JEREMAÏAH 2:6 - KA BAIBL

⁶ Lymne kim shym ong, ‘Hangno U Trai uba la wallam noh ïa ngi na ka ri Ijipt; uba la ïalam ïa ngi lyngba ka ri khlaw, lyngba ka ri ka jingkynjah bad ki 'liewlong, lyngba ka ri ki jingryngkhiang bad ka syrngiew ka jingïap, ka ri ka bym ju ïaid briew, bad ha ka bym ju shong briew?’

Khasi CL Bible (BSI)

⁶ Kim shym salia ïa nga, wat haba nga la pyllait ïa ki na Ijipt bad ïalam ïa ki lyngba ka ri khlaw: Ka jaka ki ri shyiap bad ki thliew shyiap, ka ri kaba tyrkhong bad kaba ma ha kaba ym don mano mano bashong basah bad ba ym don mano mano wat ban ïaid lyngba.

JEREMAÏAH 2:6 Mawu Ofanana

2 SYIEM 2:14

Bad u la shim ïa ka barandi u Elijah kaba la hap na u, bad u la shoh ïa ki um, bad u la ong, “Hangno long U Trai, U Blei jong u Elijah?” Te ynda u ruh u la shoh ïa ki um, ki la ïakhlad shane bad shatai: bad u Elisha u la leit sha shiliang.

Ka Kitab U Job 3:5

Ka jingdum bad ka syrngiew ka jingïap to kin kam ïa ka kum ïa la ka jong; to ai ba u lyoh un shong sah halor jong ka; ai ba kiei kiei baroh kiba pynïong ïa ka sngi kin pynsheptieng ïa ka.

Ka Kitab U Job 35:10

Hynrei, ym don ba ong, ‘Hangno U Blei Nongthaw jong nga, uba ai ki jingrwai mynmiet;

SALM 23:4

Shisha, la nga ïaid ruh ïa ka them ka syrngiew ka jingïap, ngan ym sheptieng ïa ka basniew; namar me don ryngkat ma me bad nga: u diengduh bad u shanduh jong me, ki pyntngen ïa nga.

SALM 77:5

Nga la pyrkhat ïa ki sngi kiba mynshuwa, ki snem ki por kiba mynbarim.

EKSODOS 20:2

“Ma nga U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw.

ISAÏAH 63:9

Ha ka jingshitom jong ki baroh u la shah shitom, bad u angel na khmat jong u, u la pynim ïa ki; ha ka jingieit jong u bad ha ka jingsngewsynei jong u, u la siewspah ïa ki; te u la kynthup ïa ki, u la bah ruh ïa ki ha la ka sngi naduh mynhyndai.

ISAÏAH 64:7

Ym don ruh uba khot kyrpad ïa ka kyrteng jong me, uba pynkhih ïa lade ban bat ïa me: namar me la buhrieh ïa la ka khmat na ngi, me la pynbam duh ïa ngi ruh da ki jingbymhok jong ngi.

JEREMAÏAH 13:16

To ai burom ha U Trai U Blei jong phi, katba um pat wallam ka jingdum, bad katba kim pat kynduh ki kjat jong phi ha ki lum ba-dum; bad haba phi khmih lynti ïa ka jingshai, ba un pynkylla ka syrngiew ka jingïap ïa ka, bad ba un pynlong ka ba-dum tliw ïa ka.

JEREMAÏAH 2:2

“Khie leit, pyrta ha ki shkor ka Jerusalem, to ong, “Kumne u ong U Trai, Nga kynmaw shaphang jong pha ïa ka jingsbun ka jinglong samla jong pha, ka jingieit ka jingïateh ktien jong pha; kumba pha la leit bud ïa nga ha ka ri khlaw, ha ka ri bym ju rep.

JEREMAÏAH 2:8

Ki lyngdoh kim shym ong, ‘Hangno U Trai?’ Bad kita kiba bat ïa ka hukum kim shym ithuh ïa nga: ki nongsynshar ruh ki la leh palat ïa nga, bad ki nongïathuhlypa ki la ïathuhlypa da u Baal, bad ki la ïabeh ïa kita kiei kiei ki bymmyntoi.

JEREMAÏAH 5:12

“Ki la len ïa U Trai, bad ki la ong, ‘Kam dei ma u; lymne ka basniew kan ym ngat ha ngi; lymne ngin ym ïohi ïa ka waitlam lymne ïa ka 'nemsniew;

JEREMAÏAH 5:2

Bad la ki ong, “Katba im U Trai;” shisha keiñ ki smai lamler.

JEREMAÏAH 51:43

Ki shnong jong ka ki la kylla ka jingkynjah, ka 'dewryngkhiang, bad ka ri shyiap, ka ri ha ka bymshong briew, lymne ym don u khun u briew uba ïaid hajan jong ka.

HOSIA 12:13

Bad da u nongïathuhlypa, U Trai u la wallam ïa u Israel na Ijipt, da u nongïathuhlypa ruh la sumar ïa u.

HOSIA 13:4

“Pynban, nga, nga long U Trai U Blei jong me na ka ri Ijipt: te men ym ithuh ïa uwei pat u blei lait na nga, nalor jong nga ruh ym don nongpynim shuh.

AMOS 2:10

Nga la wallam ruh ïa phi na ka ri Ijipt, bad nga la ïalam ïa phi sawphew snem ha ka ri khlaw, ïa ka ban ïoh ïa ka ri u nong Amor.

MATHAÏOS 4:16

ki briew kiba shong ha kaba dum ki la ïohi ïa ka jingshai bakhraw, bad ha kita kiba shong ha ka ri bad ha ka syrngiew ka jingïap, la mih ka jingshai.”

DEUTERONOMI 1:19

“Te ynda ngi la ïamih noh na Horeb, ngi la ïaid lyngba ïa kata ka ri khlaw baroh kaba khraw, bad kaba itieng ïa kaba phi la ïohi, ha kata ka lynti u lum ki Amor, kumba U Trai uba U Blei jong ngi u la hukum ïa ngi; bad ngi la ïawan poi ha Kadesh-barnea.

DEUTERONOMI 32:10

“U la shem ïa u ha ka ri bakynjah, bad ha ka ri khlaw kaba jlew bakynsha; U te U la ïalam baroh sawdong ïa u, U la hikai ïa u, U la sumar ïa u kum ïa i briew khmat jong U:

DEUTERONOMI 8:2

To men kynmaw ruh ïa kata ka lynti baroh ïa kaba U Trai uba U Blei jong me u la ïalam ïa me ha kine sawphew snem ha kata ka ri khlaw, ïa ka ban pynrit ïa me, bad ïa ka ban tynjuh ïa me, ïa ka ban tip kaei kaba ha ka dohnud jong me, la men sumar ne em ïa ki hukum jong u.

NONGBISHAR 6:13

U Gideon te u la ong ha u, “A kynrad jong nga, lada U Trai u don ryngkat bad ngi, balei te ba kane baroh ka la ngat ha ngi? bad shano ki kam phylla jong U baroh kiba ki kpa jong ngi ki la ïathuh ha ngi, ki da ong, ‘U Trai um shym la wallam noh ïa ngi na ka ri Ijipt?’ hynrei mynta, U Trai u la lyndet noh ïa ngi, bad U la ai noh ïa ngi ha ka kti ki Midian.”