JEREMAÏAH 26:9 - KA BAIBL

⁹ Balei ba me la ïathuhlypa ha ka kyrteng U Trai, me da ong, ‘Kane ka ïing kan long kum ka Sheiloh, bad kane ka shnong kan long kaba kynjah, ka bymshong briew’?” Bad u paidbah baroh ki la ïalang ha u Jeremaïah ha ka ïing U Trai.

Khasi CL Bible (BSI)

⁹ Balei ba me la kren ha ka kyrteng jong U Trai ba kane ka Templ kan long kum ka Shiloh bad ba ïa kane ka nongbah yn pynjot bad yn ym don bashong ba sah hangta?” Nangta ki briew ki ïalum sawdong ïa nga.

JEREMAÏAH 26:9 Mawu Ofanana

2 KHRONIKL 25:16

Te katba u dang kren bad u, u syiem u la ong ha u, “Hato ngi la thung ïa me na ka jingsylla jong u syiem? Sngap jar; balei yn shoh ïap ïa me?” Ynda kumta, u nongïathuhlypa u la sngap, bad u la shu ong, “Nga tip ba U Blei u la thmu ban pynjot ïa me, namar me la leh ïa kane, bad mem shym la shahshkor ïa ka jingpyni jong nga.”

ISAÏAH 29:21

uta uba pynrem ïa u briew ha ka jingïaleh, bad uba riam ïa uta uba sneng ha ka khyrdop, bad uba pynphai noh ïa u bahok da ka bymlong ei ei.

JEREMAÏAH 32:3

Namar u Sedekaïah u syiem ka Judah u la set ïa u, u da ong, “Balei me ïathuhlypa, bad me ong, ‘Kumne u ong U Trai, “Ha khmih, ngan ai ïa kane ka nongbah ha ka kti u syiem ka Babilon, bad un shim ïa ka:

JEREMAÏAH 33:10

“Kumne u ong U Trai: ‘Yn sa ïohsngew pat ha kane ka jaka, ïa kaba phi ong, “Ka long kaba kynjah, khlem briew khlem mrad,” wat ha ki nongbah ka Judah, bad ha ki lynti shnong ka Jerusalem, kiba la kynjah, khlem briew khlem nongshong bad khlem mrad,

JEREMAÏAH 36:29

Bad shaphang u Jehoïakim u syiem ka Judah men ong, ‘Kumne u ong U Trai: Me la thang ïa kane ka kot bakli, me da ong, Balei me la thoh ha ka, me da ong, u syiem ka Babilon un wan da shisha bad un pynjot ïa kane ka ri, bad un pynduh noh na ka bad briew bad mrad?’ ”

JEREMAÏAH 9:11

Bad ngan pynlong lymbher tait ïa ka Jerusalem, ka jaka shong ki myrsiang; bad ngan pynlong ka jingkynjah ïa ki shnong ka Judah, bymshong briew shuh.”

SNGEWSYNEI 4:13

Ka long namar ki pop ki nongïathuhlypa jong ka, bad ki jingleh bymhok ki lyngdoh jong ka, kiba la pynmih ïa ka snam jong ki bahok hapdeng jong ka.

AMOS 5:10

Ki shun ïa uba pynrem ha ka khyrdop, bad ki isih ïa uba kren hok.

MIKAH 2:6

“Wat ïathuhlypa phi,” kumta, ki ïathuhlypa. “Kin ym ïathuhlypa ha kine: ki jingkrenbeiñ kin ym duh noh.

MATHAÏOS 21:23

Haba u la wan te ha ka templ, ki rangbah lyngdoh bad ki tymmen basan jong u paidbah ki la wan ha u haba u dang hikai, ki da ong, “Da ka bor aïu ba me leh ïa kine kiei kiei ruh? Bad uei ba la ai ïa kane ka bor ha me?”

MATHAÏOS 27:20

Hynrei, kita ki rangbah lyngdoh bad kita ki tymmen basan ki la ïa-pynkohnguh ïa ki paidbah ba kin pan ïa u Barabbas, hynrei, ba kin pynïap ïa U Jisu.

MARKOS 15:11

Hynrei, kita ki rangbah lyngdoh ki la pynkhih ïa uta u paidbah, ba un pyllait noh keiñ ïa u Barabbas ha ki.

ÏOANNIS 8:20

Ïa kine ki ktien, U Jisu u la kren ha ka jaka jingkynshew, haba u dang hikai ha ka templ; te ym don ba la kem ïa u, naba ka por jong u kam pat la jia.

ÏOANNIS 8:59

Ynda kumta, ki la ïarah ïa ki maw ba kin ïoh lynthem ïa u, hynrei, U Jisu u la buhrieh ïa lade, bad u la mih noh na ka templ.

KI KAM 13:50

Hynrei, kita ki Jiw ki la ïa-pynshoi ïa ki kynthei ki bariewblei ki bakhraw batri, bad ïa ki rangbah jong kata ka shnong, bad ki la ïapynkhih ka jinglehbeiñ ïa u Paul bad u Barnabas, bad ki la beh noh ïa ki na ki phang jong ki.

KI KAM 21:30

Te ka la khihwin jlang baroh kawei ka nongbah. Bad u paidbah u la ïaphet kyrthep lang, bad haba ki la kem ïa u Paul, ki la ïaring noh ïa u shabar ka templ; bad kumne kumne la khang noh ïa ki jingkhang.

KI KAM 22:22

Te ki la ïasngap ïa u haduh kane ka ktien. Ynda kumta, ki la ïa-pynjam noh ïa ka ktien jong ki, bad ki la ïa-ong, “To da shim duh noh kum ïa uta na ka khyndew! Kam dei ïa u ban ïoh im!”

KI KAM 3:11

Te katba u dang bat ïa u Petros bad ïa u Ïoannis, uta u paidbah baroh u la ïaphet lang sha ki, sha kata ka baranda kaba ki khot “Ka jong u Solomon”, ba ki da sngewkyndit eh.

KI KAM 5:12

Bad la leh bun ki dak khyllah bad ki jingphylla hapdeng uta u paidbah da ki kti kita ki apostol; baroh ruh ki la ïalong da kawei ka jingmut ha kata ka baranda u Solomon.

KI KAM 5:28

u da ong, “Ngi la hukum skhem ïa phi ban ym hikai ha kane ka kyrteng, te ha khmih, phi la pyndap ïa ka Jerusalem da ka jinghikai jong phi, bad phi ïathmu ban pynkit ha ngi ïa ka snam jong une u briew.”

KI KAM 6:14

namar ngi la ïohsngew ïa u ba u ong ba une U Jisu uba na Nasaret un sa pynjot ïa kane ka jaka, bad un sa pynkylla ïa ki niam ki rukom kiba u Moses u la aiti ha ngi.”

JOSHUA 18:1

Bad u paidbah ki khun Israel baroh ki la ïalum lang ha Sheiloh, bad ki la pynïeng ïa Ka Tabernakl ka jingïaseng hangta: bad la lah jop ïa ka ri ha shuwa jong ki.