkurim ïa ka khun jong u blei nongwei.