JEREMAÏAH 20:3 - KA BAIBL

³ Te kum lashai u Pashur u la pynmih noh ïa u Jeremaïah na kata ka dieng song. Ynda kumta, u Jeremaïah u la ong ha u, “U Trai um shym la khot kyrteng ïa me ‘U Pashur,’ hynrei, ‘U Magor-missabib.’

Khasi CL Bible (BSI)

³ Ha ka step kaba bud, hadien ba u Pashhur u la pyllait ïa nga na ki kynjri, nga la ong ha u, “U Trai um shym kyrteng ïa me u Pashhur. Ka kyrteng kaba u la lah ai ha me ka dei ‘Ka Jingshyrkhei ha kylleng.’

JEREMAÏAH 20:3 Mawu Ofanana

JENESIS 17:15

U Blei u la ong ruh ha u Abraham, “Ïa ka Sarai ka tnga jong me, men ym khot kyrteng shuh ‘ka Sarai’ ïa ka, hynrei, ‘ka Sara’ kan long ka kyrteng jong ka.

JENESIS 17:5

Bad yn ym khot kyrteng shuh ‘u Abram’ ïa me; hynrei, ka kyrteng jong me kan long ‘u Abraham’; naba nga la pynlong ïa me u kpa ïa ki jaid bynriew babun byllien.

JENESIS 32:28

U Angel pat u la ong, “Yn ym khot shuh ïa ka kyrteng jong me, ‘u Jakob’, hynrei ‘u Israel’: naba kum u syiem me la ïoh bor bad U Blei bad ki briew, te me la jop ruh.”

SALM 31:13

Naba nga la ïohsngew ïa ka jingpynbudnam jong kiba bun, ka jingsngewshyrkhei baroh sawdong: mynba ki la ïasylla lang pyrshah ïa nga, ki la thaw buit ban shim noh ïa ka jingim jong nga.

ISAÏAH 8:3

Te nga la leit ha ka nongïathuhlypa; bad ka la punkhun, ka la kha ruh ïa u khun. Bad U Trai u la ong ha nga, “To khot kyrteng ïa u, ‘u Maher-shalal-hash-bas.’

JEREMAÏAH 19:2

bad khie leit sha ka them u khun u Hinnom, kaba ha ka jingkhang ka khyrdop Harsith, bad to pynbna hangta ïa ki ktien kiba ngan ïathuh ha me:

JEREMAÏAH 19:6

namar kata, ha khmih, ki sngi kin wan,” ’ ” ong U Trai, “ba ïa kane ka jaka yn ym khot shuh ‘Ka Tophet,’ lymne ‘Ka them u khun u Hinnom,’ hynrei, ‘Ka them ka Jingpynïap.’

JEREMAÏAH 20:10

Namar nga la ïohsngew ïa ka jingpynbudnam kiba bun, “Ka jingshyrkhei baroh sawdong. To kynnoh sniew, te ngin kynnoh sniew ïa u,” ong ki lok bajan jong nga baroh, kita kiba ap ba ngan dkoh; “lehse yn riam pah ïa u, bad ngin lah ïa u, bad ngin pynhiar kput halor jong u.”

JEREMAÏAH 29:29

Bad u Sephanaïah u lyngdoh u la pule ïa kane ka shithi ha ki shkor u Jeremaïah, u nongïathuhlypa.

JEREMAÏAH 46:5

Balei nga la ïohi ïa ka? Ki la khaw-eit bad ki la kylla da dien; bad ïa ki riewradbah jong ki la shah jop, bad ki la phet noh stet, bad kim shym kyrtiang dien: ka jingshyrkhei baroh sawdong,” ong U Trai.

JEREMAÏAH 6:25

Wat leit mih sha ka lyngkha, lymne wat ïaid kai na ka lynti; naba hangta don ka waitlam u nongshun, bad ka jingma baroh sawdong.

JEREMAÏAH 7:32

Namar kata, ha khmih, ki sngi kin wan,” ong U Trai, “ban ym khot shuh ïa ka, ‘Ka Tophet’, lymne ‘Ka them u khun u Hinnom’, hynrei, ‘Ka them ka Jingpynïap’: naba kin ïatep ha Tophet, haduh bymdon jaka shuh.

SNGEWSYNEI 2:22

Me la khot, kum ha ka sngi ka jingïaseng bakyntang, ïa ki jingpynsheptieng jong nga baroh sawdong, bad ym shym don u ban lait lane ba la sah ha ka sngi ka jingbitar U Trai: kita ïa kiba nga la kynoi bad nga la ri, u nongshun jong nga u la bam duh.

ESEKIEL 13:9

“Bad ka kti jong nga kan long pyrshah ïa kita ki nongïathuhlypa kiba ïohi ïa ka jingthala, bad kiba kren byrtong ïa ki jinglamler: kin ym long ha ka jingïaseng ki briew jong nga, lymne yn ym thoh ïa ki ha ka rejistor ka ïing Israel, lymne kin ym ïoh rung ha ka ri Israel; te phin sa tip ba nga long U Trai U Blei.

KI KAM 16:30

bad u la ïalam noh ïa ki shabar, bad u la ong, “A kynrad, aïu ka dei ïa nga ban leh ba yn pynim ïa nga?”