JEREMAÏAH 3:3 - KA BAIBL

³ Namar kata, la khang ïa u 'lap praw, bad ym shym la don 'lap khatduh shuh; pynban, pha la don ka shyllangmat ka nuti, pham shym treh de ban sngewlehrain.

Khasi CL Bible (BSI)

³ Dei kata keiñ balei ba la bat noh ïa u slap, bad u slap pyrem um shym la wan. Pha la da i syriem hi kum ka nuti; pham don kano kano ka jinglehrain.

JEREMAÏAH 3:3 Mawu Ofanana

JENESIS 19:34

Te ka la jia ha kaba lashai pat, ba kata kaba kham san ka la ong ha kaba kham poh, “Ha khmih, nga la thiah mynhynne mynmiet ryngkat bad u kpa jong nga: to ïa ngin ïa-ai kyiad umsoh Waiñ biang ha u ban dih ha kane ka miet ruh; bad to da khie leit ma pha ruh, bad to da thiah ryngkat bad u, khnang ba ngin ïoh sumar symbai na la u kpa.”

NEHEMAÏAH 9:17

bad ki la kyrngah ban kohnguh, bad kim shym la kynmaw ïa ki jingphylla kiba me la leh hapdeng jong ki; hynrei, ki la pyneh ïa la ka ryndang, bad ha ka jingïaleh pyrshah jong ki, ki la thung nongïalam ban phai pat sha ka jinglongmraw: hynrei, me long U Blei uba kloi ban map, uba aiei bad uba dap ka jingisynei, uba tud ban bitar, uba kynrei ha ka jingisynei, bad mem shym la kyntait noh ïa ki.

PROBERB 21:29

U riewbymman u pyneh ïa la ka khmat: hynrei, uba beit te, u pynbeit ïa la ka lynti.

ISAÏAH 5:6

bad ngan iehnoh khlaw ïa ka; yn ym khyllad ïa ka bad yn ym kara ïa ka; te kin mih ki dieng shiah bad ki shiah buid: ngan hukum ruh ïa ki lyoh ban ym pynhap slap halor jong ka.

JEREMAÏAH 14:1

Ka Ktien U Trai kaba la wan ha u Jeremaïah shaphang kata ka 'nemsniew.

JEREMAÏAH 14:22

Don hapdeng ki jingthala ki Jentil kiba lah ban pynhap slap? Lane ki bneng ki lah ban ai 'lap praw? Ym long ma me uta, A Trai U Blei jong ngi? Namar kata, ngin ap khmih ïa me; namar me la thaw ïa kiei kiei baroh.

JEREMAÏAH 14:3

Bad ki bakhraw batri jong ki, ki phah ïa la ki khun rit sha ki um: ki wan sha ki thliew um, te kim shem um; ki leit phai noh bad la ki khiew suda: ki lehrain bad ki sngewlyngngoh, ki tap ïa la ki khlieh.

JEREMAÏAH 14:4

Namar ba la pdang ka khyndew, ba ym don slap ha ka ri, ki nonglur ki lehrain, ki tap ïa la ki khlieh.

JEREMAÏAH 36:2

“To shim ha me kawei ka kot bakli, bad to thoh ha ka ïa ki ktien baroh kiba nga la kren ha me pyrshah ïa ki Israel, bad pyrshah ïa ki Judah, bad pyrshah ïa ki jaid bynriew baroh, naduh kata ka sngi ba nga la kren ha me, na ki sngi jong u Josaïah, haduh kane ka sngi keiñ.

JEREMAÏAH 5:24

Lymne kim ong ha la ka dohnud, ‘To ngin ïasheptieng ïa U Trai U Blei jong ngi, u ba ai ïa u slap ha la ka aïom, u 'lap nyngkong bad u 'lap khatduh; uba pynsumar ïa ngi ïa ki taïew ba la buh jong ka jingot.’

JEREMAÏAH 5:25

Ki jingleh bymhok jong phi ki la pynphai noh ïa kine kiei kiei, bad ki pop jong phi ki la khang ïa ka babha na phi.

