JEREMAÏAH 26:2 - KA BAIBL

² “Kumne u ong U Trai: ‘To ïeng ha ka phyllaw ka ïing U Trai, bad to kren ha ki shnong Judah baroh, kiba wan mane ha ka ïing U Trai, ïa ki ktien baroh kiba nga la hukum ïa me ban kren ha ki; wat tyngkai wat kawei ka ktien.’

Khasi CL Bible (BSI)

² U Trai u la ong ha nga, “To ïeng ha ka ïingbishar jong ka Templ bad to pynbna ïa baroh kaba nga la hukum ïa me ban ong ha ki briew kiba wan na ki shnong jong ka Judah ban mane hangta. Wat ym iehnoh ei ei ruh em.

JEREMAÏAH 26:2 Mawu Ofanana

JEREMAÏAH 1:17

Ma me, namar kata, to panpoh ïa la ka syngkai, bad to ïeng, bad kren ruh ha ki ïa kaba nga hukum ïa me baroh: wat khaw-eit ïa ki, ïoh ngan pynkhaw-eit ïa me ha khmat jong ki.

JEREMAÏAH 1:7

Hynrei, U Trai u la ong ïa nga, “Wat ong, ‘Nga dang khynnah:’ naba ha kino kino kiba ngan phah ïa me men leit keiñ, bad ïa kaei kaei kaba ngan hukum ïa me men kren keiñ.

JEREMAÏAH 19:14

Ynda kumta, u Jeremaïah u la wan noh na Tophet, sha kaba U Trai u la phah ïa u ban ïathuhlypa; bad u la ïeng ha ka phyllaw ka ïing U Trai, bad u la ong ha u paidbah baroh:

JEREMAÏAH 23:28

U nongïathuhlypa uba don ka jingphohsniew, to un ïathuh ïa ka jingphohsniew; bad uta uba don ka ktien jong nga, to un kren biang biang ïa ka ktien jong nga. U jyntang Kew u long aïu bad u Kew?” ong U Trai.

JEREMAÏAH 25:2

ïa kata, u Jeremaïah u nongïathuhlypa u la kren ha u paidbah Judah baroh, bad ha kita baroh kiba shong ha Jerusalem, u da ong:

JEREMAÏAH 28:5

Ynda kumta, u Jeremaïah u nongïathuhlypa u la ong ha u Hananaïah u nongïathuhlypa ha khmat ki lyngdoh, bad ha khmat u paidbah baroh uba ïeng ha ka ïing U Trai,

JEREMAÏAH 36:10

Ynda kumta, u Baruk u la pule ha kata ka kitab ïa ki ktien u Jeremaïah ha ka ïing U Trai, ha ka kamra u Gemaraïah u khun u Shaphan u nongthoh, ha ka phyllaw ba kham haneng, ha ka jingkhang ka Khyrdop Thymmai ka ïing U Trai, ha ki shkor ki briew baroh.

JEREMAÏAH 42:4

Ynda kumta, u Jeremaïah u nongïathuhlypa u la ong ha ki, “Nga la shahshkor ïa phi; ha khmih, ngan duwai ha U Trai U Blei jong phi katba kum ki ktien jong phi: te ïa kaei kaei ba U Trai un phai ktien ïa phi ngan pynpaw ïa ka ha phi, ngan ym buhrieh ei ei na phi.”

JEREMAÏAH 7:2

“To ïeng ha ka khyrdop ka ïing U Trai, bad to pynbna hangta ïa kane ka ktien, bad to ong, ‘To sngew ïa ka ktien U Trai, phi ki Judah baroh, kiba wan rung na kine ki khyrdop ban leit mane ïa U Trai.

JEREMAÏAH 7:27

“To men kren ïa kine ki ktien baroh ha ki; hynrei, kin ym shahshkor ïa me: men khot ïa ki ruh; hynrei, kin ym phai ktien ïa me.

