JEREMAÏAH 23:3 - KA BAIBL

³ “Bad ngan lum ïa kiba sah na ka kynhun jong nga na ki ri baroh sha kiba nga la beh noh ïa ki, bad ngan wallam pat ïa ki sha ki jingker jong ki: te kin sei soh bad kin nang bun.

Khasi CL Bible (BSI)

³ Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 23:3 Mawu Ofanana

SALM 106:47

To pynim ïa ngi, A Trai U Blei jong ngi, bad to lum ïa ngi napdeng kine ki jaid bynriew, ban ainguh ïa ka kyrteng ka bakhuid jong me, bad ban leh risa ha ka jingïaroh jong me.

JEREMAÏAH 16:15

hynrei, ‘Katba im U Trai, uba la wallam ïa ki khun Israel na ka ri shatei, bad na ki ri baroh kat shaba u la beh noh ïa ki:’ bad ngan wallam pat ïa ki sha la ka ri kaba nga la ai ha ki kpa jong ki.

JEREMAÏAH 29:14

Bad phin ïoh shem ïa nga,” ong U Trai, “bad ngan phai noh, bad ngan pynphai noh pat ïa ka jinglongmraw jong phi, bad ngan lum ïa phi na ki jaid bynriew baroh, bad na ki jaka baroh sha kiba nga la beh noh ïa phi,” ong U Trai; “bad ngan wallam ïa phi pat sha ka jaka na kaba nga la pynring mraw ïa phi.”

JEREMAÏAH 30:10

“Namar kata, wat sheptieng, ko Jakob, u shakri jong nga,” ong U Trai; “lymne wat khaw-eit, ko Israel: namar, ha khmih, ngan pynim ïa me na jngai, bad ïa u symbai jong me na ka ri ka jinglongmraw jong ki; bad u Jakob un wan phai pat, bad un long jai jai, bad ha kaba suk, bad yn ym don mano mano u ban pynsheptieng ïa u.

JEREMAÏAH 30:3

Namar, ha khmih, ki sngi ki wan,’ ” ong U Trai, “ba ngan pynphai pat ïa ka jinglongmraw u paidlang jong nga, ki Israel bad ki Judah,” ong U Trai: “bad ngan pynphai pat ïa ki sha ka ri kaba nga la ai ha ki kpa jong ki, bad kin ïoh ïa ka.”

JEREMAÏAH 31:7

Naba kumne u ong U Trai, “To rwai da kaba kmen na ka bynta u Jakob, bad to risa na ka bynta ki rangbah ki jaid bynriew: ïa-pynbna phi, to ïaroh phi, bad to ong, ‘A Trai, pynim ïa ki briew jong me, kiba sah na ki Israel.’

JEREMAÏAH 31:8

Ha khmih, ngan wallam ïa ki na ka ri shatei, bad ngan ïalum ïa ki na ki bakut ka khyndew, bad ryngkat bad ki, ïa u matlah bad u dkoh, ïa kaba punkhun bad kata kaba suhkhun lang: kin ïaphai pat shata shi kynhun bah.

JEREMAÏAH 32:37

“Ha khmih, ngan ïalum ïa ki na ki ri baroh, sha kiba nga la beh noh ïa ki ha ka jingbitar jong nga, bad ha ka jingshla jong nga, bad ha ka jingbitar lep; bad ngan wallam pat ïa ki sha kane ka jaka, bad ngan pynshong suk ïa ki:

JEREMAÏAH 46:27

“Hynrei, me wat sheptieng ko Jakob u shakri jong nga, lymne wat khaw-eit, ko Israel: namar ha khmih, ngan pynim ïa me na sha jngai, bad ïa u symbai jong me na ka ri ka jinglongmraw jong ki; bad u Jakob un leit phai pat, bad un long jar jar bad ha kaba suk, bad ym don u ban pynsheptieng ïa u.

JEREMAÏAH 50:19

Bad ngan wallam pat ïa u Israel sha ka jaka phlang jong u, bad un bam phlang halor u Karmel bad u Bashan, bad yn pynkdang ïa ka mynsiem jong u halor ki lum Ephraim bad ha ka Gilead.

JEREMAÏAH 8:3

Yn kham jied ïa ka jingïap ban ïa ka jingim da kiba dang sah baroh kiba sah tam na kane ka jaid bymman, kiba dang sah ha ki jaka baroh sha kiba nga la beh ïa ki,” ong U Trai ki paid.

ESEKIEL 11:17

Namar kata, to ong, “Kumne u ong U Trai U Blei: Ngan lum lang ïa phi napdeng ki kynja bynriew, bad ngan pynlang ïa phi na kita ki ri sha kiba la pynsakma ïa phi, bad ngan ai ïa phi ïa ka ri Israel.

ESEKIEL 36:11

bad ngan pynroi halor jong phi ïa u briew bad ïa u mrad ruh; te kin ïaroi bad kin ïasei soh: bad ngan pynshong ïa phi katba kum ka jinglong ka banyngkong jong phi, bad ngan leh kham bha ïa phi ban ïa ha ki jingsdang jong phi: bad phin ïoh tip ba nga long U Trai.

ESEKIEL 36:24

‘Namar ngan shim ïa phi napdeng ki jaid bynriew, bad ngan ïalum ïa phi na ki ri baroh, bad ngan wallam ïa phi ha ka ri jong phi hi.

ESEKIEL 36:37

Kumne u ong U Trai U Blei: “Nalor kane putet yn kylli ïa nga da ka ïing Israel, ba ngan leh ïa kata ïa ki: ngan pynroi ïa ki da ki briew kum ka kynhun.

LEBITIKOS 26:9

Bad ngan khmih thuh ïa phi, bad ngan pynlong ïa phi ki ban man kyrhai, bad ngan pynbun ruh ïa phi; bad ngan pynskhem ïa ka jutang jong nga bad phi.

MIKAH 2:12

Da shisha ngan lum lang ïa me baroh, ko Jakob; da shisha ngan lum lang ïa kiba dang sah jong ki Israel; ngan buh lang ïa ki kum ki langbrot Bosrah: kum ka kynhun ha la ka jaka bam phlang, kin pynlong ka jingsawa bakhraw namar ba bun eh ki briew.”

MIKAH 7:12

Ha kata ka sngi, kin wan ha pha na Assyria bad ha ki nongbah ka Ijipt, bad na Ijipt jin haduh kata ka Wah, bad naduh ka duriaw haduh ka duriaw, bad naduh u lum haduh u lum.