JEREMAÏAH 2:2 - KA BAIBL

² “Khie leit, pyrta ha ki shkor ka Jerusalem, to ong, “Kumne u ong U Trai, Nga kynmaw shaphang jong pha ïa ka jingsbun ka jinglong samla jong pha, ka jingieit ka jingïateh ktien jong pha; kumba pha la leit bud ïa nga ha ka ri khlaw, ha ka ri bym ju rep.

Khasi CL Bible (BSI)

² ban pynbna ïa kane ka khubor ha uwei pa uwei ha Jerusalem, “Nga kynmaw kumno phi la long kiba ïaineh mynba phi dang khynnah, kumno phi la ieit ïa nga mynba ngi dang shongkurim nyngkong; phi la bud ïa nga lyngba ka ri shyiap, lyngba ka ri ka bym pat shym la thung jingthung.

JEREMAÏAH 2:2 Mawu Ofanana

SALM 129:1

“Bunsien ki la pynjynjar ïa nga naduh ba nga dang samla,” to kin ong ki Israel mynta:

EKSODOS 14:31

Te ki Israel ki la ïohi ïa kata ka kambah ka bakhraw kaba U Trai u la leh halor kita ki Ijipt, bad uta u paidbah u la sheptieng ïa U Trai: bad ki la ngeit ruh ha U Trai bad ha u Moses u shakri jong u.

EKSODOS 16:8

Te u Moses u la ong, “Kane kan long, haba U Trai un da ai ha phi la janmiet ïa ka doh ban bam, bad mynstep ïa u kpu haduh ban da kdang ruh; namar ba U Trai u la ïohsngew ïa ki jingkhñium jong phi ïa kiba phi khñium ïa u: ngi long aïu ma ngi? ki jingkhñium jong phi kim long ïa ngi, hynrei, ïa U Trai keiñ.”

PROBERB 1:20

Ka jingstad ka pyrta jam ha ki lynti shnong; ka pynmih ïa la ka ktien ha ki jaka kylluid;

JINGRWAI SOLOMON 3:11

To leit mih noh, ko phi ki khun kynthei ka Seïon, bad to khmih ïa u Solomon syiem, bad kata ka pansngiat kaba ka kmie jong u ka la pynphong ïa u ha ka sngi ka jingtehktien jong u, bad ha ka sngi ka jingsngewbha ka dohnud jong u.

JINGRWAI SOLOMON 3:6

Uei une uba wan mih noh na ka ri khlaw kum ki rishot tdem, uba iwbih mirr bad ka jingiwbih, ki musla baroh ruh jong u nongkhaïi?

ISAÏAH 58:1

“To pyrta jam la ka ryndang, wat tyngkai, pynjam ïa la ka ktien kum ka ronsing, to pynbna ruh ha u paidlang jong nga ïa ka ryngkang jong ki, bad ha ka ïing u Jakob ruh ïa ki pop jong ki.

JEREMAÏAH 11:6

Te U Trai u la ong ha nga, “To pynbna ïa kine ki ktien ha ki nongbah Judah, bad ha ki lynti shnong ka Jerusalem, to ong, ‘To pynsngew ïa ki ktien jong kane ka jutang, bad to leh ïa ki.’

JEREMAÏAH 19:2

bad khie leit sha ka them u khun u Hinnom, kaba ha ka jingkhang ka khyrdop Harsith, bad to pynbna hangta ïa ki ktien kiba ngan ïathuh ha me:

JEREMAÏAH 2:1

Te ka ktien U Trai ka la wan ha nga, kaba ong,

JEREMAÏAH 2:6

Lymne kim shym ong, ‘Hangno U Trai uba la wallam noh ïa ngi na ka ri Ijipt; uba la ïalam ïa ngi lyngba ka ri khlaw, lyngba ka ri ka jingkynjah bad ki 'liewlong, lyngba ka ri ki jingryngkhiang bad ka syrngiew ka jingïap, ka ri ka bym ju ïaid briew, bad ha ka bym ju shong briew?’

JEREMAÏAH 3:4

Naduh mynta, phan ym kyang ha nga, ‘Ko Kpa, me long u nongïalam ka jinglong samla jong nga?

JEREMAÏAH 7:2

“To ïeng ha ka khyrdop ka ïing U Trai, bad to pynbna hangta ïa kane ka ktien, bad to ong, ‘To sngew ïa ka ktien U Trai, phi ki Judah baroh, kiba wan rung na kine ki khyrdop ban leit mane ïa U Trai.

ESEKIEL 16:22

Bad ha ki jingijli jong pha baroh bad ha ki jingleh nuti jong pha baroh pham shym la kynmaw ïa ki sngi ka jinglong khynnah jong pha, haba pha dang long lyngbiang bad long lyngkhuit, bad ba pha dang kyrsum ha la ka snam.

ESEKIEL 16:60

La kumta ruh, ngan kynmaw ïa ka jutang jong nga kaba bad pha kaba ha ki sngi ka jinglong khynnah jong pha, bad ngan pynskhem ha pha ïa ka jutang bymjukut.

