JEREMAÏAH 3:12 - KA BAIBL

¹² To khie leit pynbna ïa kine ki ktien shaphang shatei, bad to ong, “ ‘To phai pat, pha ka Israel baphai dien,’ ong U Trai; ‘ngan ym khmih ha pha ha ka jingbitar: naba nga uba isynei,’ ong U Trai, ‘ngan ym bat ïa ka jingbitar junom.

Khasi CL Bible (BSI)

¹² U la bthah ïa nga ban leit bad ong ha ka Israel, “Ko Israel bymïaineh, to wan pat sha nga. Nga long uba dap da ka jingisynei bad ngan ym bitar; ngan ym bitar ïa pha shi junom.

JEREMAÏAH 3:12 Mawu Ofanana

JENESIS 4:7

Lada me la leh bha, ym lah ma me? bad lada mem leh bha, ka pop ka shong lyngngeit ha ka jingkhang: bad sha me pleng kan long ka jingkwah jong ka, bad me ruh men synshar halor jong ka.”

2 SYIEM 15:29

Ha ki sngi jong u Pekah u syiem ki Israel, u la wan u Tiglath-pilesar u syiem ka Assyria bad u la jop ïa ka Ijon, bad ïa ka Abel-beth-maakah, bad ka Janoah, bad ka Kedesh, bad ka Hasor, bad ka Gilead, bad ïa ka Galilaïa, ka ri Naphtali baroh keiñ; bad u la ring mraw ïa ki sha ri Assyria.

2 SYIEM 17:23

ha ban da U Trai u la pynkynriah noh ïa ki Israel na khmat jong u, kumba u la kren da ka kti ki shakri jong u ki nongïathuhlypa baroh. Kumta, la ring noh ïa ki Israel na ka ri jong ki sha Assyria, haduh kane ka sngi.

2 SYIEM 17:6

Ha ka snem ka bakhyndai jong u Hoshea, u syiem ka Assyria u la jop ïa ka Samaria, te ynda la ring mraw ïa ki Israel sha ka ri Assyria, u la pynshong ïa ki ha Halah, bad ha Habor, ha ka wah Gosan, bad ha ki shnong jong ki Mid.

2 SYIEM 18:1

Te ha ka snem ka balai jong u Hoshea u khun u Elah u syiem ki Israel, u Hesekaïah u khun u Ahas u syiem ka Judah u la sdang ban synshar.

2 KHRONIKL 29:10

Mynta te, ka don ha ka dohnud jong nga ban thaw ka jutang bad U Trai, U Blei ki Israel, ba ka jingbitar ba-itieng jong u kan phai noh na ngi.

2 KHRONIKL 30:9

Namar lada phin phai pat sha U Trai, ki para jong phi bad ki khun jong phi kin shem ka jingsngewsynei na kita kiba la ring mraw ïa ki, bad kin ïoh wan pat sha kane ka ri: naba U Trai U Blei jong phi u long uba aiei bad uba isynei, bad un ym phai noh la ka khmat na phi, lada phi phai sha u.”

SALM 103:17

Hynrei, ka jingisynei U Trai ka long na bymjukut sha bymjukut ha kita kiba sheptieng ïa u, bad ka hok jong u ha ki khun ki khun;

SALM 103:8

U Trai u dap ka jingisynei bad uba aiei, uba jynsur ban bitar, bad uba kynrei ka jingisynei.

SALM 103:9

Un ym ïaleh ha la ka sngi; lymne un ym bat jingbitar junom.

SALM 145:8

U Trai uba aiei, bad uba dap ka jingsngewsynei; uba tud ïa ka jingbitar, bad u bakhraw ka jingisynei.

SALM 79:5

Slem sa katno, A Trai, men sngewsih ha la ka rta? Ka jingsngewskuiñ jong me kan thang kum ka ding?

SALM 86:15

Hynrei, me, A Trai, me long U Blei uba dap ka jingisynei bad ka jingaiei, uba jynsur ïa ka jingbitar, bad uba kynrei ka jingisynei bad ka jingshisha.

