JEREMAÏAH 14:3 - KA BAIBL

³ Bad ki bakhraw batri jong ki, ki phah ïa la ki khun rit sha ki um: ki wan sha ki thliew um, te kim shem um; ki leit phai noh bad la ki khiew suda: ki lehrain bad ki sngewlyngngoh, ki tap ïa la ki khlieh.

Khasi CL Bible (BSI)

³ Ki briew bariewspah ki phah ïa la ki shakri ban tong um; ki leit sha ki thliew pynlang um, hynrei kim shem um; ki wan phai pat bad ki khra thylli. Ki la noh mynsiem bad shaïong jingmut, ki buhrieh ïa la ki durkhmat.

JEREMAÏAH 14:3 Mawu Ofanana

2 SAMUEL 15:30

Bad u Dabid u la leit kiew ïa u lum ki Olib, u da ïam ruh katba kiew artet; bad u la tapmoh ïa la ka khlieh, bad u la ïaid 'jat lyngkhuit ruh de: bad kita ki briew baroh kiba la don lem bad u ki la tapmoh uwei pa uwei ïa la ka khlieh, bad ki la leit artet, ki da ïam katba ki ïakiew.

2 SAMUEL 19:4

Hynrei, u syiem u la tap ïa la ka khmat, bad u syiem u la pyrta da ka ktien kaba jam, “Ko khun jong nga Absalom, ko Absalom, ko khun jong nga, ko khun jong nga!”

1 SYIEM 17:7

Te hadien katto katne, kata ka wah ka la rngad, namar bym shym la don slap ha ka ri.

2 SYIEM 18:31

Wat sngap ïa u Hesekaïah: naba kumne ong u syiem ka Assyria, ‘To pynlong ka jingïasuk bad nga, bad to wan mih sha nga bad to u briew baroh un bam na la u dieng Waiñ, bad u briew baroh na la u dieng Dumbur, bad to dih u briew baroh na ki um la ka jong ka pukri;

ESTHER 6:12

Te u Mordekai u la wan pat sha ka khyrdop u syiem. Hynrei, u Haman u la leit kyrkieh sha la ïing, u da sngewsih bad u da tap noh ïa la ka khlieh.

Ka Kitab U Job 6:20

La pynlehrain ïa ki namar ba ki la kyrmen; ki la poi shata, bad la pynsngew lyngngoh ïa ki.

SALM 109:29

Ai ban pynkup da kaba jahburom ïa ki nongïaleh pyrshah jong nga, bad ai ba kin tap ïa lade da la ka jong ka jinglehrain kumba da ka barandi.

SALM 40:14

To ai ba kita kin ïalehrain bad ba kin ïalyngngoh lang kiba wad ïa ka mynsiem jong nga ban pynduh ïa ka: to ai ban pynphai da dien bad ban pynjahburom ïa kita kiba sngewbha ha ka jingpynsniew ïa nga.

JEREMAÏAH 14:4

Namar ba la pdang ka khyndew, ba ym don slap ha ka ri, ki nonglur ki lehrain, ki tap ïa la ki khlieh.

JEREMAÏAH 15:18

Balei ba ka long borabor ka jingsuh jong nga, bad ba ka jingmong jong nga ka bym lah khiah shuh, ka bym treh hi ban khiah? Shisha men long ïa nga kum ka wah ka bashukor, kum ki um ki bymthikna?

JEREMAÏAH 2:13

Naba ki briew jong nga ki la leh ar tylli ki jingsniew; ki la lyndet ïa nga ka umpohliew ki um ba-im, bad ki la shna ïa lade ki pukri, ki pukri kiba pei, ki bym lah pynsah um.

JEREMAÏAH 2:37

Na u ruh phan sa mih noh, bad ki kti jong pha halor la ka khlieh: naba U Trai u la kyntait ïa ki jingshaniah jong pha, bad phan ym man bha ha ki.”

JEREMAÏAH 20:11

Hynrei, U Trai u long lem bad nga kum uba don bor bad uba itieng: namar kata, ki nongbehbeiñ ïa nga kin jynthut, te kin ym jop; yn pynlehrain sat ïa ki, namar kim shym leh sian, da ka jingjahburom kaba junom keiñ ïa ka ban ym klet noh lano lano.

JEREMAÏAH 3:3

Namar kata, la khang ïa u 'lap praw, bad ym shym la don 'lap khatduh shuh; pynban, pha la don ka shyllangmat ka nuti, pham shym treh de ban sngewlehrain.

SNGEWSYNEI 4:4

U thylliej u khunlung ba dang buiñ u dambit ha ka neng shyntur jong u namar ba sliang: ki khun rit ki pan kpu, te ym don u ban kdiah ha ki.

HOSIA 2:3

ïoh ngan pynlyngkhuit ïa ka, bad buh ruh ïa ka kum ha kata ka sngi ba la kha ïa ka, ba ngan pynlong ruh ïa ka kum ka ri bakynjah, bad buh ïa ka kum ka ri ryngkhiang, bad pynïap ïa ka, da ka jingsliang;

JOEL 1:20

Ki mrad ha lum ruh ki ïathynrang ha me: naba ka um ki wah duid ka la rngad, bad ka ding ka la bam duh ïa u phlang ha khlaw.

AMOS 4:7

“Bad nga la khang ruh ïa u slap na phi, haba dang don lai bnai haduh ka aïom ot: bad nga la pynhap slap ha kawei ka nongbah, bad nga la pynlong ban ym hap slap ha kawei pat ka nongbah. Kawei ka bynta ka la ïoh slap, te kata ka bynta ka bym shym ïoh slap ka la ïap tyrkhong.

AMOS 4:8

Kumta, ar ne lai tylli ki nongbah ki la ïaid ïor ïor sha kawei ka nongbah ban dih um, te kim jah sliang: pynban, phim shym phai sha nga,” ong U Trai.

SEKHARAÏAH 14:17

Te kino kino na ki kur ka khyndew baroh ki ban ym leit sha Jerusalem ban mane ïa U Syiem, U Trai ki paid, halor kita kan ym long slap shuh.