JEREMAÏAH 3:10 - KA BAIBL

¹⁰ La kumta ruh ka para bashetkylla jong ka, ka Judah kam shym la phai ha nga da ka dohnud jong ka baroh, hynrei, da kaba arsap,” ong U Trai.

Khasi CL Bible (BSI)

¹⁰ Bad hadien kane baroh, ka Judah, ka para bymïaineh jong ka Israel, ka la shu leh mynleh ban wan phai sha nga, kam shym da mut shisha. Ma nga U Trai, nga la kren.”

JEREMAÏAH 3:10 Mawu Ofanana

2 KHRONIKL 34:33

Bad u Josaïah u la pynduh noh ïa ki jingijli baroh na ki ri baroh kiba la dei ha ki khun Israel, bad u la pynleh ïa kita baroh kiba la shem ha Israel ban shakri, ban shakri ïa U Trai U Blei jong ki keiñ. Baroh ki sngi jong u kim shym la kynriah na kaba bud ïa U Trai U Blei ki kpa jong ki.

SALM 18:44

Ki tang shu ïohsngew shaphang jong nga kin kohnguh ïa nga; kita ki nongwei kin nguh ïa nga.

SALM 66:3

To ong ha U Blei, “Katno kiba itriem ki long ki kam jong me! Namar ka jingkhraw ka bor jong me, ki nongshun jong me kin pynkohnguh ïa lade ha me.

ISAÏAH 10:6

Ngan phah ïa u, pyrshah ïa ka jaid bynriew bymman, bad pyrshah ïa u paidlang ka jingbitar jong nga ngan ai hukum ïa u, ban lute, bad ban patar, bad ban ïuh roit ïa ki, kum ka ktieh ki lynti shnong.

ISAÏAH 29:13

Te U Trai u la ong, “Namar kat kumba une u paidlang u wan hajan jong nga, bad da la ka shyntur bad da la ki rmiang shyntur ki burom ïa nga, hynrei, ki la pynjngai noh ïa ka dohnud jong ki na nga, bad ka jingsheptieng jong ki ïa nga ka long ka hukum briew ba la hikai ïa ki:

ISAÏAH 31:6

To phai phi sha uta ïa uba phi la ïaleh pyrshah jur, ko ki khun Israel.

JEREMAÏAH 11:10

Ki la kylla pat ha ki jingleh bymhok ki kpa tymmen jong ki, ki bym treh ban sngew ïa ki ktien jong nga; bad ki la leit bud ïa kiwei pat ki blei ban shakri ïa ki: ka ïing Israel bad ka ïing Judah ki la pynkheiñ ïa ka jutang jong nga kaba nga la ïateh bad ki kpa jong ki.”

JEREMAÏAH 12:2

Me la thung ïa ki, bad ki la suhthied; ki nang san, bad ki sei soh ruh: me long hajan ha ka shyntur jong ki, te me jngai na ki khyllai jong ki.

JEREMAÏAH 9:1

A ba ka khlieh jong nga kan da la long ki um, bad ki khmat jong nga ka pukri ki ummat, ba ngan da ïoh ïam synñia sngi na ka bynta kiba la shah pynïap jong ka khun ki briew jong nga!

HOSIA 7:14

“Kim shym la kyang ruh ha nga da la ka dohnud, hynrei, ki lynñiar halor la ki jingthiah: ki la ïaseng hi na ka bynta u Kew bad ka Waiñ, ki ïaleh pyrshah ïa nga.

AMOS 4:9

“Nga la shoh ïa phi da ka jingïap tram bad kaba bam khñiang: ïa ka jingkynrei ki kper jong phi bad ki brisoh Waiñ jong phi bad ki dieng Dumbur jong phi bad ki dieng Olib jong phi u puit u la bam duh: pynban, phim shym phai sha nga,” ong U Trai.

MALAKHI 2:11

U Judah u la shetkylla, bad la leh ïa ka jingijli ha Israel bad ha Jerusalem; naba u Judah u la pynsang ïa ka jingkhuid jong U Trai ïa uba u ieit, bad u la shongkurim ïa ka khun jong u blei nongwei.