SALM 86:5

Naba me, A Trai, me long u babha, bad uba kloi ban map, bad uba kyrhai ka jingisynei ïa kita baroh kiba khot kyrpad ïa me.

PROBERB 28:13

Uta uba tap ïa la ki jingpalat un ym man bha: hynrei, jar uba phla bad ba iehnoh noh ïa ki un ïoh ka jingisynei.

ISAÏAH 31:6

To phai phi sha uta ïa uba phi la ïaleh pyrshah jur, ko ki khun Israel.

ISAÏAH 44:22

Nga la pyndam noh ïa ki jingpalat jong me, kiba kum u lyoh barben, bad ïa ki pop jong me, kiba kum u lyoh: to phai sha nga; namar nga la siewspah ïa me.

JEREMAÏAH 11:6

Te U Trai u la ong ha nga, “To pynbna ïa kine ki ktien ha ki nongbah Judah, bad ha ki lynti shnong ka Jerusalem, to ong, ‘To pynsngew ïa ki ktien jong kane ka jutang, bad to leh ïa ki.’

JEREMAÏAH 12:15

Te ynda nga la rat noh ïa ki, ngan phai pat bad ngan isynei ïa ki; bad ngan wallam ïa ki pat, uwei uwei sha la ka ri kynti, bad uwei sha la ka ri.

JEREMAÏAH 23:8

hynrei, ‘Katba im U Trai, uba la wallam noh bad uba la ïalam ïa u symbai ka ïing Israel na ka ri shatei, bad na ki ri baroh sha kiba nga la beh noh ïa ki;’ bad kin ïoh shong ha la ka jong ka ri.”

JEREMAÏAH 3:1

Ki ong, “Lada u briew un pyllait noh ïa la ka tnga, bad ba kan leit noh na u, bad kan long ka jong uwei pat u briew, te un leit phai pat sha ka? yn ym pyntngit shikatdei eh ïa kata ka ri? Hynrei, pha la leh nuti bad shibun ki nongieit; pynban, to wan phai pat sha nga,” ong U Trai.

JEREMAÏAH 3:14

‘To phai, ko ki khun baphai dien,’ ong U Trai; ‘naba nga long u tnga ïa phi: bad ngan shim ïa phi uwei na kawei ka shnong, bad ar ngut na kawei ka ïing, bad ngan leit lam ïa phi sha Seïon:

JEREMAÏAH 3:18

Ha kita ki sngi, ka ïing Judah kan ïaid ryngkat bad ka ïing Israel, bad kin ïamih lang na ka ri kaba shaphang shatei sha kata ka ri kaba nga la ai ban long ka ri kynti ïa ki kpa jong phi.

JEREMAÏAH 3:22

“To wan phai, phi ki khun baphai dien, te ngan pynkhiah ïa ki jingphaidien jong phi.” “Ha khmih, ngi la wan sha me; naba me long U Trai U Blei jong ngi.

JEREMAÏAH 3:5

Un bat sah ïa la ka jingbitar junom? Un ri ïa ka haduh ka bakut?’ Ha khmih, pha la kren bad pha la leh ïa kiei kiei ki basniew, bad pha la ïoh ïa la ka lynti.”

JEREMAÏAH 3:7

Te nga la ong hadien ba ka la lah leh ïa kine kiei kiei baroh, ‘Kan wan phai pat sha nga;’ hynrei, kam shym la wan phai: bad ka para bashetkylla jong ka, ka Judah ka la ïohi ïa kata.

JEREMAÏAH 30:11

Namar nga long lem bad me,” ong U Trai, “ban pynim ïa me: namar ngan pynduh khoit ïa ki jaid bynriew baroh sha kiba nga la pynphriang ïa me, hynrei, ngan ym pynduh khoit ïa me; hynrei, ngan sneng pynbeit ïa me da ka jingbishar, bad haba da lei lei ngan ym iehnoh ïa me khlem da pynshitom.”

