JEREMAÏAH 3:1 - KA BAIBL

¹ Ki ong, “Lada u briew un pyllait noh ïa la ka tnga, bad ba kan leit noh na u, bad kan long ka jong uwei pat u briew, te un leit phai pat sha ka? yn ym pyntngit shikatdei eh ïa kata ka ri? Hynrei, pha la leh nuti bad shibun ki nongieit; pynban, to wan phai pat sha nga,” ong U Trai.

Khasi CL Bible (BSI)

¹ U Trai u ong, “Lada u briew u pyllait noh ïa la ka tnga, bad ka iehnoh ïa u bad ka long noh ka tnga jong uwei pat u briew, um dei ban shim pat ïa ka. Kane kan pyntngit lut ïa ka ri. Hynrei, ko Israel, pha la lah don shibun ki nongleh-ieit, bad mynta pha kwah ban wan phai sha nga!

JEREMAÏAH 3:1 Mawu Ofanana

SALM 106:38

bad ki la pynmih ïa ka snam balui lui, wat ka snam ki khun shynrang bad jong ki khun kynthei jong ki, kiba ki la kñia ha kita ki durblei ka ri Kanaan; bad ki la pynsang ïa ka ri da ka snam.

ISAÏAH 24:5

Ïa ka khyndew ruh la pyntngit hapoh kiba shong ha ka: namar ki la ryngkang ïa ki hukum, ki la pynkylla ïa ka rukom, ki la pynkheiñ ïa ka jutang bymjukut.

JEREMAÏAH 2:20

“Naba naduh mynhyndai nga la pynkheiñ ïa ka lyngkor jong me, bad nga la pyndkut ïa ki jingteh jong me; bad me la ong, ‘Ngan ym shakri;’ naba ha u lum bajrong baroh bad hapoh u dieng bajyrngam baroh me la dem ïa lade, da kaba leh nuti.

JEREMAÏAH 2:23

“Kumno me lah ban ong, ‘Ym shym pyntngit ïa nga, ngam shym leit bud ïa ki Baal?’ To khmih ïa la ka lynti ha ka them, to tip kaei ba me la leh: me long ka dromedari kaba stet kaba pom pyngkiang ïa la ki lynti;

JEREMAÏAH 2:7

Bad nga la wallam ïa phi sha ka ri ba-dap kyrhai, ban bam ïa u soh jong ka bad ïa ka jingbha jong ka; hynrei, ynda phi la leit shapoh, phi la pyntngit ïa ka ri jong nga, bad ïa ka ri kynti jong nga phi la pynlong ka jingijli.

JEREMAÏAH 22:20

“Khie leit kiew sha Lebanon, bad to pyrta; pynjam ïa la ka ktien ha Bashan: bad to pyrta na u Abarim; naba ïa kiba ieit jong pha baroh la pynjot noh.

JEREMAÏAH 3:22

“To wan phai, phi ki khun baphai dien, te ngan pynkhiah ïa ki jingphaidien jong phi.” “Ha khmih, ngi la wan sha me; naba me long U Trai U Blei jong ngi.

JEREMAÏAH 3:9

Bad da ka jingleh sting ka jingleh nuti jong ka, ïa ka ri la pyntngit, bad ka la ïaklim bad ki maw bad ki dieng.

JEREMAÏAH 31:22

Sa katno phan dang leit shane bad shatai, A pha ka khun baphai dien? naba U Trai u la thaw kaba khyllah ha ka khyndew, ka kynthei kan piam ïa u rangbah.”

JEREMAÏAH 4:1

“Lada men wan phai, A Israel,” ong U Trai, “sha nga keiñ men wan phai: bad lada men bred noh ïa ki jingijli jong me na khmat jong nga, te yn ym pynkynriah noh ïa me;

JEREMAÏAH 4:14

A Jerusalem, to sait ïa la ka dohnud na ka jingbymman, ba yn pynim ïa pha. Slem katno ki jingmut basniew jong pha kin shong hapoh jong pha?

SNGEWSYNEI 1:2

Ka ïam sat mynmiet, bad ki ummat jong ka ki don ha ki ngab jong ka; hapdeng ki nongieit jong ka baroh ym don hi ki ban pyntngen ïa ka: ki lok jong ka baroh ki la leh shukor ïa ka, ki la kylla nongshun ïa ka.

ESEKIEL 16:26

Pha la leh ruh ïa ka jingklim sih bad ki nong Ijipt, ki paramarjan jong pha, ki riewsngaid; bad pha la pynkhraw ïa la ka jingleh nuti, ban pynkhih bitar ïa nga.

ESEKIEL 16:30

“Katno ka long kaba tlot ka dohnud jong pha,” ong U Trai U Blei, “namar pha la leh ïa kine kiei kiei baroh, ka kam jong ka briew kaba leh nuti ha la ka mon;

ESEKIEL 16:35

“Namar kata, to sngew ïa ka ktien U Trai, ko ka nuti:

ESEKIEL 33:11

To ong ha ki, ‘Katba nga im,’ ong U Trai U Blei, ‘ngam don ka jingsngewbha ha ka jingïap u bymman; hynrei, ba uta u bymman un phai noh na ka lynti jong u bad ba un im: to phai phi, to phai phi na ki lynti sniew jong phi; namar balei ba phin shu ïap, A phi ka ïing Israel?

HOSIA 1:2

Haba U Trai u la kren ha kaba nyngkong bad u Hosia, U Trai u la ong ha u Hosia, “Khie leit, shim ha me ka tnga ki jingklim bad ki khun ki jingklim: namar ka ri ka klim shibun eh, ka da iehnoh ïa U Trai.”

HOSIA 2:2

“Kyrpad ïa la ka kmie, to kyrpad; namar kam long ka tnga jong nga, lymne ngam long u tnga jong ka: bad to kan bred noh ïa la ki jingklim na khmat jong ka, bad ïa ki jingleh nuti jong ka napdeng ki jymbuiñ jong ka;

MIKAH 2:10

To ïeng, bad khie leit noh; naba kane, kam long ka jingjahthait jong phi: namar ka jingbymkhuid kaba pynjot, da ka jingpynjot sat keiñ.

SEKHARAÏAH 1:3

Namar kata, to ong ha ki, ‘Kumne u ong U Trai ki paid: “To phai phi sha nga,” ’ ” ong U Trai ki paid, “te nga ruh ngan phai sha phi,” ong U Trai ki paid.

MATHAÏOS 5:31

“La ong ruh, ‘Uno uno ruh u ban pyllait noh ïa ka tnga jong u, un ai ha ka, ïa ka kot iehnoh:’

DEUTERONOMI 22:21

ynda kumta, kin ïawallam shabar ïa kata ka samla ha ka jingkhang ka ïing u kpa jong ka, bad ki briew jong ka shnong jong ka kin ïalynthem da ki maw ïa ka, ba kan ïap; namar ba ka la leh ka jingthala ha Israel, da kaba leh nuti ha ïing u kpa jong ka: kumta, men pynduh noh ïa kata ka basniew na Israel.

NONGBISHAR 19:2

Kata ka tnga kliar te ka la klim nalor jong u, bad ka la leit noh na u sha ka ïing u kpa jong ka sha Bethlehem Judah, bad ka la sah hangta saw bnai.