JEREMAÏAH 5:3

A Trai, ki khmat jong me kim khmih ha ka jingshisha? Me la shoh ïa ki, hynrei, kim shym la sngewsih; me la bam duh ïa ki, hynrei, kim treh ban pdiang ïa ka jingsneng: ki la pynlong ïa ki khmat jong ki kham eh ban ïa u mawsiang; kim treh ban wan phai pat.

JEREMAÏAH 6:15

Ki la lehrain ne em ynda ki la lah leh ïa ka jingijli? Em, kim shym la lehrain satia, lymne kim lah ruh ban saw kyr-ang: namar kata, kin kyllon hapdeng kita kiba kyllon: ha kata ka por ba ngan wan-i ïa ki yn pynkyllon ïa ki,” ong U Trai.

JEREMAÏAH 8:12

Ki la sngewlehrain ne em ynda ki la lah leh ïa ka jingijli? Em, kim shym la sngewlehrain satia, lymne kim lah ban saw kyr-ang: namar kata, kin kyllon hapdeng kita kiba kyllon: ha ka por ka jingwan-i ïa ki yn pynkyllon noh ïa ki,” ong U Trai.

JEREMAÏAH 9:12

Uei uta u briew u bastad, uba lah ban sngewthuh ïa kane? bad uei uta ha uba ka shyntur U Trai ka la kren, ba u lah ban pynpaw ïa ka? Balei ba ka ri ka la jot bad ba la thang duh kum ka ri khlaw, katba ym don ba ïaid nangta shuh?

ESEKIEL 3:7

Hynrei, ka ïing Israel kan ym sngap ïa me; namar kin ym sngap ïa nga: namar ka ïing Israel baroh ki long kiba eh ka shyllangmat bad kiba eh ka dohnud.

LEBITIKOS 26:19

Bad ngan pynkheiñ noh ïa ka jingsarong ka bor jong phi: bad ngan pynlong ïa ka sahit bneng jong phi kum u nar, bad ïa ka khyndew jong phi kum ka rnong:

AMOS 4:7

“Bad nga la khang ruh ïa u slap na phi, haba dang don lai bnai haduh ka aïom ot: bad nga la pynhap slap ha kawei ka nongbah, bad nga la pynlong ban ym hap slap ha kawei pat ka nongbah. Kawei ka bynta ka la ïoh slap, te kata ka bynta ka bym shym ïoh slap ka la ïap tyrkhong.

AMOS 4:8

Kumta, ar ne lai tylli ki nongbah ki la ïaid ïor ïor sha kawei ka nongbah ban dih um, te kim jah sliang: pynban, phim shym phai sha nga,” ong U Trai.

SEPHANAÏAH 2:1

To ïalum lang, bad to ïawan lang keiñ, ko phi ka jaid bynriew kaba khlem rain;

SEPHANAÏAH 3:5

U Trai hapdeng jong ka u long u bahok; un ym leh ïa ka jingbymhok; man ka step u pynmih sha bashai ïa la ka jingbishar, bad um ju pep; hynrei, u bymhok um tip shuh ïa ka rain.

HAGGAI 1:11

Bad nga la phah khot ïa kaba rang ryngkhiang halor ka khyndew, bad halor ki lum, bad halor u Kew, bad halor ka Waiñ, bad halor ka umphniang, bad halor kata kaba ka khyndew ka pynmih, bad halor u briew, bad halor ki jingri, bad halor ka jingtrei ki kti baroh.”

DEUTERONOMI 28:23

Bad ka sahit bneng jong me kaba halor ka khlieh jong me kan long ka rnong, bad ka khyndew kaba hapoh jong me kan long u nar.

HEBRU 12:25

To sumar ba phin ym kyntait noh ïa uta uba kren. Namar lada kita kim shym lait, haba ki la kyntait ïa uta uba la maham ïa ki ha ka khyndew, sa katno tam te ma ngi kiba phai noh na uta uba maham na bneng: