JEREMAÏAH 2:8 - KA BAIBL

⁸ Ki lyngdoh kim shym ong, ‘Hangno U Trai?’ Bad kita kiba bat ïa ka hukum kim shym ithuh ïa nga: ki nongsynshar ruh ki la leh palat ïa nga, bad ki nongïathuhlypa ki la ïathuhlypa da u Baal, bad ki la ïabeh ïa kita kiei kiei ki bymmyntoi.

Khasi CL Bible (BSI)

⁸ Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

JEREMAÏAH 2:8 Mawu Ofanana

1 SYIEM 18:22

Ynda kumta te, u Elijah u la ong ha uta u paidbah, “Ma nga, tang marwei hi, nga dang sah u nongïathuhlypa jong U Trai, hynrei, ki nongïathuhlypa u Baal ki long sawspah sanphew ngut.

1 SYIEM 18:29

Te haba la palat shiteng sngi ruh, ki la ïathuhlypa haduh ka por ainguh ïa ka jingkñia la janmiet; hynrei, ym shym la don ktien ei ei, lymne uno uno ba jubab, lymne uno uno ba suidñiew.

1 SYIEM 18:40

Bad u Elijah u la ong ha ki, “Kem ïa ki nongïathuhlypa u Baal; wat ai ban lait uwei ruh na ki.” Bad ki la kem ïa ki: bad u Elijah u la leit lam ïa ki arsut sha ka wah Kishon, bad u la pynïap ïa ki hangta.

Ka Kitab U Job 35:10

Hynrei, ym don ba ong, ‘Hangno U Blei Nongthaw jong nga, uba ai ki jingrwai mynmiet;

ISAÏAH 28:7

Hynrei, kine ruh ki la bakla da ka Waiñ, bad da ka 'iad rot ki la ïaid sakma; u lyngdoh bad u nongïathuhlypa ki la bakla da ka 'iad rot, la nguid tylli ïa ki da ka Waiñ, ki la ïaid sakma da ka 'iad rot; ki bakla ha ka jingithuhpaw, ki jynthut ha ka jingbishar.

ISAÏAH 29:10

Namar U Trai u la theh halor jong phi ïa ka mynsiem ka jingïohthiah lyngngai, bad u la pynkhapbrip ïa ki khmat jong phi ki nongïathuhlypa; ïa ki rangbah jong phi ruh ki nongïohi, u la tap.

ISAÏAH 30:5

Kin sngewlehrain baroh ïa u paidlang u bym lah pynmyntoi ïa ki, u bymlong ka jingïarap lymne ka jingmyntoi, hynrei, tang ka jinglehrain, bad ka jingbeiñ ruh.”

JEREMAÏAH 10:21

Naba ki nongsharai ki la kylla bieit, bad kim shym ïakylli na U Trai: namar kata, kim shym la man bha, bad la pynsaphred ïa ki kynhun jong ki baroh.

JEREMAÏAH 12:10

Bun ki nongsharai ki la pynjot ïa ka bri Waiñ jong nga, ki la ïuh kjat ïa ka bynta jong nga, ki la pynlong khlaw kaba kynjah ïa ka bynta kaba itynnad jong nga.

JEREMAÏAH 16:19

A Trai, ka bor jong nga, bad ka kut baskhem jong nga, bad ka jaka rieh jong nga ha ka sngi ka jingjynjar, sha me ki jaid bynriew kin wan na ki bakut ka khyndew, bad kin ong, “Ki kpa jong ngi kim shym ïoh ei ei, hynrei, tang ki jinglamler, ïa ka jingthala keiñ, bad kiei kiei ki bym pynmyntoi.

JEREMAÏAH 18:18

Ynda kumta, ki la ong, “Ïa, to ngin ïathaw ki buit ban ïaleh ïa u Jeremaïah; naba ka hukum kan ym duh na u lyngdoh, lymne ka jingpyrkhat na uba stad, lymne ka ktien na u nongïathuhlypa, ïa ngin shoh ïa u da u thylliej, bad to ngin ym shahshkor ïa kino kino ki ktien jong u.”

JEREMAÏAH 2:11

Ka jaid bynriew ka la ïabujli ne em ïa la ki blei, wat ki bymlong ki blei ruh? Hynrei, ki briew jong nga ki la ïabujli ïa la ka burom na ka bynta kata ka bymmyntoi.

JEREMAÏAH 2:6

Lymne kim shym ong, ‘Hangno U Trai uba la wallam noh ïa ngi na ka ri Ijipt; uba la ïalam ïa ngi lyngba ka ri khlaw, lyngba ka ri ka jingkynjah bad ki 'liewlong, lyngba ka ri ki jingryngkhiang bad ka syrngiew ka jingïap, ka ri ka bym ju ïaid briew, bad ha ka bym ju shong briew?’

