JEREMAÏAH 26:5 - KA BAIBL

⁵ ïa ka ban sngap ïa ki ktien ki shakri jong nga ki nongïathuhlypa, ïa kiba nga phah ha phi, da kaba khie dang step bad phah ïa ki, hynrei, phim shym sngap;

Khasi CL Bible (BSI)

⁵ bad da kaba pynshahshkor ïa ki kyntien jong ki nongïathuhlypa, ki shakri jong nga, kiba nga la ju ïai phah sha phi. Phim pat ju kohnguh ïa kaei kaba ki la ong.

JEREMAÏAH 26:5 Mawu Ofanana

2 SYIEM 17:13

Hynrei, U Trai u la phla ha u Israel, bad ha u Judah, da ka kti u nongïathuhlypa baroh, bad da u nongïohi baroh, u da ong, “To phai phi na ki lynti basniew jong phi, bad sumar ïa ki hukum jong nga bad ïa ki aiñ jong nga, kat kum kata ka hukum baroh kaba nga la hukum ïa ki kpa jong phi, bad ïa kiba nga la phah ha phi da ka kti ki shakri jong nga ki nongïathuhlypa.”

2 SYIEM 17:23

ha ban da U Trai u la pynkynriah noh ïa ki Israel na khmat jong u, kumba u la kren da ka kti ki shakri jong u ki nongïathuhlypa baroh. Kumta, la ring noh ïa ki Israel na ka ri jong ki sha Assyria, haduh kane ka sngi.

2 SYIEM 24:2

Bad U Trai u la phah ïaleh ïa u da ki kynhun ki Khaldi, bad ki kynhun ki Syria, bad ki kynhun ki Moab, bad ki kynhun ki khun u Ammon, bad u la phah ïa ki ban ïaleh ïa ka Judah ïa ka ban pynjot ïa ka, katba kum ka ktien U Trai, kaba u la kren da ka kti ki shakri jong u ki nongïathuhlypa.

2 SYIEM 9:7

Te men shoh ïa ka ïing u Ahab u kynrad jong me, ba ngan ïoh pynhiar kput ïa ka snam ki shakri jong nga ki nongïathuhlypa, bad ïa ka snam ki shakri jong U Trai baroh, ha ka kti ka Jesebel.

ESRA 9:11

ïa kiba me la hukum da ki shakri jong me ki nongïathuhlypa, ki ïa-ong, ‘Kata ka ri, ha kaba phi leit ban ïoh ïa ka, ka long ka ri bymkhuid da ka jingbymkhuid ki briew kita ki ri, da ka jingijli jong ki kiba la pyndap ïa ka na kut sha kut da ka jingtngit jong ki.

JEREMAÏAH 11:7

Naba nga la phla jur ha ki kpa jong phi ha ka sngi ba nga la wallam artet ïa ki na ka ri Ijipt, bad haduh kane ka sngi, nga da khie dang step bad nga da phla, nga da ong, ‘To kohnguh ïa ka ktien jong nga.’

JEREMAÏAH 29:19

namar kim shym la sngap ïa ki ktien jong nga,” ong U Trai, “kiba nga la phah ha ki da ki shakri jong nga ki nongïathuhlypa, nga da khie dang step bad nga phah ïa ki; hynrei, phim treh ban sngap,” ong U Trai.

JEREMAÏAH 32:33

Te ki la phai ingdong sha nga, te ym ka khmat: bad la nga la hikai ïa ki, nga da khie dang step bad nga hikai ïa ki; pynban, kim shym shahshkor ban pdiang la ka jinghikai.

JEREMAÏAH 35:15

Nga la phah ruh ïa ki shakri jong nga ki nongïathuhlypa baroh ha phi, nga da khie dang step bad nga phah ïa ki, da kaba ong, ‘To phai phi mynta uwei pa uwei na la ka lynti basniew, bad pynbeit ïa ki jingleh jong phi, bad wat leit bud ïa kiwei pat ki blei ban shakri ïa ki, bad phi ïoh shong ha ka ri kaba nga la ai ha phi bad ha ki kpa jong phi: hynrei, phim shym la shahshkor, lymne sngap ïa nga.’

JEREMAÏAH 35:17

namar kata,” kumne u ong U Trai, U Blei ki paid, U Blei ki Israel: “Ha khmih, ngan wallam halor ka Judah bad halor kiba shong ha Jerusalem baroh, ïa kata ka jingsniew baroh kaba nga la kren pyrshah ïa ki; namar nga la kren ha ki, hynrei, kim shym la sngap; bad nga la khot ïa ki, hynrei, kim shym phai ktien.”

JEREMAÏAH 44:4

La kumta ruh, nga la phah ha phi ïa ki shakri jong nga baroh, ki nongïathuhlypa keiñ, nga da khie la dang step bad nga phah ïa ki, nga da ong, “A, wat leh ïa kane ka kam kaba ijli ba nga isih.”

JEREMAÏAH 7:13

Mynta te, namar ba phi la leh ïa kine ki jingleh baroh,” ong U Trai, “bad ba nga la kren ha phi, nga da khie dang step bad nga kren, hynrei, phim shym la sngap; bad nga la khot ïa phi, hynrei, phim shym la phai ktien:

JEREMAÏAH 7:25

Naduh kata ka sngi ba ki kpa jong phi ki la mih noh na ri Ijipt haduh kane ka sngi, nga la phah ha phi ïa ki nongïathuhlypa, ki shakri jong nga baroh, nga da khie dang step ha la ka sngi bad nga phah ïa ki:

ESEKIEL 38:17

Kumne u ong U Trai U Blei: “Me long ma me du uta shaphang uba nga la kren mynhyndai da ki shakri jong nga ki nongïathuhlypa jong ki Israel, kiba la ïathuhlypa ha kita ki sngi bun snem ba ngan wallam ïa me ban ïaleh pyrshah ïa ki?

AMOS 3:7

“Shisha U Trai U Blei un ym leh ei ei, khlem da pynpaw ïa la ka jingthmu ha la ki shakri ki nongïathuhlypa.

SEKHARAÏAH 1:6

Hynrei, kita ki ktien jong nga bad kita ki hukum jong nga, kiba nga la hukum ïa ki shakri jong nga ki nongïathuhlypa, ki la lap ne em ïa ki kpa jong phi? bad ki la phai bad ki la ong, ‘Kumba U Trai ki paid u la thmu ban leh ïa ngi, katba kum ki lynti jong ngi, bad katba kum ki jingleh jong ngi, kumta u la leh keiñ ïa ngi.’ ”

JINGPYNPAW 10:7

hynrei, ha kita ki sngi, kata ka ktien sawa ka jong uta u angel u bahynñiew, hamar ba un sa pynsawa, hangta la pyndep noh ïa kata ka jingmaïan ka jong U Blei, kumba u la ïathuhkhana babha ha kita ki shakri jong u ki nongïathuhlypa.

JINGPYNPAW 11:18

Te ki la khih bitar lep kita ki kynja bynriew, bad kata ka jingbitar jong me ka la jia, bad kata ka Ïa ban bishar ïa ki nongïap, bad ban ai ïa ka nong ha ki shakri jong me, kita ki nongïathuhlypa, bad ha kita ki riewkhuid, bad ha kita kiba sheptieng ïa ka kyrteng jong me, ki barit baraiñ bad ki bakhraw batri; bad ban pynjot noh ïa kita kiba pynjot noh ïa ka pyrthei.”