JEREMAÏAH 19:3 - KA BAIBL

³ bad to ong, ‘To sngew phi ïa ka ktien U Trai, ko ki syiem ka Judah, bad kiba shong ha Jerusalem; kumne u ong U Trai ki paid, U Blei ki Israel, “Ha khmih, ngan pynwan ïa ka jingsniew halor kane ka jaka kaba uno uno u ban ïohsngew, ki shkor jong u kin kyllut noh ngiang.

Khasi CL Bible (BSI)

³ U Trai u la bthah ïa nga ban ong, “Ko ki syiem jong ka Judah bad ki briew jong ka Jerusalem, to shahshkor ïa kaei kaba ma nga, U Trai Badonbor Baroh, U Blei jong ka Israel, nga don ban ong. Ngan wallam kaba kum kane ka jingpynjot ha kane ka jaka ba uwei pa uwei baroh uba ïohsngew shaphang jong ka un kyndit.

JEREMAÏAH 19:3 Mawu Ofanana

SALM 102:15

Kumta ki jaid bynriew kin sheptieng ïa ka kyrteng U Trai, bad baroh ki syiem ka pyrthei ïa ka burom jong me:

SALM 110:5

U Trai ha ka kti kamon jong me un sum ïa ki syiem ha ka sngi ka jingbitar jong u.

SALM 2:10

Namar kata te, to long ki bastad, ko phi ki syiem: to long ba la hikai, phi ki nongbishar ka pyrthei.

ISAÏAH 28:19

Katno katno sien ba ka ïaid lyngba, kan shim ïa phi; namar man la ka step kan ïaid lyngba, mynsngi bad mynmiet: te kan long sa tang ka jingshyrkhei suda ban shemphang ïa kata ka jingbna.

JEREMAÏAH 13:18

To ong ha u syiem bad ha ka kmie syiem, “To pynrit ïa lade, to shong khop: namar ka la hap ka jingdeng khlieh jong phi, ka pansngiat ka burom jong phi keiñ.

JEREMAÏAH 17:20

bad to ong ha ki, ‘To sngew phi ïa ka ktien U Trai, phi ki syiem ka Judah, bad ki Judah baroh, bad baroh kiba shong ha Jerusalem, kiba rung na kine ki khyrdop;

JEREMAÏAH 18:11

Namar kata, to khie leit, to kren ïa ki rangbah Judah, bad ïa kiba shong ha Jerusalem, to ong, ‘Kumne u ong U Trai: “Ha khmih, nga khreh ïa ka basniew ïa phi, bad nga thaw ïa ka buit ban ïaleh ïa phi: to phai noh phi mynta uwei uwei baroh na la ka lynti basniew, bad to pynbeit ïa la ki lynti bad ïa la ki jingleh.”

JEREMAÏAH 19:15

“Kumne u ong U Trai ki paid, U Blei ki Israel, ‘Ha khmih, ngan pynwan halor kane ka nongbah bad halor ki shnong jong ka baroh ïa kata ka jingsniew baroh kaba nga la pynbna pyrshah ïa ki; namar ki la pyneh ïa la ka ryndang, khnang ba kin ym sngew ïa ki ktien jong nga.’ ”

JEREMAÏAH 25:29

Naba ha khmih, nga sdang ban pynsniew ïa ka shnong ïa kaba la khot da ka kyrteng jong nga, phi te phin lait phar khlem jingshitom? Phin ym lait na ka jingshitom: naba ngan phah khot ïa ka waitlam halor baroh kiba shong ha ka khyndew,” ’ ” ong U Trai ki paid.

JEREMAÏAH 35:17

namar kata,” kumne u ong U Trai, U Blei ki paid, U Blei ki Israel: “Ha khmih, ngan wallam halor ka Judah bad halor kiba shong ha Jerusalem baroh, ïa kata ka jingsniew baroh kaba nga la kren pyrshah ïa ki; namar nga la kren ha ki, hynrei, kim shym la sngap; bad nga la khot ïa ki, hynrei, kim shym phai ktien.”

JEREMAÏAH 44:3

na ka bynta ka jingleh bymman jong ki kaba ki la leh ban kynshuiñ ïa nga ban bitar, ha kaba ki la leit ban thang jingiwbih, bad ban shakri ïa kiwei pat ki blei, ïa kiba kim ithuh, lymne ma ki hi, lymne ma phi, lymne ki kpa jong phi ruh.

JEREMAÏAH 6:19

To sngew, A ka khyndew: ha khmih, ngan wallam ka basniew halor une u paidbah, u soh ki jingmut jong ki keiñ, namar kim shym la shahshkor ïa ki ktien jong nga; te shaphang ka hukum jong nga, ki la kyntait ïa ka.

ESEKIEL 7:5

Kumne u ong U Trai U Blei: “Ka jingsniew, ka jingsniew suda; ha khmih, ka wan.

MATHAÏOS 10:18

yn ïalam ruh ïa phi ha khmat ki lyngskor bad ki syiem na ka bynta jong nga, ïa ka ban long ka jingphla ha ki bad ha ki Jentil.

JINGPYNPAW 2:29

Jar uba don ka shkor, to un sngew ïa kaei ba U Mynsiem u ong ha kita ki balang.’ ”

1 SAMUEL 3:11

Te U Trai u la ong ha u Samuel, “Ha khmih, ngan sa leh ei ei ha Israel, ha kaba uno uno baroh haba un ïohsngew ïa ka, kin kyllut noh ngiang ki shkor jong u baroh ar.