JEREMAÏAH 4:22

“Naba ki briew jong nga ki la bieit, kim ithuh ïa nga; ki long ki khynnah ki babieit, kim don jingsngewthuh ei ei: ki long ki basian ïa ka ban leh sniew, hynrei, ïa ka ban leh bha kim tip ei ei.”

JEREMAÏAH 5:31

ki nongïathuhlypa ki ïathuhlypa lamler, bad ki lyngdoh ki synshar da la ka buit; bad u paidbah jong nga u sngewbha ba ka long kumta: te phin leh kumno ha ka jingkut jong ka?

JEREMAÏAH 7:8

“ ‘Ha khmih, phi shaniah ha ki ktien shukor, ki bym lah ban pynmyntoi keiñ.

JEREMAÏAH 9:14

hynrei, ki la ïaid katba kum ka jingmutlop ka dohnud jong ki hi, bad katba kum ki Baal, kiba ki kpa jong ki, ki la hikai ïa ki:”

ESEKIEL 22:26

Ki lyngdoh jong ka ki la leh bor ïa ka hukum jong nga, bad ki la lehbeiñ sang ïa kiei kiei ki bakhuid jong nga: kim shym pynïapher satia ïa kaba la kyntang bad ïa ka bym shym kyntang, lymne kim shym la pynithuh ha ki briew ïa ka bymkhuid na ka bakhuid, bad ki la buhrieh la ki khmat na ki Sabbaton jong nga, bad la lehbeiñ sang ïa nga hapdeng jong ki.

ESEKIEL 34:2

“Ko khun u briew, to ïathuhlypa pyrshah ïa ki nongaplangbrot jong ki Israel, to ïathuhlypa, bad to ong ruh ha ki, ha ki nongaplangbrot keiñ, ‘Kumne u ong U Trai U Blei: Kordit ïa ki nongaplangbrot jong ki Israel kiba bsa ïa lade! ym dei ïa ki nongaplangbrot ban bsa ïa ki langbrot?

HOSIA 4:6

Ïa u paidlang jong nga la pynjot namar bymdon jingtip; namar ba me la kyntait ïa ka jingtip, nga ruh ngan kyntait ïa me, ba men ym long lyngdoh satia ha nga: naba me la klet ïa ka hukum U Blei jong me, nga ruh ngan klet ïa ki khun jong me.

HABAKKUK 2:18

Ka pynmyntoi aïu ka durblei, ba uta u nongthaw jong ka u la mutdur ïa ka; ïa kata ka durblei ba la saiñ, bad ïa uta u nonghikai ki jinglamler, ba uta u nongthaw jong ka jingthaw jong u, u shaniah ha ka, ïa ka ban thaw ki durblei ki bymnangkren?

MATHAÏOS 16:26

Naba u briew un myntoi aïu, lada un ïoh ïa ka pyrthei baroh, bad un duh noh ïa la ka mynsiem? Lane u briew un ïapli da ei ïa la ka mynsiem?

LOUKAS 11:52

Kordit ïa phi ki riewsaid! Naba phi la rah noh ïa u shabi jong ka jingtip: phi hi phim shym la rung shapoh, bad ïa kita kiba dang ïarung phi la khang.”

ÏOANNIS 16:3

Te ïa kine kiei kiei ruh, kin leh ïa phi, naba kim ithuh ïa U Kpa, lymne ïa nga.

ÏOANNIS 8:55

te pynban, phim shym la ithuh ïa u; hynrei, nga, nga ithuh ïa u; te lada nga ong ba ngam ithuh ïa u, ngan long kum ma phi, uba lamler; hynrei, nga ithuh ïa u, bad nga sumar ïa ka ktien jong u.

2 KORINTH 4:2

hynrei, ngi la kyndiah eh na kiei kiei ruh kiba rieh jong ka jinglehrain, haba ngim ïaid ha ka buit sianti, lymne khleh phon ïa ka ktien U Blei; hynrei, da ka jingpynpaw ïa ka jingshisha ngi da ïaroh ïa lade ha ka jingïatiplem ki briew baroh ha khmat U Blei.

DEUTERONOMI 33:10

Kin hikai ïa ki jingbishar jong me ïa u Jakob bad ka hukum jong me ïa u Israel: kin buh ïa ka jingiwbih thang ha khmat jong me, bad ïa ka jingkñia ainguh thang halor ka duwan jong me.

1 SAMUEL 12:21

bad wat kiar noh: naba kumta phi la leit bud ïa kiei kiei kiba thala ki bym lah pynmyntoi lymne pyllait, naba ki long kiba thala keiñ.

1 SAMUEL 2:12

Te ki khun u Eli ki la long ki khun u Belial; kim ithuh ïa U Trai.