JEREMAÏAH 3:2 - KA BAIBL

² “To khmied ïa la ki khmat sha ki jaka jrong balyngki, bad khmih; hangno kim shym la thiah bad pha? Harud lynti pha la shong ap ïa ki, kum ka nong Arab ha ri khlaw; bad pha la pyntngit ïa ka ri da la ka jingleh klim bad da ka jingleh bymman.

Khasi CL Bible (BSI)

² Khmih shatei halor ki kliar lum. Hato don kano kano ka jaka ha kaba pham shym la leh kum ka nuti? Pha la ap ïa ki nongleh-ieit shi lynter ka rud surok, kumba u Arab u apthap ha ka ri shyiap. Pha la pyntngit ïa ka ri da ka jingleh nuti jong pha.

JEREMAÏAH 3:2 Mawu Ofanana

JENESIS 38:14

Ka te ka la law noh na lade ïa ki jaiñkup riewkynthei jong ka, bad ka la tap ïa lade da ka jingkah khmat, bad ka la pynkup ïa lade, bad ka la shong ha ka khyrdop ka Enaim, kaba ha ka lynti sha Timnath; naba ka la ïohi ba u Shelah u la san, bad ba ym shym la ai ïa ka ban long ka tnga jong u.

1 SYIEM 11:3

Te u la don hynñiewspah ngut ki tnga, ki mahadei, bad laispah ngut ki tnga kliar: bad ki tnga jong u ki la pynphai noh ïa ka dohnud jong u.

2 SYIEM 23:13

Bad ïa ki jaka bajrong kiba ha khmat ka Jerusalem, kiba sha kamon u lum ka jingtngit, kiba u Solomon u syiem ki Israel u la lah tei ïa ka Ashtoreth ka jingijli ki nong Sidon, bad ïa u Khemosh ka jingijli ki Moab, bad ïa u Milkom ka jingijli ki khun u Ammon, ïa kita u syiem u la pynsang.

SALM 106:38

bad ki la pynmih ïa ka snam balui lui, wat ka snam ki khun shynrang bad jong ki khun kynthei jong ki, kiba ki la kñia ha kita ki durblei ka ri Kanaan; bad ki la pynsang ïa ka ri da ka snam.

PROBERB 23:28

Shisha, ka ap thap kum u nongtuh, bad ka pynroi ïa ki nongshetkylla hapdeng ki briew.

PROBERB 7:11

Ka long kaba bun ktien jam bad kaba leh mon; ki kjat jong ka kim neh ha ka ïing jong ka:

JEREMAÏAH 12:12

Ki nonglute ki la wan poi ha ki lum balyngki baroh ka ri khlaw: naba ka waitlam U Trai ka bam duh na kawei ka dong ka ri haduh kawei pat ka dong ka ri: kawei ka doh ruh kam ïoh suk.

JEREMAÏAH 2:20

“Naba naduh mynhyndai nga la pynkheiñ ïa ka lyngkor jong me, bad nga la pyndkut ïa ki jingteh jong me; bad me la ong, ‘Ngan ym shakri;’ naba ha u lum bajrong baroh bad hapoh u dieng bajyrngam baroh me la dem ïa lade, da kaba leh nuti.

JEREMAÏAH 2:23

“Kumno me lah ban ong, ‘Ym shym pyntngit ïa nga, ngam shym leit bud ïa ki Baal?’ To khmih ïa la ka lynti ha ka them, to tip kaei ba me la leh: me long ka dromedari kaba stet kaba pom pyngkiang ïa la ki lynti;

JEREMAÏAH 2:7

Bad nga la wallam ïa phi sha ka ri ba-dap kyrhai, ban bam ïa u soh jong ka bad ïa ka jingbha jong ka; hynrei, ynda phi la leit shapoh, phi la pyntngit ïa ka ri jong nga, bad ïa ka ri kynti jong nga phi la pynlong ka jingijli.

JEREMAÏAH 3:1

Ki ong, “Lada u briew un pyllait noh ïa la ka tnga, bad ba kan leit noh na u, bad kan long ka jong uwei pat u briew, te un leit phai pat sha ka? yn ym pyntngit shikatdei eh ïa kata ka ri? Hynrei, pha la leh nuti bad shibun ki nongieit; pynban, to wan phai pat sha nga,” ong U Trai.

JEREMAÏAH 3:13

To tang shu phla ïa la ka jingleh bymhok, ba pha la leh palat ïa U Trai U Blei jong pha, bad pha la pynsakma ïa la ki lynti ha ki nongwei hapoh u dieng bajyrngam baroh, bad pham shym la kohnguh ïa ka ktien jong nga,’ ong U Trai.

JEREMAÏAH 3:21

Ïa ka ktien la sngew halor ki jaka jrong balyngki, ka jinglynñiar bad ki jingkyrpad ki khun Israel keiñ; namar ki la pynkylla ïa la ka lynti, ki la klet ïa U Trai U Blei jong ki.

JEREMAÏAH 3:9

Bad da ka jingleh sting ka jingleh nuti jong ka, ïa ka ri la pyntngit, bad ka la ïaklim bad ki maw bad ki dieng.

JEREMAÏAH 7:29

“ ‘To khap noh ïa la u 'ñiuh khlieh, A Jerusalem, bad bred noh ïa u, bad to leit ïam shalor ki jaka bajrong balyngki; naba U Trai u la kyntait bad u la iehnoh sah ïa ka pateng bynriew ka jingbitar jong u.’

ESEKIEL 16:16

Bad pha la shim na la ki jaiñkup jaiñsem, bad pha la thaw na ka bynta ïa lade ki jaka bajrong ïa kiba la pynitynnad da ki rong babun jaid, bad pha la leh nuti halor jong ki: kiba kum kine kiei kiei kin ym jia, lymne kan ym long kumta.

ESEKIEL 20:28

Naba haba nga la wallam ïa ki sha kata ka ri, ïa kaba nga la rah ïa la ka kti ban ai ha ki, te ki la shu ïohi ïa u lum bajrong baroh, bad ïa u dieng uba bniap baroh, bad ki la ainguh ïa la ki jingkñia hangta, bad hangta ki la ïa-ai ïa la ki jingainguh kiba pynkhih bitar, hangta ruh, ki la pynlong la ki jingiw baiwbih, bad hangta ki la ïatheh noh ïa la ki jingainguh dih.

HOSIA 2:5

Namar ka kmie jong ki ka la leh nuti: kata kaba la pun ïa ki, ka la leh khlem rain: namar ka la ong, ‘Ngan leit bud ïa ki ba-ieit jong nga, kiba ai ïa nga la u kpu bad la ka um, la u 'saiwul bad la u 'saihon, la ka umphniang bad la ki jingdih.’

LOUKAS 16:23

Te ha dujok u la khmied ïa la ki khmat, haba u long ha ki jingkordit, bad u la ïohi ïa u Abraham na jngai, bad ïa u Lasaros ha ka shadem jong u.

DEUTERONOMI 12:2

Phin pynjot noh khoit ïa kita ki jaka baroh, ha kiba kita ki jaid bynriew ïa kiba phin sa ïoh, ki la ïashakri ïa ki blei jong ki, ha ki lum bah bajrong, bad ha ki lum rit, bad hapoh ki dieng bajyrngam baroh: