JEREMAÏAH 26:4 - KA BAIBL

⁴ Te men ong ha ki, ‘Kumne u ong U Trai: “Lada phin ym sngap ïa nga, ïa ka ban ïaid ha ka aiñ jong nga, kaba nga la buh ha khmat jong phi,

Khasi CL Bible (BSI)

⁴ U Trai u la bthah ïa nga ban ong ha ki briew, “Ma nga, U Trai, nga la ong ba phi dei ban kohnguh ïa nga da kaba bud ïa ka jinghikai kaba nga la ai ha phi,

JEREMAÏAH 26:4 Mawu Ofanana

1 SYIEM 9:6

Hynrei, lada phin phai noh na kaba bud ïa nga, ma phi lane ki khun jong phi, bad phim rakhe ïa ki hukum bad ki aiñ jong nga kiba nga la buh ha khmat jong phi, hynrei, phin leit shakri ïa kiwei pat ki blei, bad mane ïa ki:

ISAÏAH 1:20

hynrei, lada phi kyrngah bad ïaleh kiat, ka waitlam kan bam duh ïa phi: namar ka shyntur U Trai ka la kren ïa ka.”

JEREMAÏAH 17:27

Hynrei, lada phin ym sngap ïa nga, ïa ka ban pynkyntang ïa ka sngi Sabbaton, bad ban ym kit jingkit bad rung na ki khyrdop ka Jerusalem ha ka sngi Sabbaton; te ngan tbeh ka ding ha ki khyrdop jong ka, bad kan bam duh ïa ki ïingpaki ka Jerusalem, bad yn ym pynlip ïa ka.”

JEREMAÏAH 22:5

Hynrei, lada phin ym sngew ïa kine ki ktien, nga smai da lade hi,” ong U Trai, “ba kane ka ïing kan sa long ka jingkynjah.”

JEREMAÏAH 32:23

te ki la wan, bad ki la ïoh ïa ka; hynrei, kim shym la kohnguh ïa ka ktien jong me, lymne ïaid ha ka hukum jong me; kim shym la leh ei ei na kata baroh ba me la hukum ïa ki ban leh: namar kata, me la pynwan ha ki ïa kane baroh ka jingsniew:

JEREMAÏAH 44:10

Ym shym la pynrit ïa ki haduh kane ka sngi, lymne kim shym la sheptieng, lymne ïaid ha ka aiñ jong nga, lymne ha ki hukum jong nga, kiba nga la buh ha khmat jong phi bad ha khmat ki kpa jong phi.”

JEREMAÏAH 44:23

Namar phi la thang ka jingiwbih, bad namar phi la leh pop ïa U Trai, bad phim shym la kohnguh ïa ka ktien U Trai, lymne ïaid ha ka hukum jong u, lymne ha ki aiñ jong u, lymne ha ki jingphla jong u; namar kata, kane ka jingsniew ka la jia ha phi, kumba ka long ha kane ka sngi.”

JEREMAÏAH 7:14

namar kata, kumba nga la leh ïa ka Sheiloh, kumta ngan leh ïa kane ka ïing ïa kaba la khot da ka kyrteng jong nga, ha kaba phi shaniah, bad ïa kane ka jaka kaba nga la ai ha phi bad ha ki kpa jong phi.

DEUTERONOMI 11:32

To sumar te ïa ka ban leh ïa kita ki hukum, bad ïa ki jingbishar baroh ïa kiba nga buh ha khmat jong phi ha kane ka sngi.

DEUTERONOMI 31:20

Namar ynda ngan wallam ïa ki sha kata ka ri ïa kaba nga la smai ha ki kpa jong ki, kaba tuid da ka dud bad ka ngap; bad ba kin bam, bad kin kdang ruh, bad ba kin man sngaid ruh; te kumta, kin ïaphai noh sha kiwei pat ki blei, bad kin shakri ïa ki, bad kin pynbitar ruh ïa nga, bad kin pynkheiñ ïa ka jutang jong nga.

DEUTERONOMI 4:44

Kane te kata ka hukum ïa kaba u Moses u la buh ha khmat ki khun Israel:

DEUTERONOMI 4:8

Bad kano ka jaid bynriew ruh kaba khraw, kaba don ki hukum, bad ki jingbishar ki bahok katta, kum kane ka hukum baroh, ïa kaba nga buh ha khmat jong phi ha kane ka sngi?

HEBRU 6:18

ba da ki ar tylli kiei kiei ki bymkylla, ha kiba ka long ka bym lah ïa U Blei ban lamler, ngi lah ban ïoh ka jingpynshlur badonbor, kiba la phet ban rieh ïa ka ban ïoh bat ïa kata ka jingkyrmen ba la buh ha khmat jong ngi;