ESEKIEL 3:10

Nalor kata ruh, u la ong ha nga, “Ko khun u briew, ïa ki ktien jong nga baroh kiba ngan kren ha me, to pdiang da la ka dohnud, bad to sngap da la ki shkor.

ESEKIEL 33:7

“Kumta, ma me, ko khun u briew, nga la thung nongsharai ïa me halor ka ïing Israel; namar kata, to sngew ïa ka ktien na ka shyntur jong nga, bad to maham ïa ki na nga.

ESEKIEL 40:4

Te uta u briew u la ong ha nga, “Ko khun u briew, to khmih da ki khmat jong me, bad to sngew da ki shkor jong me, bad to pyrkhat ruh da ka dohnud jong me ïa kata baroh kaba ngan sa pyni ha me; namar ïa kata khnang la wallam ïa me shane ba ngan dup pyni ïa ki ha me: to pynpaw ha ka ïing Israel ïa kata baroh kaba me ïohi.”

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

LOUKAS 19:47

U la ju hikai ha la ka sngi ruh ha kata ka templ. Hynrei, ki rangbah lyngdoh, bad ki nongthoh, bad kiba kham rangbah na u paidbah, ki la ïawad dong ban pynïap noh ïa U:

ÏOANNIS 18:20

U Jisu u la ïathuh ha u, “Nga, nga la kren ha kaba paw shynna ha ka pyrthei; nga, nga la hikai ha la ka sngi ha ka synagog bad ha ka templ, ha kaba ki Jiw baroh ki ju ïaseng; bad ha kaba rieh ngam shym kren ei ei ruh em.

ÏOANNIS 8:2

Te la dang step eh u la wan pat sha ka templ, bad u paidbah baroh u la wan ha U: bad haba U la shong, U la hikai ïa ki.

KI KAM 20:20

kumno ba ngam shym la pep ban ïathuh ha phi ïa kiei kiei baroh kiba pynmyntoi, bad ban hikai ïa phi ha kaba paw, bad ha ki ïing ki ïing,

KI KAM 20:27

Namar ngam shym la pep ban ïathuh ha phi ïa ka mon ka jong U Blei baroh.

KI KAM 5:25

Te la wan uwei, bad u la ïathuh ha ki, “Ha khmih, kita ki briew ïa kiba phi la set ha ka ïing byndi, ki don ha ka templ, ki da ïeng, bad ki da hikai ïa u paidlang.”

KI KAM 5:42

Ha la ka sngi ruh, ha ka templ, bad ha la ïing, kim wai noh ban hikai, bad ban ïathuhkhana ïa U Jisu ba u long U Khrist.

DEUTERONOMI 12:32

“Ïa ka ktien baroh ba nga hukum ïa phi, to sumar ban leh ïa ka: men ym pyntam ha ka, lymne pynduna na ka.

DEUTERONOMI 12:5

Hynrei, phin ïawad ïa kata ka jaka, ha kaba U Trai uba U Blei jong phi un jied na ki jaid jong phi baroh, ïa ka ban buh ïa la ka kyrteng hangta, ïa ka jaka shongneh jong u keiñ, bad hangta, phin wan ruh:

DEUTERONOMI 4:2

Phin ym pyntam ei ei ruh ha kata ka ktien ïa kaba nga hukum ïa phi, lymne pynduna na ka, ba phin ïoh sumar ïa ki hukum U Trai uba U Blei jong phi, ïa kiba nga hukum ha phi.

JOSHUA 8:35

Ym shym don kawei ka ktien na kaba u Moses u la hukum baroh, ïa kaba u Joshua um shym la pule ha u paidbah ki Israel, lem bad ki kynthei, bad ki khynnah, bad u nongwei uba ïaid hapdeng jong ki.

JINGPYNPAW 22:19

te lada uno uno ruh un shim noh na kita ki ktien ka kitab jong kane ka jingïathuhlypa, U Blei un shim noh ïa ka bynta jong u na u dieng ka jingim, bad na kata ka nongbah ka bakhuid, bad na kita kiei kiei ruh ïa kiba la thoh ha kane ka kitab.