ESEKIEL 16:8

“ ‘Te haba nga la ïaid najan jong pha, bad nga la khmih ïa pha, ha khmih, ka por jong pha ka la long ka por ka jingieit; te nga la pynkup ïa la ka jaiñ halor jong pha, bad nga la tap ïa ka jinglyngkhuit jong pha: shisha, nga la smai ha pha, bad nga la ïateh ka jutang bad pha,’ ” ong U Trai U Blei, “bad pha long ka jong nga.

ESEKIEL 23:19

La kumta ruh, ka la pynkhraw la ki jingleh nuti, ka da kynmaw ïa ki sngi ka jinglong samla jong ka, ha kiba ka la leh nuti ha ka ri Ijipt.

ESEKIEL 23:3

te ki la leh nuti ha Ijipt; ki la leh nuti ha ka jinglong samla jong ki; hangta la ban ïa ki jymbuiñ jong ki, bad hangta ki la pynñiun ïa ki soh jymbuiñ jong ka jinglong sotti jong ki.

ESEKIEL 23:8

Lymne kam shym la iehnoh ïa la ki jingleh nuti kiba naduh ka ri Ijipt; naba ha ka jinglong samla jong ka ki la thiah bad ka, bad ki la pynñiun ïa ki soh jymbuiñ ka jinglong sotti jong ka: bad ki la theh noh ïa la ka jingleh nuti halor jong ka.

HOSIA 11:1

“Mynba u Israel u dang khynnah, hangta nga la ieit ïa u, bad nga la khot noh ïa la u khun na Ijipt.

HOSIA 2:15

Te ngan ai ha ka, ïa ki brisoh Waiñ jong ka nangta, bad ïa Ka Them Akhor ban long ka khyrdop ka jingkyrmen: kan phai ktien hangta ruh, kumba ha ki sngi ka jinglong samla jong ka, bad kumba ha ka sngi ba ka la wan kiew na ka ri Ijipt.

HOSIA 2:17

Naba ngan shim noh ïa ki kyrteng jong ki Baal na ka shyntur jong ka, te yn ym ïalap shuh ïa ki kyrteng jong ki.

HOSIA 2:7

Te kan bud ïa ki ba-ieit jong ka, hynrei, kan ym lap ïa ki; kan wad ruh ïa ki, hynrei, kan ym shem: te kan sa ong, ‘Ngan leit phai sha la u tnga trai; namar myn ha kata ka la long kham bha bad nga ban ïa mynta.’

HOSIA 8:1

“Buh ka ronsing ha ka shyntur. Kum ka pukni, u wan pyrshah ïa ka ïing U Trai: namar ki la ryngkang ïa ka jutang jong nga, bad ki la ïaleh pyrshah ïa ka hukum jong nga.

HOSIA 9:10

“Nga la shem ïa u Israel kum ki soh Waiñ ha ka ri khlaw; nga la ïohi ïa ki kpa jong phi kum u soh ih banyngkong ha u dieng Dumbur ha la ka aïom banyngkong: hynrei, ki la wan sha Baal-peor, bad ki la pynkyntang ïa lade sha kata ka jinglehrain, bad ki la kylla ijli kum kata hi kaba ki la ieit.

JONAH 1:2

“To ïeng, to leit sha Ninebeh, kata ka nongbah kaba khraw, bad to pyrta pyrshah ïa ka; naba ka jingleh bymman jong ki ka la wan kiew ha khmat jong nga.”

MATHAÏOS 11:15

Uba don ki shkor ban sngew, to un sngew.

LOUKAS 12:13

Te uwei na uta u paidbah u la ong ha U, “Ko Nonghikai, to ong ha u para jong nga ban ïabynta noh ïa ka bri bad nga.”

DEUTERONOMI 2:7

Naba U Trai uba U Blei jong me u la kyrkhu ïa me ha ki kam ka kti jong me baroh: u ithuh keiñ ïa ka jingïaid jong me lyngba kane ka ri khlaw bakhraw: kine sawphew snem, U Trai uba U Blei jong me u la don ryngkat bad me; mem shym la duna ei ei ruh em.” ’

DEUTERONOMI 33:3

Shisha, u la ieit ïa uta u paidlang; ki riewkhuid jong u baroh ki don ha ka kti jong me: ki la ïashong dem ha ki kjat jong me: uwei uwei baroh un pdiang na ki ktien jong me.

DEUTERONOMI 8:2

To men kynmaw ruh ïa kata ka lynti baroh ïa kaba U Trai uba U Blei jong me u la ïalam ïa me ha kine sawphew snem ha kata ka ri khlaw, ïa ka ban pynrit ïa me, bad ïa ka ban tynjuh ïa me, ïa ka ban tip kaei kaba ha ka dohnud jong me, la men sumar ne em ïa ki hukum jong u.

JAKOB 4:4

Phi kiba klim, hato phim tip ba kata ka jingïalok bad ka pyrthei ka long ka jingshun ïa U Blei? namar kata, uno uno ruh uba mon ban long u lok ka pyrthei, u pynlong ïa lade uba shun ïa U Blei keiñ.

JINGPYNPAW 2:4

Hynrei, nga don kane kaba pyrshah ïa pha, ba pha la iehnoh noh ïa ka jingieit jong pha ka banyngkong.