JEREMAÏAH 31:20

U Ephraim u long u khun ba-ieit jong nga? U long u khun uba itynnad? Namar katno katno sien ba nga kren pyrshah ïa u, nga shu dang kynmaw kyndiang ïa u: namar kata, la pynkhih ïa ki snier jong nga na ka bynta jong u; da shisha ngan isynei ïa u,” ong U Trai.

JEREMAÏAH 31:21

“To phan thung ki jingkdew lynti, to phan thaw ki dieng pynbeit lynti: to pynbeit la ka dohnud sha ka lynti bah, kata ka lynti kaba pha la leit keiñ: to phai pat, A theisotti Israel, to phai pat sha kine ki nongbah jong pha.

JEREMAÏAH 31:8

Ha khmih, ngan wallam ïa ki na ka ri shatei, bad ngan ïalum ïa ki na ki bakut ka khyndew, bad ryngkat bad ki, ïa u matlah bad u dkoh, ïa kaba punkhun bad kata kaba suhkhun lang: kin ïaphai pat shata shi kynhun bah.

JEREMAÏAH 33:26

kumta ngan bred noh ruh ïa u symbai jong u Jakob, bad jong u Dabid u shakri jong nga, ba ngan ym shim na u symbai jong u ban long ki nongsynshar halor u symbai u Abraham, u Isaak, bad u Jakob: naba ngan pynphai noh ïa ka jinglongmraw jong ki, bad ngan isynei ïa ki.’ ”

JEREMAÏAH 4:1

“Lada men wan phai, A Israel,” ong U Trai, “sha nga keiñ men wan phai: bad lada men bred noh ïa ki jingijli jong me na khmat jong nga, te yn ym pynkynriah noh ïa me;

SNGEWSYNEI 3:22

Ka long na ki jingisynei U Trai ba ym shym la bam duh ïa ngi, naba ki jingsngewsynei jong u kim duh.

ESEKIEL 11:17

Namar kata, to ong, “Kumne u ong U Trai U Blei: Ngan lum lang ïa phi napdeng ki kynja bynriew, bad ngan pynlang ïa phi na kita ki ri sha kiba la pynsakma ïa phi, bad ngan ai ïa phi ïa ka ri Israel.

ESEKIEL 33:11

To ong ha ki, ‘Katba nga im,’ ong U Trai U Blei, ‘ngam don ka jingsngewbha ha ka jingïap u bymman; hynrei, ba uta u bymman un phai noh na ka lynti jong u bad ba un im: to phai phi, to phai phi na ki lynti sniew jong phi; namar balei ba phin shu ïap, A phi ka ïing Israel?

ESEKIEL 39:25

Namar kata, kumne u ong U Trai U Blei: “Mynta ngan pynphai pat ïa ka jinglongmraw u Jakob, ba ngan isynei ïa ka ïing Israel baroh; bad ngan sngewskuiñ ruh na ka bynta ka kyrteng bakhuid jong nga.

HOSIA 6:1

Ale, ïa ngin ïaphai sha U Trai: namar u la tar, te un pynkhiah ïa ngi; u la shoh, bad un sop spaiñ ïa ngi.

LEBITIKOS 26:40

“Bad kin phla ïa ka jingleh bymman jong ki, bad ïa ka jingleh bymman ki kpa jong ki, bad ïa ka jingpalat ïa kaba ki la leh palat pyrshah ïa nga, bad ba ki, ki la ïaid pyrshah ïa nga,

SEKHARAÏAH 1:4

“Wat long kum ki kpa jong phi, ha kiba ki nongïathuhlypa kiba mynshuwa ki la pyrta, ki ïa-ong, ‘Kumne u ong U Trai ki paid, “Mynta to phai noh phi na ki lynti basniew jong phi, bad na ki jingleh basniew jong phi:” pynban, kim shym la sngap, lymne shahshkor ïa nga,’ ” ong U Trai.

DEUTERONOMI 30:2

bad men wan phai pat ruh sha U Trai uba U Blei jong me, bad men kohnguh ruh ïa ka ktien jong u katba kum kita baroh ïa kiba nga hukum ïa me ha kane ka sngi, ma me bad ki khun jong me, da la ka dohnud baroh, bad da la ka mynsiem baroh;