JEREMAÏAH 3:16 - KA BAIBL

¹⁶ Te kan long, ynda phi la roi bad la man bun ha ka ri ha kita ki sngi,’ ” ong U Trai, “kin ym ong shuh, ‘Ka synduk ka jutang U Trai;’ lymne kan ym jia ha ka jingmut: lymne kin ym kynmaw ïa ka; lymne kin ym leit khmih ïa ka; lymne yn ym leh shuh ïa kata.

Khasi CL Bible (BSI)

¹⁶ Nangta haba phi la ïaroi bun ha kata ka ri, ki briew kin ym ïakren shuh shaphang ka Synduk ka Jutang jong nga. Kin ym pyrkhat shuh shaphang jong ka lane kynmaw ïa ka; kin ym donkam shuh ïa ka, lymne kin ym shna sa kawei pat.

JEREMAÏAH 3:16 Mawu Ofanana

ISAÏAH 60:22

Ita iba rit in sa long shi hajar, bad ita bapoh ka jaid bynriew badonbor: nga U Trai ngan pynkloi ïa kata ha ka por jong ka.

ISAÏAH 61:4

Te kin tei ïa ki jaka ba la kynjah ki barim, kin pynïeng ïa ki jingpynjot ba mynshuwa, kin shna ruh ïa ki shnong ba la long khlaw, ki jingpynjot jong shibun ki pateng bynriew.

ISAÏAH 65:17

“Naba, ha khmih, ngan pynlong ïa ki bneng bathymmai bad ïa ka khyndew bathymmai: bad ïa kiei kiei kiba mynshuwa yn ym kynmaw, lymne kin ym wan ha ka jingmut.

JEREMAÏAH 3:17

Ha kata ka por, kin khot ïa ka Jerusalem ‘ka khet jong U Trai’; bad yn ïalum lang ïa ki jaid bynriew baroh ha ka, sha ka kyrteng U Trai, ha Jerusalem keiñ; lymne kin ym ïaid shuh kat kum ka jingmutlop ka dohnud basniew jong ki.

JEREMAÏAH 30:19

Bad na ki, kan mih ka jingainguh bad ka jingsawa jong kita kiba ïalehkmen; bad ngan pynroi ïa ki, te kin ym long kiba khyndiat; ngan pyndonburom ruh ïa ki, te kin ym long ki barit.

JEREMAÏAH 31:27

“Ha khmih, ki sngi kin poi,” ong U Trai, “ba ngan bet ïa ka ïing Israel bad ïa ka ïing Judah da u symbai u briew, bad da u symbai u mrad.

JEREMAÏAH 31:8

Ha khmih, ngan wallam ïa ki na ka ri shatei, bad ngan ïalum ïa ki na ki bakut ka khyndew, bad ryngkat bad ki, ïa u matlah bad u dkoh, ïa kaba punkhun bad kata kaba suhkhun lang: kin ïaphai pat shata shi kynhun bah.

JEREMAÏAH 7:4

Wat shaniah ha ki ktien shukor, da kaba ong, “Ka templ U Trai, ka templ U Trai, ka templ U Trai, ki long kine.” ’ ”

ESEKIEL 15:5

Ha khmih, haba ka dang baroh kawei ruh, kam shym bit ïa ka kam ei ei ruh: sa katno lei lei te, haba ka ding ka la bam noh ïa ka, bad ba ka la ing, ba kan ym bit shuh ïa kano kano ka kam?”

ESEKIEL 37:26

Ngan ïathaw ruh ka jutang ka jingsuk bad ki: kan long ka jutang bymjukut bad ki: bad ngan buh ïa ki, bad ngan pynroi ïa ki, bad ngan pynïeng ïa ka jaka kyntang jong nga hapdeng jong ki junom junom.

AMOS 9:9

“Naba, ha khmih, ngan hukum, bad ngan kynruh ïa ka ïing Israel hapdeng ki jaid bynriew baroh, kumba kynruh ïa u Kew ha ka shalani, hynrei, iwei i barit eh i soh Kew in ym hap ha ka khyndew.

SEPHANAÏAH 3:11

“Ha kata ka sngi, men ym sngewlehrain ïa la ki jingleh baroh, ha kiba me la leh pop ïa nga: naba hangta ngan shim noh napdeng jong me ïa kita kiba kyrkoh sarong jong me, bad men ym long shuh uba sngewmeng ha u lum u bakhuid jong nga.

MATHAÏOS 1:11

bad u Josaïah u la pynkha ïa u Jekhoniah bad ïa ki para jong u, hamar ka por ba la ring mraw ïa ki sha Babilon.

MATHAÏOS 3:9

Bad wat mut ban ong ha lade, ‘Ngi don u Abraham uba long u kpa jong ngi’: naba nga ong ha phi, ba U Blei u lah na kine ki maw ban pynmih khun ïa u Abraham.